Valeh Babayev

Vikipediya, azad ensiklopediya
Jump to navigation Jump to search
Valeh Babayev
Valeh Babayev.jpg
Doğum tarixi 14 iyun 1977(1977-06-14)
Doğum yeri Qobustan rayonu, Nərimankənd kəndi
Vəfat tarixi 6 noyabr 2007 (30 yaşında)
Vəfat yeri Füzuli rayonu, Horadiz qəsəbəsi
Vətəndaşlığı Azərbaycan Azərbaycan
Milliyyəti Azərbaycanlı
Mükafatları "Qüsursuz xidmətə görə" III dərəcəli medalı

Valeh Babayev (tam adı: Valeh Dadaş oğlu Babayev) — Azərbaycan Silahlı Qüvvələrinin Quru Qoşunlarının baş leytenantı, 2007-ci il 6 noyabr tarixində döyüş tapşırığını yerinə yetirərkən şəhid olub.

Həyatı[redaktə | əsas redaktə]

Valeh Babayev 1977-ci ilin 14 iyun günündə Qobustan rayonunun Nərimankənd kəndi Dadaş və Cəmilə Babayevlər ailəsində anadan olub. Ailənin birinci övladı idi. 1983-ci ildə Qobustan rayonu Nərimankənd kənd tam orta məktəbinin birinci sinfinə getdi, 1994-ci ildə isə həmin məktəbi bitirdi. Elə həmin il Həzi Aslanov adına Bakı Ali Ümumqoşun Komandirləri Məktəbinə qəbul olan Babayev 1998-ci ildə həmin hərbi məktəbi bitirdi. Valeh Babayev 2000-ci ilin 10 sentyabr günündə həmkəndlisi Nuranə xanım ilə ailə həyatı qurdu. Bu nigahdan onların bir qızı və bir oğlu var ; Aydan (2002) və Səid (2003).

Sitatları[redaktə | əsas redaktə]

" "İnsan bu həyata bir dəfə gəlir və bir dəfə də həyatdan gedir. Gedəndə də gərək şərəflə gedəsən". "

Hərbi xidməti[redaktə | əsas redaktə]

Valeh Babayev 1998-ci ilin iyun ayından müxtəlif illərdə Silahlı Qüvvələrin və Quru Qoşunlarının hərbi hissələrində tağım komandiri, bölük komandiri və hərbi hissənin fiziki hazırlıq üzrə mütəxəssis vəzifələrində xidmət edib. 2007-ci ilin noyabr 5-dən 6-na keçən gecə döyüş tapşırığını yerinə yetirərkən baş leytenant Babayev bədənin müxtəlif nahiyələrindən qəlpə yarası aldı. İlk tibbi yardım göstərildikdən sonra Füzuli rayon Əhmədbəyli Hospitalına çatdırılsa da Baş leytenant Valeh Babayev qan axma (qəlpə yarası) nəticəsində qəhrəmancasına şəhid oldu. Noyabr 6-sı Valeh Babayevin nəşi doğma Qobustan rayonuna aparıldı.

Noyabrın 6-sı isə baş leytenant Valeh Babayev anadan olduğu Nərimankənd kənd qəbirstanlığında izdihamla son mənzilə yola salındı. Dəfn mərasiminə minlərlə rayon sakini ilə yanaşı şəhidin xidmət etdiyi hərbi hissənin əsgər və zabitləri də qatıldı. Baş leytenant Valeh Babayev uğrunda şəhid olduğu torpağa tapşırıldı. Baş leytenantın tabutuna çəkilən bayraq isə şəhidin qardaşı İslam Babayevə təqdim olundu.

Dövlət təltifləri[redaktə | əsas redaktə]

"Qüsursuz xidmətə görə" III dərəcəli medalı.

Qobustan şəhərində küçələrdən biri Baş leytenant Valeh Babayevin adını daşıyır.

İstinadlar[redaktə | əsas redaktə]