Tamxil Ziyəddinoğlu

Vikipediya, açıq ensiklopediya
Jump to navigation Jump to search
Tamxil Ziyəddinoğlu
Hacıyev Tamxil Ziyəddin oğlu
Tamxil Ziyəddinoğlu.jpg
Tamxil Ziyəddinoğlu
İlk adı Tamxil
Təxəllüsü Ziyəddinoğlu
Doğum tarixi 20 mart 1958 (1958-03-20) (61 yaş)
Doğum yeri Qafan rayonu, Kurud kəndi
Vətəndaşlığı SSRİ SSRİ
Azərbaycan Azərbaycan
Milliyyəti Azərbaycanlı
Atası Ziyəddin
Təhsili Bаkı Dövlət Univеrsitеti
İxtisası Jurnаlistikа
Fəaliyyəti yazıçı-publisist
Əsərlərinin dili Azərbaycanca
Commons-logo.svg Vikianbarda əlaqəli mediafayllar

Tamxil Ziyəddinoğlu (Hacıyev Tamxil Ziyəddin oğlu; 20 mart 1958, Kurud, Qafan rayonu, Ermənistan SSR) — Bütöv Azərbaycan qəzetinin təsisçisi və baş redaktoru (2008), AzTv-də “Hərbi-vətənpərvərlik” şöbəsinin baş redaktoru (01.09.2016), “Zireh” və “Hünər meydanı” verilişlərinin müəllifi. Hərbi Jurnalistlər Birliyinin sədri; Azərbaycan Televiziya və Radio Verilişləri QSC-də İnformasiya Proqramları Studiyasının direktor müavini (01.06.2017). Açıq Hökumətin Təşviqinə Dair Hökumət-Vətəndaş Cəmiyyəti Dialoqu Platformasının üzvü.

Həyatı[redaktə | əsas redaktə]

Tamxil Ziyəddinoğlu 20 mart 1958-ci ildə Zəngəzur mahalında, indi Ermənistan adlanan Qərbi Azərbaycanın Qafan rayonunun Kurud kəndində anadan olub. 1973-cü ildə Kurud kənd 8 illik məktəbini bitirib. Orta təhsili Gığı kənd orta məktəbində başa vurub. 1975-76-cı dərs ilində Bakı şəhərindəki 56 nömrəli Texniki Peşə məktəbini fərqlənmə ilə bitirib. 1977-79-cu illərdə Sovet Ordusu sıralarında xidmət edib. Tərxis olunduqdan sonra fasiləsiz olaraq çilingər, fəhlə, kitabxanaçı və digər işlərdə çalışıb.

1985-ci ildə Azərbaycan Dövlət Universitetinin (indiki BDU) jurnalistika fakültəsininin əyani şöbəsinə daxil olub. 1990-cı ildə Universiteti fərqlənmə ilə bitirib. Elə həmin il təyinatla “Sovet kəndi” qəzeti redaksiyasına göndərilib. Orada korrektor, müxbir və şöbə müdiri vəzifələrində işləyib. “Respublika” qəzetinin parlament müxbiri olub.

1996-cı ildə Azərbaycan Televiziyasının “Xəbərlər” redaksiyasına dəvət alıb. Hazırda Televiziyada “Hərbivətənpərvərlik” şöbəsinin böyük redaktoru, “Zireh”, “Hünər meydanı” verilişlərinin müəllifidir.

2006-cı ildə “Vətən sərhəddən başlanır” mövzusunda keçirilmiş kino sənəti üzrə müsabiqənin qalibidir. 2008-ci ildə “Bütöv Azərbaycan” qəzetini təsis edib. Qəzetin ilk nömrəsi sentyabrın 15-də Bakının Erməni-Rus birləşmələrindən azad olunmasının ildönümündə işıq üzü görüb. Nəşr günü kimi məhz bu tarixi seçməsi həm də onun Azərbaycanın mütləq bütövləşəcəyinə inamının ifadəsidir.

Bütöv Azərbaycan ünvanlı müqəddəs yolun yolçuluğuna özümüzə inanaraq, cəfakeş ziyalılara, adı vətənlə qoşa çəkilən analara, vətənpərvər oğullara, ərlərə, ərənlərə güvənərək çıxmışıq. Məqsədimiz parça-parça bölüklənmiş, bölünə-bölünə yağmalanmış məmləkətimizin iki yüzillik yaralarına məlhəm qoymaqdır. Bir vətəndaş olaraq hamımızın, hər birimizin əsas vəzifəsi hürr bayrağımızı uca tutmaq, dünyanın bütün azərbaycanlılarını bu bayraq ətrafında birləşdirməkdir.

Hərbi Jurnalistlər Birliyinin sədridir; 2016-cı ilin sentyabrından AzTv-də Hərbi- vətənpərvərlik baş redaksiyasının baş redaktoru vəzifəsinə təyin olunub; 2017-ci il iyunun 1-dən Azərbaycan Televiziya və Radio Verilişləri QSC-də İnformasiya Proqramları Studiyasının direktor müavini vəzifəsinə irəli çəkilib.

Açıq Hökumətin Təşviqinə Dair Hökumət-Vətəndaş Cəmiyyəti Dialoqu Platformasının üzvüdür

Məqalələri[redaktə | əsas redaktə]

Xarici keçidlər[redaktə | əsas redaktə]

Vikianbarda Tamxil Ziyəddinoğlu ilə əlaqəli mediafayllar var.