Qəşəm Aslanov

Vikipediya, açıq ensiklopediya
Jump to navigation Jump to search
QƏŞƏM ASLANOV
Qəşəm Aslanov-1.jpg
Doğum tarixi 10 aprel 1934(1934-04-10)
Doğum yeri Kəsəmən, Basarkeçər rayonu, Göyçə mahalı
Vəfat tarixi 1984(1984-Şablondakı doğum və ya ölüm tarixində texniki yanlışlıq var!-00)
Vəfat yeri Bakı
Vəfat səbəbi avto qəza
Fəaliyyəti jurnalist

Qəşəm Aslanov (10 aprel 1934(1934-04-10), Kəsəmən, Ermənistan1984, Bakı) — Azərbaycanlı dövlət xadimi.

Həyatı[redaktə | əsas redaktə]

Heydər Əliyev və Qəşəm Aslanov

Qəşəm Novruz oğlu Aslanov 10 aprel 1934-cü ildə Qərbi Azərbaycanın Göyçə mahalının Basarkeçər rayonunun Kəsəmən kəndində anadan olub.[1]

1949-cu ildə yeddi illik məktəbini bitirdikdən sonra Xanlar Pedaqoji Texnikumuna daxil olub.

1954-cü ildə Azərbaycan Dövlət Universitetinin filologiya fakültəsinin jurnalistika ixtisasına qəbul olub və 1959-cu ildə universiteti bitirib.

1955-ci ildə Qaraiman kənd məktəbinə dərs hissə müdiri göndərilib. Bundan sonra öz kəndlərində müəllim və dərs hissə müdiri işləyib.

15 oktyabr 1959-cu ildə Basarkeçər rayon komsomol komitəsinin birinci katibi[2], 1962-ci ildə rayonlararası "Sevan" qəzetində redaktor vəzifələrində çalışıb.

1962-ci ildə Basarkeçər rayon partiya komitəsinin katibinin ideoloji iş üzrə müavini seçilib. 1966-cı ildə SSRİ Jurnalistlər İttifaqına üzv qəbul olunub.

1966-1968-ci illərdə Moskvada Ali Partiya məktəbində oxuyub.

1968-ci ildə Azərbaycan Kommunist Partiyası Mərkəzi Komitəsində inspektor, 1970-1972-ci illərdə "Azərbaycan gəncləri" qəzetinin baş redaktoru, 1972-1975-ci illərdə Şuşada birinci katib, 1975-1984-cü illərdə Abşeron və İsmayıllı rayonlarında birinci katib vəzifəsində işləyib.

"Saymazovun salamı", "Qeyrətin nağılları" adlı kitabları çap olunub, "Eloğlu" imzası ilə şeirlər yazıb.

1984-cü ildə avtomobil qəzasında həlak olub. Son mənzili Fəxri Xiyabandır.

Kitabları[redaktə | əsas redaktə]

  • Qəşəm Aslanov. Saymazovun salamı (Miniatür və hekayələr), redaktoru İsmayıl İsmayılov // “Hayastan”, Yerevan, 1968, 104 səh. 7000 nüsxə.
  • Qəşəm Aslanov. Məğlub ölüm (povest, hekayə, miniatür və məqalələr) // Tərtib edəni Qeyrət Qəşəmoğlu, redaktoru və öz sözün müəllifi Almaz Ülvi // Bakı, “Azərbaycan” nəşriyyatı, 1997, 168 səh. 1000 nüsxə.
  • Qəşəm ASLAN. Seçilmiş əsərləri (povest, hekayə, miniatür və məqalələr). Redaktoru və ön söz filologiya elmləri doktoru Almaz Ülvinindir // Bakı, “Nurlan”, 2013. 252 səh.

Haqqında yazılan məqalələr[redaktə | əsas redaktə]

  • Almaz ÜLVİ. Müharibə ağrılarım. Sənədli publisistik düşüncələr, ədəbi qeydlər - Bakı, Nurlan, 2005. (səh.301-320)
  • Almaz ÜLVİ. Göyçə mahalı - Kəsəmən: bir kəndin tarixindən səhifələr (elmi – tarixi qeydlər, portretlər, publisistik düşüncələr, şəcərələr). I kitab //Bakı, CBS, 2012. (səh.34-36; 324-338; 422-429)
  • Almaz ÜLVİ. Həyat məktəbim, qeyrət simvolum // “Məğlub ölüm” kitabına ön söz. Baki, 1997, (s.3-7)
  • Almaz ÜLVİ. Göylər təki sevgili // “Ədəbiyyat qəzeti”, 6 noyabr 1993-cü il
  • Almaz ÜLVİ. Onu xatırlayanda çöhrələrə təbəssüm qonur // “Xalq qəzeti”, 8 aprel 2004-cü il
  • Almaz ÜLVİ. Bu torpağın hər qarışı mənim Kəbəmdir // “Yeni Azərbaycan”, 1997-ci il
  • Almaz ÜLVİ. Azərbaycanına pərvanə vurğunluğu ilə yanan oğul // “Yeni Azərbaycan”, 1997-ci il
  • Almaz ÜLVİ. Qəşəm Aslan - fitrətən fazil şəxsiyyət, gözəl publisist, düşündürücü yazıçı // "Bütöv Azərbaycan" qəzeti, 1-7 may 2013, səh. 1, 2 və 13.

Həsr olunmuş şeirlər[redaktə | əsas redaktə]

ÇАĞIDI
Qəşəm Аslаnоvun əziz хаtirəsinə
Bir tərlаnım sаr əliynən vuruldu,
Аğlа gözüm, qаn аğlаmаq çаğıdı.
Bir igidin özü yохdur, sözü vаr,
Bаşdаşını qucаqlаmаq çаğıdı.

Təsəllim yох, söz dаnışаm, söz dеyəm,
Gələcəkdi, bir kimsəyə döz dеyəm.
Gеri dönməz yüz çаğırаm, yüz dеyəm,
Хаtirələr sоrаqlаmаq çаğıdı.

Bir еvin yох, bir mаhаlın yаsıdı,
Dоst-tаnışın, еl-оbаnın yаsıdı.
Qоcа, düşgün hər аhаlın yаsıdı,
Yоllаrınа həsrət bахmаq çаğıdı.
Sərraf Şiruyə 1984-cü il.

Ailəsi[redaktə | əsas redaktə]

Rövşən AslanovXəzər Aslanovun atasıdır.

Ədəbiyyat[redaktə | əsas redaktə]

  • Eldar İsmayıl. "Oğuz yurdun övladları", I kitab, Bakı, "Təbib", 1999.
  • Almaz Ülvi, "Göyçə mahalı Kəsəmən" I kitab. Bakı, "CBS", 2011.
  • Almaz ÜLVİ. Qəşəm Aslan - fitrətən fazil şəxsiyyət, gözəl publisist, düşündürücü yazıçı // "Bütöv Azərbaycan" qəzeti, 1-7 may 2013, səh. 1, 2 və 13.

İstinadlar[redaktə | əsas redaktə]

  1. Ocaqquliyev, Həsən (2016). Yadda qalan xatirələr (az). Bakı: "Elm və təhsil". 2017-11-08 tarixində arxivləşdirilib.
  2. Ələddin Allahverdiyev. "MÜƏLLİMLƏRİM HAQDA XATİRƏLƏR: QƏŞƏM ASLANOV" (azərb.). karabakhmedia.az. karabakhmedia.az (5 oktyabr 2016). 5 oktyabr 2016 tarixində arxivləşdirilib. İstifadə tarixi: 5 oktyabr 2016.