Vəli Ağbaba

Vikipediya, azad ensiklopediya
Naviqasiyaya keç Axtarışa keç
Vəli Ağbaba
türk. Veli Ağbaba
bayraq
TBMM 27-ci çağırış millət vəkili
bayraq2
Vəzifədədir
28 iyun 2011-ci ildən
Şəxsi məlumatlar
Doğum tarixi 3 aprel 1968(1968-04-03) (55 yaş)
Partiya
Təhsili
Fəaliyyəti siyasətçi

Vəli Ağbaba (türk. Veli Ağbaba; 3 aprel 1968) — TBMM 24, 25, 26, 27-ci çağırış millət vəkili, Türk siyasətçi və Cümhuriyyət Xalq Partiyasının sədr müavini.

Həyatı[redaktə | mənbəni redaktə et]

Vəli Ağbaba 3 aprel 1968-ci ildə Malatya şəhərinin Qaraca kəndində anadan olmuşdur. Turan Əməksiz liseyini bitirdikdən sonra, Əskişəhərdə yerləşən Anadolu Universitetinin İqtisadi və idarəetmə elmləri fakültəsini 1989-cu ildə bitirmişdir. Vəli Ağbaba universitet illərində Anadolu Universiteti Tələbə Dərnəyinin rəhbəri vəzifəsini yerinə yetirmiş və Əskişəhər Xalq Evinə üzv olaraq tələbə gənclik hərəkatında yer almışdır[1][2].

Siyasi fəaliyyəti[redaktə | mənbəni redaktə et]

Vəli Ağbaba əsgərlikdən sonra 1993-cü ildə Sosial-demokrat Xalqçı Partiyasına qatıldı və 1994-cü il seçkilərində Malatya Bələdiyyə Məclis üzvü seçilərək bələdiyyələrdəki ən gənc fraksiya sədri oldu.

Vəli Ağbaba 18 fevral 1995-ci il tarixində toplanan qurultayda Cümhuriyyət Xalq Partiyası ilə Sosyaldemokrat Xalqçı Partiyasının birləşmə qurultayında qurultay sədri vəzifəsini icra etmişdir.

1998-ci ildə keçirilən şəhər konqresində Cümhuriyyət Xalq Partiyası Malatya Şəhər Təşkilatının sədri seçildiyində 30 yaşında olan Vəli Ağbaba 1999-cu il seçkilərində Cümhuriyyət Xalq Partiyasının şəhər təşkilatının sədri seçilmişdir.

Vəli Ağbaba 2002-ci il parlament seçkilərində Cümhuriyyət Xalq Partiyasından millət vəkilliyinə namizəd, 2007-ci il seçkilərində isə Malatya millət vəkilli namizədliyinə namizəd olmuşdur. 2003–2005-ci illərdə Cümhuriyyət Xalq Partiyasının Nizam-intizam Komitəsinin üzvü, 2004-cü ildə isə Cümhuriyyət Xalq Partiyasının Seçki Komitəsinin sədri olmuşdur[3].

Vəli Ağbaba 2011-ci il seçkilərindən öncə 6 mart 2010 və 10 yanvar 2011 tarixləri arasına partiyanın Malatya Şəhər Təşkilatı sədrliyi vəzifəsini icra etmişdir. 2011-ci il seçkilərində millət vəkilliyinə namizəd olmuş və seçilmişdir. Türkiyə Böyük Millət Məclisinin İnsan Hüquqları Komitəsinin üzvü olmuşdur. 17 – 18 iyul 2012 tarixlərində baş tutan Cümhuriyyət Xalq Partiyasının Qurultayında Partiya Məclisi üzvü seçilən Vəli Ağbaba 8 may 2014 və 24 yanvar 2016-cı illər arasında Cümhuriyyət Xalq Partiyasının yerli idarəetmə orqanlarından məsul sədr müavini vəzifəsini icra etmişdir. 2015-ci il və 2018-ci il parlament seçkilərində yenidiən Cümhuriyyət Xalq Partiyasının Malatya millət vəkili olaraq TBMM-ə girdi. Həmçinin Malatyaspor Konqresinin, İnsan Hüquqları Dərnəyinin, Atatürkçü Düşüncə Dərnəyinin üzvüdür[4].

İstinadlar[redaktə | mənbəni redaktə et]

  1. ↑ "Veli Ağbaba Özgeçmişi" Arxivləşdirilib 2016-08-19 at the Wayback Machine www.chp.org.tr.
  2. ↑ "Veli Ağbaba Biyografisi" Arxivləşdirilib 2016-03-05 at the Wayback Machine www.tbmm.gov.tr. Türkiye Büyük Millet Meclisi resmi site.
  3. ↑ "Arxivlənmiş surət". 2016-08-06 tarixində arxivləşdirilib. İstifadə tarixi: 2019-05-07.
  4. ↑ "Arxivlənmiş surət". 2016-09-20 tarixində arxivləşdirilib. İstifadə tarixi: 2019-05-07.
Mənbə — "https://az.wikipedia.org/w/index.php?title=Vəli_Ağbaba&oldid=7060222"