Telman Əliyev (aktyor)

Vikipediya, açıq ensiklopediya
Jump to navigation Jump to search
Telman Əliyev
Telman Rüstəm oğlu Əliyev
Telman Əliyev.jpg
Doğum tarixi 2 noyabr 1947(1947-11-02)
Doğum yeri Gəncə, Azərbaycan SSR
Vəfat tarixi 4 iyul 2017 (69 yaşında)
Vəfat yeri Bakı, Azərbaycan
Vəfat səbəbi Ürəktutma
Həyat yoldaşı Zemfira Əliyeva[1]
Vətəndaşlığı Azərbaycan
Peşəsi aktyor
Təhsili
Mükafatları "Azərbaycan SSR əməkdar artisti" fəxri adı — 1989 "Şərəf Nişanı" ordeni

Əliyev Telman Rüstəm oğlu — azərbaycanlı aktyor.

Həyatı[redaktə | əsas redaktə]

Telman Əliyev 2 noyabr 1947-ci ildə Gəncə şəhərində anadan olmuşdur. 1982-ci ildə Azərbaycan Dövlət İncəsənət İnstitutunun Mədəni–maarif fakültəsini bitirmişdir. Gəncə Dövlət Dram Teatrının səhnəsində Bəhram ("Solğun çiçəklər" Cəfər Cabbarlı), Baloğlan ("Almaz" Cəfər Cabbarlı), Şeyx Alı ("Vaqif" Səməd Vurğun), Məşədi İbad ("Məşədi İbad" Üzeyir Hacıbəyov), Əliqulu ("Əliqulu evlənir" Sabit Rəhman), Xurşidbanu Natəvanın oğlu ("Xan qızı" F.Əliyarbəyli), Əziz ("Qatır Məmməd", Zahid Xəlil), Sabir ("Yeddi oğlan və bir qız" R.Ağayev), Molla Sadıq ("Dəli Kür" İsmayıl Şıxlı) və s. rolları oynamışdır. 2000-ci ildən Akademik Milli Dram Teatrının artist heyətinə qəbul edilmişdir. Bu teatrda aktyor Balaxan ("Aydın" Cəfər Cabbarlı), Şüeyb ("Ulduz, yaxud Ədirnə fəthi" Cəfər Cabbarlı), Baba ("Poçt şöbəsində xəyal", Elçin), Qüdrət Qurbanoviç ("Köhnə ev", Əli Əmirli), Yoldaş Əmrah ("Bu dünyanın adamları", Hidayət), Teromen ("Fedra", J.Rasin), Sintizator ("Hələ "Sevirəm" deməmişdilər", Ramiz Novruz), Qulamoğlu ("Hərənin öz payı", Xeyrəddin Qoca), Dilənçi ("Varlı qadın" Əli Əmirli), Şeyx Əhməd ("Ölülər" Cəlil Məmmədquluzadə), serjant ("Generalın son əmri", Vaqif Səmədoğlu) və s. rolları oynamışdır. "Bir aktyorun teatrı" ( Araq düşkünü), "Bahar-99" (Məşədi) teletamaşalarına və "Şeytan içimizdədir" (şöbə rəisi), "Yük" (Duxançı), "Bizi dağlarda axtarın" filmlərinə çəkilmişdir.

Görkəmli aktyor 4 iyul 2017-ci ildə 69 yaşında ürəktutmadan dünyasını dəyişmişdir.[2] Xırdalan qəbiristanlığında dəfn olunmuşdur.[3]

Mükafatları[redaktə | əsas redaktə]

  • Azərbaycan SSR Ali Sovetinin Fəxri Fərmanı — 24.12.1981[4]
  • Şərəf nişanı ordeni — 1986
  • Respublikanın Əməkdar artisti — 1989

Filmoqrafiya[redaktə | əsas redaktə]

  1. Acılar bitməz (film, 2009)
  2. Ağabəyovlar (film, 2012-2014)
  3. Axınla aşağı (film, 2014)
  4. Balqabaq (film, 2007)
  5. Bizi dağlarda axtarın (film, 1976)
  6. Cavad xan (film, 2009)
  7. Xoca (2012)
  8. Qaydasız döyüş (film, 2009)
  9. Qocalar, qocalar... (film, 1982)
  10. O dünyadan salam (film, 1991)
  11. Pərvanələrin rəqsi (serial, 2012)
  12. Seçilən (film, 2008)‎
  13. Şeytan göz qabağında (film, 1987)
  14. Təlatüm (film, 2006)
  15. Ünvansız eşq (2011)
  16. Yalan (film, 2006)
  17. Yük (film, 1995)

İstinadlar[redaktə | əsas redaktə]

Xarici keçidlər[redaktə | əsas redaktə]

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı