Vəli Qədimov

Vikipediya, azad ensiklopediya
Jump to navigation Jump to search
Vəli Qədimov
Doğum adı Vəli Qədimov
Doğum tarixi 12 yanvar 1940(1940-01-12)
Doğum yeri Çəmbərəkənd, Bakı, Azərbaycan SSR
Vəfat tarixi 15 aprel 2009 (69 yaşında)
Vəfat yeri Balaxanı, Bakı, Azərbaycan
Dəfn yeri Balaxanı qəbirstanlığı
Vətəndaşlığı Azərbaycan Azərbaycan SSR, Azərbaycan
Peşəsi Klarnet ifaçısı

Musiqi aləti Klarnet
Fəaliyyət illəri 1954–2008
Mükafatları "Azərbaycan Respublikasının xalq artisti" fəxri adı — 2000 "Azərbaycan SSR əməkdar artisti" fəxri adı — 1987

Vəli Qədimov (12 yanvar 1940, Bakı15 aprel 2009, Bakı) — Azərbaycanın xalq artisti, prezident təqaüdçüsü, mahir klarnet ifaçısı.

Həyatı[redaktə | əsas redaktə]

Əslən Balaxanıdan olan Vəli Qədimov 1940-cı il yanvarın 12-də Bakının Çəmbərəkənd deyilən ərazisilə Dağlı məhəlləsinin qovuşduğu məkanda dünyaya gəlmişdir. Təhsilini 69 nömrəli məktəbdə almışdır.[1] Uşaq yaşlarından klarnet çalmağa başlayan Vəli 14 yaşında artıq tibb işçilərinin mədəniyyət evində Zeynəb Xanlarova ilə birlikdə özfəaliyyət kollektivində iştirak etməyə başlamışdır.

İlk illər və yaradıcılığı[redaktə | əsas redaktə]

İki ildən sonra, 1956-cı ildə Vəli Qədimovun çalğıçı olmasını nəzərə alan məşhur müğənni Sürəyya Qacar onu Müslüm Maqomayev adına filarmoniyanın ansamblına dəvət edir.

1970-ci ildə o, Baba Salahovun, 1983-cü ildə xalq artisti Zeynəb Xanlarovanın ansamblında aparıcı solist yerini tutmuşdur. Onun ifasında Azərbaycan musiqisi dünyanın bütün qitələrində səslənmiş və sürəkli alqışlarla qarşılanmışdır.

Vəli Qədimova 1987-ci ildə Azərbaycanın əməkdar artisti, 2000-ci ildə Azərbaycanın xalq artisti fəxri adları verilmişdir.

Vəfatı[redaktə | əsas redaktə]

2008-ci ilin avqust ayında isə onun səhhəti qəflətən pisləşib və sənətkar iflic olub.[2] Ömrünün son bir neçə ilini yataqda keçirmişdir.

Uzun sürən xəstəlikdən sonra 2009-cu il aprelin 15-də axşam saatlarında 68 yaşında dünyasını dəyişən[3] Azərbaycanın xalq artisti, prezident təqaüdçüsü, mahir klarnet ifaçısı Vəli Qədimov 16 aprel tarixində Balaxanı qəbiristanlığında əzizlərinin yanında dəfn olunub.[4] Vida mərasimi onun yaşadığı evdə keçirilib.

Vəli Qədimovun ailəsində üç oğul övladı böyüyüb-Fuad, Fərid, Famil, dörd nəvəsi var

Video[redaktə | əsas redaktə]

İstinadlar[redaktə | əsas redaktə]

  1. "Balaxanı qəsəbəsi, 69 nömrəli məktəb". Təhsil problemləri. İstifadə tarixi: 2017-01-24.
  2. "Vəli Qədimov iflic olub". Hafta.az. İstifadə tarixi: 2017-01-24.
  3. "Azərbaycanın Xalq artisti Vəli Qədimov vəfat edib". APA. İstifadə tarixi: 2017-01-24.
  4. "Vəli Qədimov Balaxanı qəbiristanlığında dəfn olunub". APA. İstifadə tarixi: 2017-01-24.