Təmiz şəhər ASC

Vikipediya, azad ensiklopediya
Jump to navigation Jump to search
Təmiz şəhər ASC
Təmiz şəhər Açıq Səhmdar Cəmiyyəti
Təmiz Şəhər.loqo.png
Ölkə: Azərbaycan Azərbaycan
Yaradılıb: 6 avqust 2008
Tabeçilik: Azərbaycan Respublikası İqtisadiyyat Nazirliyi
Ünvan: Bakı – AZ1025, Xocalı pr., 55
Rəhbərlik
Rəhbər: Etibar Təhməz oğlu Abbasov
Müavin: Sabit Fizuli oğlu Zeyniyev
Sayt
https://tamizshahar.az/

Təmiz şəhər ASC (Açıq Səhmdar Cəmiyyəti) — Bakı şəhəri ərazisində əmələ gələn bərk məişət tullantılarının yerləşdirilməsi və zərərsizləşdirilməsi sistemini müasir standartlara uyğun qurmaq və idarə etməklə şəhərin ekoloji vəziyyətinin yaxşılaşdırılması işlərini həyata keçirən qurum. Azərbaycan Respublikası Prezidenti İlham Əliyevin 2008-ci il 6 avqust tarixli “Bakı şəhərində məişət tullantıları ilə bağlı idarəetmənin təkmilləşdirilməsi haqqında” sərəncama əsasən təsis olmuşdur.[1] 2009-cu il martın 12-də “Təmiz Şəhər” ASC dövlət qeydiyyatına alınmış və öz fəaliyyətinə başlamışdır.[2]

Tarixi[redaktə | əsas redaktə]

Abşeron regionundakı mövcud ekoloji problemlərin planlı surətdə həll edilməsi məqsədilə Azərbaycan Respublikasının Prezidenti tərəfindən 28 sentyabr 2006-cı il tarixində «Azərbaycan Respublikasında ekoloji vəziyyətin yaxşılaşdırılmasına dair 2006-2010-cu illər üçün Kompleks Tədbirlər Planı» təsdiq olunmuşdur. Bakı və Abşeron yarımadasının ekoloji durumunun sağlamlaşdırılmasında bu tədbirlər planının böyük əhəmiyəti vardır. Kompleks Tədbirlər Planında ətraf mühitin mövcud vəziyyətinin bərpasına yönəldilmiş bütün əsas fəaliyyət istiqamətləri öz əksini tapmışdır. Belə ki, Bakı buxtasının, Bibiheybət zonasının, H.Əliyev adına Beynəlxalq Hava Limanının ətrafının, Abşeron yarımadasının göllərinin, neftlə çirklənmiş torpaqların, lay suları altında qalmış sahələrin və digər istehsal tullantıları ilə çirklənmiş ərazilərin ekoloji vəziyyətinin yaxşılaşdırılması və digər məsələlər tədbirlər planında əks olunmuşdur.

Kompleks Tədbirlər Planı üzrə təsdiq olunmuş vəzifələr üzrə Abşeron yarımadasında məişət tullantılarının yığılması, daşınması, yerləşdirilməsi ilə bağlı məsələlərin həll olunması da bu vəzifələr arasındadır.

Yaradılması[redaktə | əsas redaktə]

Azərbaycan Respublikası Prezidenti İlham Əliyevin 2008-ci il 6 avqust tarixli “Bakı şəhərində məişət tullantıları ilə bağlı idarəetmənin təkmilləşdirilməsi haqqında” sərəncama görə Bakı şəhərinin ərazisində əmələgəlmə mənbəyindən asılı olmayaraq, bütün bərk məişət tullantılarının yığılması, daşınması Bakı Şəhər İcra Hakimiyyətinə səlahiyyətində qalır. Sərəncama əsasən təsis olunan “Təmiz Şəhər” Açıq Səhmdar Cəmiyyəti isə Bakının ərazisində əmələ gələn bərk məişət tullantılarının yerləşdirilməsi və zərərsizləşdirilməsi sistemini müasir standartlara uyğun qurmaq və idarə etməklə şəhərin ekoloji vəziyyətinin yaxşılaşdırılması işlərini həyata keçirir.[1]

