Xəzər Aslanov

Xəzər Aslanov
Xəzər Aslanov
Xızı Rayon İcra Hakimiyyətinin başçısı
	Vəzifədədir
	10 aprel 2012-ci ildən
Əvvəlki	Vaqif Abdullayev
Yardımlı Rayon İcra Hakimiyyətinin başçısı
	10 oktyabr 2006 – 10 aprel 2012
Əvvəlki	Qəzənfər Ağayev
Sonrakı	Sevindik Hətəmov
Şəxsi məlumatlar
Doğum tarixi	6 iyun 1970 (55 yaş)
Doğum yeri	Bakı, Azərbaycan SSR, SSRİ;
Atası	Qəşəm Aslanov
Təltifləri

Aslanov Xəzər Qəşəm oğlu (6 iyun 1970, Bakı) — Xızı Rayon İcra Hakimiyyətinin başçısı.

Həyatı

Xəzər Aslanov 6 iyun 1970-ci ildə Bakı şəhərində anadan olmuşdur. Əmək fəaliyyətinə 1987-ci ildə Xırdalan Südçülük sovxozunda fəhlə kimi başlamış və 1988-ci il tarixə kimi həmin müəssisədə çalışmışdır. 1988-ci ildə Bakı şəhər Məhkəməsində katib işləmiş, 1988–1990-cı illərdə həqiqi hərbi xidmətdə olmuşdur.

1990–1992-ci illərdə "İRS" kooperativində Beynəlxalq Əlaqələr şöbəsinin inspektoru, 1992-ci ildə "Fədai" kooperativinin sədri, 1992–1994-cü illərdə "Aslan R. Q" k/m-da kommersiya direktoru, 1994-cü ildə "ER-COMPANY LTD"-də mütəxəssis, 1994–2002-ci illərdə Azərbaycan Respubilkası Daxili İşlər Nazirliyində əməliyyatçı, 2002–2003-cü illərdə "European-Tabacco-Baku" ASC-da Marketinq şöbəsinin baş əlaqələndiricisi, 2003–2005-ci illərdə "European-Tabacco-Baku" ASC-da Marketinq şöbəsinin baş əlaqələndiricisi, 2005–2006-cı illərdə Xanlar (indiki Göygöl) Rayon İcra Hakimiyyəti başçısının sosial-iqtisadi məsələlər üzrə müavini, 2006-cı ilin aprel ayından oktyabr ayınadək isə Xanlar Rayon İcra Hakimiyyəti başçısının I müavini, 2006–2012-ci illərdə isə Yardımlı Rayon İcra Hakimiyyətinin başçısı vəzifələrində çalışmışdır.

Azərbaycan Respublikası Prezidentinin 10 aprel 2012-ci il tarixli Sərəncamı ilə Xızı Rayon İcra Hakimiyyəti başçısı vəzifəsinə təyin edilmişdir.

Ailəsi

Xəzər Aslanov Qəşəm Aslanovun oğludur. Ailəlidir, 1 oğlu 1 qızı var.

İstinadlar