Tərlan Musayeva

Vikipediya, açıq ensiklopediya
Jump to navigation Jump to search
Tərlan Musayeva
Tərlan Həsən qızı Musayeva
Tərlan Musayeva və Şərqiyyə Vəliyeva.jpg
Tərlan Musayeva və Şərqiyyə Vəliyeva
Doğum tarixi 22 yanvar 1955 (1955-01-22) (64 yaş)
Doğum yeri Kələntərli, Bərdə
Vətəndaşlığı Azərbaycan Azərbaycan
Milliyyəti azərbaycanlı
Təhsili
Fəaliyyəti siyasətçi, Q56651102?
Mükafatları SU Order of Friendship of Peoples ribbon.svg
"Qırmızı Əmək Bayrağı"
Lenin komsomolu
Commons-logo.svg Vikianbarda əlaqəli mediafayllar

Tərlan Musayeva (Musayeva Tərlan Həsən qızı; d. 22 yanvar 1955, Bərdə) — Azərbaycan Respublikası Milli Məclisinin I çağırış[1] deputatı, Prezident təqaüdçüsü, Ailə, Qadın və Uşaq Problemləri üzrə Dövlət Komitəsinin üzvü.

Həyat və fəaliyyəti[redaktə | əsas redaktə]

22 yanvar 1955 – ci il tarixində Azərbaycan Respublikasının Bərdə rayonu Kələntərli kəndində kolxozçu ailəsində anadan olmuşdur. Tərlan Musayeva 1972-ci ildə Mirbəşir (Tərtər) şəhəri 1 saylı orta məktəbini bitirmiş, həmin ildə Bərdə rayonunun 105 saylı kənd texniki peşə məktəbinə daxil olmuşdur.[2]. 1973-cü ildə peşə məktəbini sürücü mexanik ixtisası üzrə bitirərək, Bərdə rayonu “Kommunizm” kolxozunda mexanizator kimi əmək fəaliyyətinə başlamışdır. Əmək fəaliyyətində fərqləndiyinə görə dövlət tərəfindən "Qırmızı Əmək Bayrağı" ordeni (SSRİ), Xalqlar dostluğu ordenləri ilə təltif edilmiş, həmçinin Azərbaycan SSRİSSRİ Lenin komsomolu mükafatlarına layiq görülmüşdür. Eyni zamanda, Xalq nailiyyətləri sərgisinin qızıl, gümüş və bürünc medallarını almışdır. Habelə, Paşa Angelina, Tursnoy AxundovaSevil Qazıyeva adına mükafatlara və bir neçə fəxri fərmanlara layiq görülmüşdür.

  • 1980-cı ildə kinorejissor Elçin Əfəndiyev tərəfindən Tərlan Musayeva haqqında sənədli film çəkilmişdir.
  • Tərlan Musayeva 23 yaşında SSRİ Ali Sovetinin (X-XI çağırış) ən gənc deputatı olmuşdur.
  • 1995-ci ildə 56 saylı Bərdə rayon seçki dairəsindən majoritar qaydada Azərbaycan Respublikası Milli Məclisinin deputatı seçilmişdir. Onun aqrar – islahat komissiyasının üzvi kimi verdiyi təkliflər, eləcə də açıqladığı fikirlər deputatlar tərəfindən yüksək qiymətləndirilmişdir. Milli Məclisdə 30-a yaxın qanunların hazırlanıb müzakirəyə çıxarılmasında böyük əməyi və zəhməti olmuşdur.[3].

Tərlan Musayeva 1981-1991-ci illər ərzində kolxoz idarə heyətinin sədr müavini kimi fəaliyyət göstərmişdir.

1991-1992-ci illərdə Səməd ağa Ağamalıoğlu adına kolxoz idarə heyətinin sədri və Bərdə rayon Xalq deputatları Sovetinin sədri vəzifələrində işləmişdir. O, çalışdığı müddətdə təhsilini qiyabi davam etdirmiş, Ağdam kənd təsərrüfatı texnikumunu, Gəncə Kənd Təsərrüfatı AkademiyasınıAzərbaycan prezidenti yanında Dövlətçilik Akademiyasını fərqlənmə diplomu ilə bitirmişdir. Tərlan Musayeva hal-hazırda prezident təqaüdcüsüdür.

1993-cü ildən Yeni Azərbaycan Partiyasının üzvüdür. 2002-2003-cü illərdə Dövlət Əmək Müfəttişliyi Xidmətində çalışmış, hazırda isə Ailə, Qadın və Uşaq Problemləri üzrə Dövlət Komitəsinin üzvüdür.

Ailəsi[redaktə | əsas redaktə]

Ailəlidir. 3 övladı, 2 nəvəsi var.

Haqqında[redaktə | əsas redaktə]

  • Haqqında 1980-ci ildə Tərlan Musayeva (film, 1980) adlı film çəkilmişdir.
  • İsmayılov, Z. "Qarabağın tərlanı" [Mətn]: [Oçerk] /Z.İsmayılov. - Bakı: Yazıçı, 1980.- 58 s. (Oçerkdə Bərdə rayonundakı “Kommunizm” kolxozunun adlı-sanlı pambıqçısı, Sosialist Əməyi Qəhrəmanı Tərlan Musayevanın mənalı həyatı və ictimai fəaliyyətindən söhbət açılır).
  • Xəlilzadə, F. "Zirvə fəth olunur, tərk edilmir" [Mətn]: [Bərdəli, Prezident təqaüdçüsü, Sosialist Əməyi Qəhrəmanı Tərlan Musayeva haqqında] /F.Xəlilzadə//Azərbaycan. - 2005.- 4 fevral .- S.4.
  • Quliyev, L. "Tərlan" [Mətn]: [Sosialist Əməyi Qəhrəmanı Tərlan Musayeva haqqında] /L.Quliyev //Kommunizm yolu.- 1981.- 3 sentyabr.- S.3.

Həmçinin bax[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Tərlan Musayeva ilə əlaqəli mediafayllar var.