İstifadəçi:Javanshir Mamedzadeh
Cavanşir Musaməddin oğlu Məmmədzadə (d. 19 yanvar 1985, RSFSR, Komsomolsk rayonu, Xabarovsk diyarı) Azərbaycanlı teleaparıcı, müxbir, prodüsser, youtuber
Bioqrafiyası[redaktə | mənbəni redaktə et]
1985-ci ilin 19 yanvarında Rusiyada dünyaya gəlib. 1989-cu ildə ailəsi ilə birgə Gəncə şəhərinə köçür. 1992-1996-cı illər Bakının Suraxanı qəsəbəsində yerləşən Səttar Bəhlulzadə adına Xarici Dillər Təmayüllü Gimnaziyada orta təhsil alıb. Daha sonra atasının doğulduğu Gəncə şəhərində orta təhsilini (1996-2003) davam etdirib. Həqiqi hərbi xidmətdən (2004-2006) qayıtdıqdan sonra, 2007-ci ildə Bakıdakı Qərb universitetində beynəlxalq jurnalistika ixtisası üzrə ali təhsil almağa başlayıb. Bir il sonra Save the Children təşkilatının Gəncə ofisində çalışıb.
Karyerası[redaktə | mənbəni redaktə et]
Cavanşir Məmmədzadə 2008-ci ilin sonlarından öz ixtisası üzrə işləmək məqsədilə Gəncədə yerləşən Kəpəz Televiziyasında aparıcı və müxbir kimi işə başlayır. Xəbər aparıcısı kimi 4 ildən artıq bir müddətdə fəaliyyət göstərən Cavanşir eyni zamanda müəllifi olduğu "Hər şənbə" (2012-2013) səhər verilişində aparıcılıq edib. Bir müddət Kəpəz TV-də yayımlanan Reportyor verilişinin də aparıcısı olan Cavanşir bir sıra mövzular üzrə araşdırmalar aparıb. Hazırda müəllifi olduğu digər layihənin - məktəblilər arasında keçirilən "Zirvə" intellektual televiziya layihəsinin aparıcısı və prodüsseridir. Cavanşir 2012-ci ildə AzTV-də yayımlanan MAG verilişinin Qərb bölgəsi üzrə müxbiri kimi fəaliyyət göstərib və gənclərlə bağlı süjetlər hazırlayıb. Bir neçə seminarlarda jurnalistika sahəsinin dərinliklərini öyrənən Cavanşir 2009-cu ildə Türkiyədə "Maltepe Universiteti"ndə televiziya sahəsində təhsil alıb. İstanbulun bir sıra televiziyalarında təcrübələr keçib. O, həmçinin Kəpəz televiziyasının hazırladığı bir neçə sənədli filmlərdə rol alıb.
Televiziya layihələri[redaktə | mənbəni redaktə et]
2012-2013 - "Hər şənbə" (ARB Kəpəz), həmkarı Vüsalə Nürəddinqızı
2013 - "Reportyor" araşdırma verilişi
2013 - indiyə qədər. məktəblilər arasında keçirilən "Zirvə" intellektual veriliş
Filmoqrafiya[redaktə | mənbəni redaktə et]
- Dəli Alı (sənədli film) - pristav
- Mirzə Abbas Abbaszadə (sənədli film) - rus zabit
- Nəsib bəy Yusifbəyli (sənədli film) - rus zabit
Maraqlı faktlar[redaktə | mənbəni redaktə et]
2012-ci ildə Cavanşirin ABŞ-nin keçmiş prezidenti Barak Obamadan aldığı müsahibə böyük maraq doğurmuşdu. Amma sonradan bunun video montaj olduğu və sırf 1 aprel zarafatı olduğu məlum oldu.