Vitali Balasanyan

Vitali Balasanyan
Vitali Balasanyan
	erm. Վիտալի Միխայիլի Բալասանյան
Şəxsi məlumatlar
Doğum tarixi	5 mart 1959 (67 yaş)
Doğum yeri	Əsgəran, Stepanakert rayonu, DQMV, Azərbaycan SSR, SSRİ;
Təhsili	Ermənistan Dövlət İqtisad Universiteti (2011);
Fəaliyyəti	siyasətçi
Hərbi xidmət
Mənsubiyyəti	Dağlıq Qarabağ Respublikası
Qoşun növü	Qondarma Dağlıq Qarabağ Müdafiə Ordusu
Döyüşlər	Birinci Qarabağ müharibəsi ; Aprel döyüşləri
Rütbəsi	general-mayor;
Təltifləri	;
	Vikianbarda əlaqəli mediafayllar

Vitali Mikaeloviç Balasanyan (erm. Վիտալի Բալասանյան; 5 mart 1959, Əsgəran, DQMV) — tanınmayan DQR-nin hərbçisi, siyasətçi, ictimai xadim, DQMV qondarma Milli Şurasının deputatı, tanınmamış,terror dövlətinin general-mayoru. Birinci Qarabağ müharibəsindəki xidmətlərinə görə qondarma DQR tərəfindən "Artsax qəhrəmanı" adını almışdır. Xocalı soyqırımını törədənlərdən biri olub.^[1]

Təhsili

Vitali Balasanyan 1976-cı ildə Əsgəranda orta məktəbi bitirmişdir. Yezidi kürdüdür. 1977–1979-cu illərdə sovet ordusunda xidmət etmişdir. 1990-cı ildə İrəvanda Kooperativ Ticarət Texnikumunu, 2011-ci ildə Ermənistan Dövlət İqtisad Universitetini bitirmişdir.

Hərbi karyerası

Vitali Balasanyan 1988-ci ildə Əsgərənda erməni özünümüdafiə dəstələrindən birinə rəhbərlik etmişdir. 1990-cı ildə Əsgəran rayonunun özünümüdafiə qüvvələrinin komandiri seçilmişdir. 1996–1998-ci illərdə diviziya komandiri, 1998–1999-cu illərdə tanınmayan DQR Müdafiə Ordusunun komandirinin müavini, 1999-cu ilin sentyabrından 2005-ci ilə qədər isə tanınmayan DQR-nin müdafiə nazirinin müavini olmuşdur. 2000–2005-ci illərdə "Arsax Müharibəsi Veteranları Birliyi" ictimai təşkilatına rəhbərlik etmişdir. 2000-ci ildə general-mayor rütbəsi almışdır. Əsgəran rayonundan kənarda da bir sıra hərbi əməliyyatlarda iştirak etmişdir (Ağdam döyüşü, Horadiz əməliyyatı və s.). 2002-ci ildə "Arsax Qəhrəmanı" adına layiq görülmüşdür.

Vitali Balasanyan 2016-cı ilin aprel ayında Qarabağda baş verən Aprel döyüşlərində iştirak etmişdir.

Siyasi karyerası

1991-ci ildə Vitali Balasanyan Dağlıq Qarabağ Respublikası Ali Sovetinin birinci çağırışının, 2005-ci ildə "Daşnaksütun-Hərəkat 88"-in siyahısı ilə Arsax parlamentinin, 2010-cu ildə EİF Daşnaksütunun proporsional siyahısı ilə Arsax Milli Şurasının deputatı seçilmişdir. 2007–2010-cu illərdə tanınmayan DQR-nin prezidentinin məsləhətçisi olmuşdur. 28 aprel 2012-ci ildə tanınmayan DQR prezidenti postuna namizədliyini irəli sürmüş və 2012-ci ildə keçirilən prezident seçkilərində 32,5 % səs toplayaraq (22 966 nəfər), 66,7 % səs almış Bako Saakyana uduzmuşdur.^[2]^[3]^[4]

İstinadlar

↑ "Qasımovlar ailəsi Balasanyanın həbsini gözləyir". Qafqazinfo. 30 sentyabr 2023. 3 oktyabr 2023 tarixində arxivləşdirilib. İstifadə tarixi: 3 oktyabr 2023.
↑ "В никем не признанном Нагорном Карабахе состоялись выборы президента". NEWSru.com. 19 iyul 2012. 13 sentyabr 2022 tarixində arxivləşdirilib. İstifadə tarixi: 4 oktyabr 2022.
↑ "На выборах в непризнанной Нагорно-Карабахской республике лидирует действующий президент". NEWSru.com. 20 iyul 2012. 7 oktyabr 2022 tarixində arxivləşdirilib. İstifadə tarixi: 4 oktyabr 2022.
↑ "Президентом непризнанного Нагорного Карабаха переизбран Бако Саакян". NEWSru.com. 20 iyul 2012. 4 oktyabr 2022 tarixində arxivləşdirilib. İstifadə tarixi: 4 oktyabr 2022.

Xarici keçidlər

[1] "Qasımovlar ailəsi Balasanyanın həbsini gözləyir". Qafqazinfo. 30 sentyabr 2023. 3 oktyabr 2023 tarixində arxivləşdirilib. İstifadə tarixi: 3 oktyabr 2023.

[2] "В никем не признанном Нагорном Карабахе состоялись выборы президента". NEWSru.com. 19 iyul 2012. 13 sentyabr 2022 tarixində arxivləşdirilib. İstifadə tarixi: 4 oktyabr 2022.

[3] "На выборах в непризнанной Нагорно-Карабахской республике лидирует действующий президент". NEWSru.com. 20 iyul 2012. 7 oktyabr 2022 tarixində arxivləşdirilib. İstifadə tarixi: 4 oktyabr 2022.

[4] "Президентом непризнанного Нагорного Карабаха переизбран Бако Саакян". NEWSru.com. 20 iyul 2012. 4 oktyabr 2022 tarixində arxivləşdirilib. İstifadə tarixi: 4 oktyabr 2022.

[1]

[2]

[3]

[4]