Vaqif Axundov

Vikipediya, azad ensiklopediya
Jump to navigation Jump to search
Vaqif Axundov
Vaqif Axundov.jpg
bayraqAzərbaycan Respublikası Xüsusi Dövlət Mühafizə Xidmətinin Rəisibayraq
1992 — 16 mart 2020
Şəxsi məlumatlar
Doğum tarixi 16 sentyabr 1950(1950-09-16) (69 yaş)
Doğum yeri Astara, Azərbaycan SSR, SSRİ
Milliyyəti azərbaycanlı
Hərbi xidmət
Rütbəsi
Azərbaycan Silahlı Qüvvələrinin Quru Qoşunlarının general-polkovniki.png General-polkovnik
Təltifləri I dərəcəli "Vətənə xidmətə görə" ordeni — 2018 II dərəcəli "Vətənə xidmətə görə" ordeni — 2018 "Azərbaycan Bayrağı" ordeni

Vaqif Əlibala oğlu Axundov (16 sentyabr 1950(1950-09-16), Astara) — Azərbaycan Respublikası Xüsusi Dövlət Mühafizə Xidmətinin rəisi (1992–2020), general-polkovnik.

Həyatı[redaktə | əsas redaktə]

Vaqif Axundov 1950-ci il sentyabrın 16-da Astara şəhərində anadan olmuşdur. 1968-1972-ci illərdə Azərbaycan Neft və Kimya İnstitutunda, 1989-1994-cü illərdə Bakı Dövlət Universitetində, 1999-2002-ci illərdə isə Azərbaycan Respublikasının Prezidenti yanında Dövlət İdarəçilik Akademiyasında təhsil almışdır. İxtisasca iqtisadçı-mühəndis, hüquqşünasdır[1].

Əmək fəaliyyətinə 1971-ci ildə Kuybışev şəhərində qazma-balta zavodunda tornaçı kimi başlamışdır. 1972-1975-ci illərdə Sovet Ordusu sıralarında zabit kimi hərbi xidmətdə olmuşdur. Hərbi xidmətdən qayıtdıqdan sonra Bakıda leytenant Şmidt adına Maşınqayırma Zavodunda normalaşdırıcı, böyük mühəndis, iqtisadçı işləmişdir.

1975-ci ildə Azərbaycan Daxili İşlər Nazirliyində növbətçi hissə üzrə növbətçi köməkçisi, 1975-1978-ci illərdə Bakı şəhər Daxili İşlər İdarəsində komsomol komitəsinin katibi, 1978-1991-ci illərdə DİN-də şöbə rəisinin müavini, şöbə rəisi işləmişdir.

1992-1993-cü illərdə Azərbaycan Ali Dövlət Hakimiyyəti və İdarəetmə Orqanları Mühafizə İdarəsinin rəisi, 1993-cü ildən isə Ali Dövlət Hakimiyyəti və İdarəetmə Orqanları Baş Mühafizə İdarəsinin rəisi vəzifələrində çalışmışdır.

2 iyun 2003-cü ildən Azərbaycan Respublikası Xüsusi Dövlət Mühafizə Xidmətinin rəisidir.

Azərbaycan SSR Ali Sovetini Rəyasət Heyətinin Fəxri Fərmanı, "Azərbaycan Bayrağı" ordeni və medallarla təltif edilmişdir. 2018-ci ildə Azərbaycan Respublikasının Prezidentinin sərəncamı ilə Vətənə xidmətə görə 1-ci dərəcəli ordenlə təltif edilmişdir.

Ailəlidir, 1 övladı var.

İstinadlar[redaktə | əsas redaktə]

  1. "Xüsusi Dövlət Mühafizə Xidməti: Rəhbərlik". Xüsusi Dövlət Mühafizə Xidməti (azərb.). dmx.gov.az. 2013. İstifadə tarixi: 2014-06-11.

Mənbə[redaktə | əsas redaktə]