Vilhelm Roşer

Vilhelm Roşer
alm. Georg Friedrich Wilhelm Roscher‎
Doğum tarixi	21 oktyabr 1817(1817-10-21)[…]
Doğum yeri	Hannover, Hannover krallığı[d]
Vəfat tarixi	4 iyun 1894(1894-06-04)[…] (76 yaşında)
Vəfat yeri	Leypsiq, Leypsiq[d], Saksoniya, Almaniya Reyxi[d]
Elm sahəsi	iqtisadiyyat
İş yerləri	Göttingen Universiteti, Leypsiq Universiteti, Humboldt adına Berlin Universiteti
Təhsili	Göttingen Universiteti
Üzvlüyü	İsveç Kral Elmlər Akademiyası, Avstriya Elmlər Akademiyası, Bavariya Elmlər Akademiyası[d], Göttingen Elmlər Akademiyası[d], Macarıstan Elmlər Akademiyası, Dei Linçei Akademiyası
Mükafatları
Vikianbarda əlaqəli mediafayllar

Vilhelm Roşer(alm. Georg Friedrich Wilhelm Roscher‎; 21 oktyabr 1817, Hannover — 4 iyun 1894, Leypsiq) — Almaniya iqtisadçısı.

Fəaliyyəti

Köhnə tarix məktəbinin banilərindən biri də Vilhelm Roşer (1817–1894-cü illər) idi.

Roşer 1843-cü ildə buraxılmış "Tarixi metod" nöqteyi-nəzərindən siyasi iqtisad kursunun qısa əsasları" əsərində ilk dəfə tarixi metodun ümumi cizgilərini vermişdir. Roşerin "Xalq təsərrüfatının əsasları" (1854–1894) kitabı da maraq doğurur. Burada o, tarixi metoda müvafiq olaraq, hər bir millətin inkişafını aşağıdakı amillərin: təbiətin, əməyin və kapitalın, dəyişən hökmranlığı ilə əlaqələndirərək, J. B. Seyin üç istehsal amili nəzəriyyəsini şərh edir.

Fridrix Listin ardınca Roşer müxtəlif xalqların tarixində iqtisadi təzahürlərin təkrarlanmasını və deməli, iqtisadi inkişafın ümumi qanunlarının mümkünlüyünü rədd edirdi. Roşer xalqların təbii fərqlərini, həmçinin onun rəyincə müxtəlif millətlərdə ümumi təsərrüfat tipinin mümkünlüyünü istisna edən qabiliyyətlərinin və inkişaf dərəcələrinin fərqlərini ön plana çəkirdi. Roşer belə hesab edirdi ki, "donun eyni ölçü üzrə tikilmədiyi kimi, bütün xalqlar üçün də eyni iqtisadi ideal ola bilməz". Roşer cəmiyyətin inkişafının inqilabi yolunu rədd edərək, inkişafın yalnız təkamül formasını qəbul edirdi. İnqilabi çevrilişləri qeyri-qanuni hesab edir, xalqları öz həyat formalarını dəyişdirərkən hər şeyi dəyişdirən zamanı rəhbər tutmağa çağırırdı ki, çox yavaş və tədricən həyata keçirilən dəyişikliklər hiss olunmasın. Roşer inanırdı ki, hər bir inqilab, onun etdiyi dəyişikliklərə nə qədər ehtiyac olsa belə, böyük bədbəxtlik və xalq həyatını ölüm xəstəliyi olaraq qalır.

Xarici keçidlər

• Vikianbarda Вильгельм Рошер ilə əlaqədar mediafayllar var
• Биография В. Рошера