Vaxtanq Çabukiani

Vaxtanq Çabukiani
gürc. ვახტანგ ჭაბუკიანი
İlk adı	Vaxtanq Mixayloviç Çabukiani
Doğum tarixi	12 mart 1910(1910-03-12)
Doğum yeri	Tbilisi, Rusiya İmperiyası Rusiya İmperiyası
Vəfat tarixi	6 aprel 1992 (82 yaşında)
Vəfat yeri	Tbilisi, Gürcüstan
Dəfn yeri	Mtatsminda panteonu[d]
Vətəndaşlığı	Gürcüstan SSR Gürcüstan
Peşələri	baletmeyster, xareoqraf
Təhsili	Vaganova Academy of Russian Ballet[d]
Mükafatları
IMDb	ID 0149356
Vikianbarda əlaqəli mediafayllar

Vaxtanq Mixayloviç Çabukiani (gürc. ვახტანგ ჭაბუკიანი; 12 mart 1910 — 6 aprel 1992) — gürcü balet artisti, baletmeyster və pedaqoqu. SSRİ xalq artisti (1950).

Həyatı

Vaxtanq Çabukiani 12 mart 1910-cu ildə Tbilisidə anadan olub. Tbilisidə balet studiyasını bitirdikdən sonra Z.P. Paliaşvili adına Opera və Balet teatrının truppasına qəbul edilmişdir. 1926-cı ildə Leninqrad xareoqrafiya məktəbinə daxil olmuşdur. 1929 — 1941-ci illərdə Leninqrad Opera və Balet Teatrının solisti işləmişdir. Vaxtanq Çabukiani "Dağların qəlbi" (1938), "Laurensiya" (1939), "Otello" (1960) baletlərinə quruluş vermişdir. 1941-ci ildən Tbilisidə yaşamış, 1973-cü ilədək Z.P.Paliaşvili adına teatrın balet truppasına rəhbərlik etmiş, burada "Sinatle" (Q. Kiladze), "Qorda" (D. Toradze), "Demon" (S. Sinsadze), "Otello" (A.Maçavariani) və s. baletləri tamaşaya qoymuşdur. Otello partiyasının ifası ona böyük şöhrət qazandırmışdır və 1950-ci ildə SSRİ xalq artisti adı almışdır. "Gürcü baleti ustaları" (1955) və "Otello" (film, 1961) filmlərinin ssenari müəllifi və quruluşçu rejissorudur. ABŞ, İtaliya, Latın Amerikası və s. yerlərdə qastrolda olmuşdur. Yaponiya, İran və Macarıstanda baletləri tamaşaya qoyulmuşdur.

Mükafatları

• SSRİ xalq artisti (1950)
• Sosialist Əməyi Qəhrəmanı (1990)
• "Lenin" ordeni (1946, 1950, 1958, 1990)
• Qırmızı Əmək Bayrağı ordeni (1939)
• "Şərəf Nişanı" ordeni (1937)
• Lenin mükafatı (1958)
• Stalin mükafatı (1941, 1948, 1951).
• "1941-1945-ci illər Böyük Vətən müharibəsində rəşadətli əməyə görə" medalı
• Vladimir İliç Leninin anadan olmasının 100 illiyi ilə əlaqədar yubiley medalı

Ədəbiyyat

1. Azərbaycan Milli Ensiklopediyası. V cild. Bakı, 2014. səh. 419
2. Кригер Б. Вахтанг Чабукиани. Л.—М., 1960