Tsutsumu

Vikipediya, açıq ensiklopediya
Jump to navigation Jump to search

Tsutsumu (包む azərb. qablaşdırılmış?) – ənənəvi Yaponiya cismin qablaşdırılması və ya paketləşdirilməsi sənəti. İnkişaf etmiş dizaynı və təbii estetikanı sadə cisimlərə tətbiq edən sənət növüdür.[1]

Yapon qablaşdırmalarının ən yaxşı kolleksiyaçısı və araşdırmaçısı Hideyuki Okadır. Yaponiyanın ən tanınmış qrafik dizaynerlərindən biri olan Hideyuki Oka tsutsumu sənəti haqqındakı araşdırmaları barədə kitab yazmışdır.[1]

1981-ci ilin may ayında Yaponiya Ev Qalereyasında "Tsutsumu - Yapon Paketi Sərgisi" adlı qalereya açılmışdır. Sərgidə 221 məhsul sərgilənmişdir.[1]

Hazırlanma[redaktə | əsas redaktə]

Yapon paketi iki əsas ünsürdən ibarətdir. Praqmatik adlandırılan ilk şey bir məhsulu saxlamaq üçün digər məhsulunun istifadə edilməsidir. Məsələn, düyü küftələrinin ətrafında bambuk yarpaqlarının və ya düyü kekslərini saxlamaq üçün palıd yarpaqlarının istifadə olunması. Qurudulmuş balıqların ancaq müəyyən müddətdə hava alması, balığın altı aya qədər qorunması və paketin lazım olan anda bir qədər qablaşdırılması üçün ipdən istifadə edilməsi daha mürəkkəb prosesdir.[1]

İkinci əsas ünsür inkişaf etmiş texnikalar və həssaslıq tələb edən əl işidir. Ustalar paketlər üzərində işləyərkən öz əl məharətlərindən maksimum dərəcədə istifadə etməyə çalışdıqlarından sənət peşəkar hal almışdır və paketinin özünün içərisindəkindən daha cazibədar olduğu səviyyəyə çatmışdır.[1]

Ənənəvi yapon paketi taxta, bambuk samanı, gil, kağız bez və keramika kimi materiallardan hazırlanır. Qablaşdırmada diqqət yetirilən digər məqam isə təmizlikdir.[1]

Qablaşdırmada istifadə olunan materiallar və rənglər müəyyən mənalar qazanmışdır. 50-60 qat əl boyaması ilə cilalanmış boya ancaq dəyərli hədiyyələri qablaşdırmaq üçün istifadə olunur. Kağız müqəddəs olduğu üçün kəsilmir, qatlanır. Rənglər mövsümləri təmsil edir: bahar üçün incə çalarla, yay üçün yaşıl çalarlar, qış üçün tünd rənglər. Qırmızı və ağ xoşbəxtliyi, ağ-qara rəng ölümü təmsil edir. Dəri parçalar heç vaxt istifadə olunmur, çünki buddistlər tərəfindən çirkli hesab edilir.[1]

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 1,6 {{cite web}} şablonunun bütün parametrlərinin adı olmalıdır. "Nesnenin Paketlenmesi" (türkçə). Japon Sineması (26 dekabr 2018). 30 yanvar 2019 tarixində arxivləşdirilib. İstifadə tarixi: 30 yanvar 2019.