12 mart 2009-cu ildə “Təmiz Şəhər” ASC dövlət qeydiyyatına alınmış və öz fəaliyyətinə başlamışdır. “Təmiz Şəhər” ASC dövlət müəssisəsi olmaqla, öz təsərrüfat fəaliyyətini müstəqil quran təşkilatdır, onun ümumi idarəetmə və fəaliyyətinə nəzarət səlahiyyətləri təsisçi qismində Əmlak Məsələləri üzrə Dövlət Komitəsiİqtisadiyyat Nazirliyi, həmçinin İqtisadiyyat Nazirliyinin formalaşdırdığı Müşahidə Şurası tərəfindən həyata keçirilir.[2]

Cəmiyyətə tullantıların yerləşdirilməsini və utilizasiyasını müasir standartlara cavab verən şəkildə qurmaq və idarə etmək, bu prosesi mütəşəkkil qaydada həyata keçirmək, həmçinin şəhərin ekoloji vəziyyətini yaxşılaşdırmaq və qeyd olunan sahənin gələcəkdə mərhələlərlə bazar iqtisadiyyatı prinsipləri əsasında inkişaf etdirmək həvalə olunmuşdur.[2]

"Təmiz Şəhər" Açıq Səhmdar Cəmiyyətinin fəaliyyətinin təşkil edilməsi məqsədi ilə Bakı Şəhər İcra Hakimiyyətinin Mənzil-Kommunal Təsərrüfatı Departamentinin balansında və xidmət dairəsində olan Balaxanı şəhər tullantılarının zərərsizləşdirilməsi poliqonu, SuraxanıQaradağ rayonlarının ərazisində yerləşən bərk məişət tullantılarının yerləşdirilməsi və zərərsizləşdirilməsi sahələri əmlakları ilə birgə ona verilmişdir.[1]

Bakı şəhərinin ərazisində əmələgəlmə mənbəyindən asılı olmayaraq, bütün bərk məişət tullantılarının yığılması, daşınması və "Təmiz Şəhər" Açıq Səhmdar Cəmiyyətinə təhvil verilməsi funksiyasını Bakı Şəhər İcra Hakimiyyəti yerinə yetirir. Bunun üçün müstəqil mənzil fondu olan dövlət idarə, müəssisə və təşkilatlarının Bakı şəhərində bərk məişət tullantılarının yığılması və daşınması ilə bağlı funksiyaları və bu funksiyaların yerinə yetirilməsi üçün balanslarında olan zibil toplama məntəqələri, maşın-mexanizmləri və avadanlıqları Bakı Şəhər İcra Hakimiyyətinə verilmişdir.[1]

İdarə edilməsi[redaktə | əsas redaktə]

"Təmiz Şəhər" Açıq Səhmdar Cəmiyyəti İdarə Heyəti tərəfindən idarə olunur. ACS Azərbaycan Respublikası İqtisadiyyat Nazirliyinin tabeçiliyindədir. Cəmiyyətinin səhmlərinin saxlayıcısı funksiyalarını Azərbaycan Respublikasının Əmlak Məsələləri Dövlət Komitəsi həyata keçirir.[3]

"Təmiz Şəhər" Açıq Səhmdar Cəmiyyəti İdarə Heyətinin sədri Etibar Təhməz oğlu Abbasovdur. ASC-nin İdarə Heyəti sədrinin müavini vəzifəsini Sabit Fizuli oğlu Zeyniyev yerinə yetirir.

Layihələri[redaktə | əsas redaktə]

  • “Tullantıdan sənətə” sərgisi.
  • “Təmiz Qala” layihəsi.
  • İçərişəhərdə tullantıların çeşidlənməsi layihəsi.
  • Bərk Məişət Tullantılarının Vahid İdarəçiliyi Layihəsi.
  • Bərk Məişət Tullantılarının Yandırılması Zavodu.
  • Bərk Məişət Tullantılarının Çeşidlənməsi Zavodu.
  • Balaxanı Sənaye Parkı.
  • Yuma və dezinfeksiya məntəqəsi.
  • Abşeron göllərinin ekoloji bərpası layihəsi.

İstinadlar[redaktə | əsas redaktə]