Xumar Zülfüqarova

Vikipediya, azad ensiklopediya
Jump to navigation Jump to search
Xumar Zülfüqarova
Xumar Zülfüqarova.jpg
Doğum tarixi
Doğum yeri Bakı, Bakı qəzası, Azərbaycan SSR, ZSFSR, SSRİ
Vəfat tarixi (89 yaşında)
Vəfat yeri Bakı, Azərbaycan
Vəfat səbəbi insult
Milliyyəti azərbaycanlı
Vətəndaşlığı SSRİ SSRİ
Azərbaycan Azərbaycan
Fəaliyyəti rəqqasə, baletmeyster
Təhsili Bakı Xoreoqrafiya Məktəbi
Fəaliyyət illəri 1945–2017
Mükafatları
"Azərbaycan SSR xalq artisti" fəxri adı — 1979 "Azərbaycan SSR əməkdar artisti" fəxri adı — 1959
"Şöhrət" ordeni — 2009

Xumar Rza qızı Zülfüqarova (15 noyabr 1927(1927-11-15), Bakı, Bakı qəzası2 iyul 2017(2017-07-02), Bakı) — Azərbaycan rəqqasəsi, baletmeyster, Azərbaycan Dövlət Rəqs Ansamblının yaradıcısı.

Həyatı[redaktə | əsas redaktə]

Xumar Zülfüqarova 1927-ci il noyabr ayının 15-də Bakı şəhərində teatr və kino aktyoru Rza Əfqanlının ailəsində anadan olmuşdur. O, 1945-cı ildə Bakı Xoreoqrafiya məktəbini bitirmişdir. 1945–1966-cı illərdə Azərbaycan Dövlət Akademik Opera və Balet Teatrının solisti, 1966–1978-ci illərdə Azərbaycan Dövlət Filarmoniyasının Mahnı və Rəqs ansamblının solisti və bədii rəhbəri, Dövlət Rəqs Ansamblının yaradıcılarından biri, 1978–1988-ci illərdə Azərbaycan Dövlət Qastrol və konsert üzrə birliyinin ilk baş baletmeysteri olmuşdur. Üzeyir Hacıbəylinin "Koroğlu" operası əsasında rəqs qurmuş, Qara Qarayevin "Yeddi gözəl" baletində çıxış etmiş, kinofilmlərdə rol almışdır. "Şah İsmayıl", "Aşıq Qərib", "Əsli və Kərəm", "Leyli və Məcnun" operalarında rəqqasə qismində mahircəsinə çıxış etmişdir. Rusiya, İraq, ABŞ və Kanadanın müxtəlif şəhərlərində qastrol səfərlərində olmuş, Azərbaycan peşəkar rəqs sənət nümunələrini nümayiş və təbliğ etmişdir. 1950-ci ildə Bakı Xoreoqrafiya Məktəbində pedaqoji fəaliyyətə başlayan Xumar Zülfüqarova 60 il ərzində bir neçə nəsil rəqqas və xoreoqraf yetişdirmişdir. Bu gün Azərbaycan səhnəsinin parlaq ulduzlarının bir çoxu, Azərbaycan Respublikasının xalq və əməkdar artistləri məhz Xumar Zülfüqarovanın yetirmələri olub.

25 iyun 2017-ci ildə görkəmli sənətkar insult keçirmiş, 2 iyul 2017-ci ildə 89 yaşında vəfat etmişdir.[1]

Xatirəsi[redaktə | əsas redaktə]

2017-ci ilin noyabrında Azərbaycan Dövlət Teatr Muzeyində Xumar Zülfüqarovanın 90 illik yubileyi qeyd olunmuşdur.[2]

Mükafatları[redaktə | əsas redaktə]

Filmoqrafiya[redaktə | əsas redaktə]

İstinadlar[redaktə | əsas redaktə]

  1. Xalq artisti xumar Zülfüqarova vəfat etdi
  2. Lider TV (16.11.2017). "Xumar Zülfüqarovanın 90 illik yubileyi münasibətilə tədbir keçirilib" (azərb.). Youtube.com. İstifadə tarixi: 2017-11-16.
  3. X.R.Zülfüqarova yoldaşa Azərbaycan SSR xalq artisti fəxri adının verilməsi haqqında Azərbaycan SSR Ali Soveti Rəyasət Heyətinin 2 aprel 1979-cu il tarixli Fərmanıanl.az saytı
  4. Yaradıcı Qadınlar Assosiasiyası — Чествуя и боготворя…

Həmçinin bax[redaktə | əsas redaktə]