Xuraman Şuşalı

Vikipediya, azad ensiklopediya
Jump to navigation Jump to search
Xuraman Şuşalı
Hüseynova Xuraman Qələndər qızı
Ümumi məlumatlar
Doğum tarixi
Doğum yeri Şuşa Azərbaycan SSR
Vətəndaşlığı SSRİ SSRİ
Azərbaycan Azərbaycan
Milliyyəti Azərbaycanlı
Musiqiçi məlumatları
Fəaliyyəti müğənni

Hüseynova Xuraman Qələndər qızı (1983, Şuşa, DQMV) — Azərbaycanlı müğənni

Həyatı[redaktə | mənbəni redaktə et]

Hüseynova Xuraman Qələndər qızı 1983-cü il də Şuşa Şəhərində anadan olub. İlk təhsililini 1990-cu il də Şuşa şəhəri 4 saylı orta məktbdə alıb. Həmin ildə Şuşa şəhər Niyazi adına musiqi məkəbinin solo ifaçılıq sinfinə daxil olunub. 1992-ci ildə Şuşa şəhərinin işğal olunması ilə əlaqədar ailəsi ilə birgə Bakı şəhərinə köçüb. Təhsilini 1993-1999-cu illərdə Respublika İncəsənət Gimnaziyasında davam etdirib. Gimnaziyada təhsil aldığı illərdə «Azərbaycan Televiziya və Radio Verilişləri» Qapalı Səhmdar Cəmiyyəti "Bənövşə" uşaq xorunun və rəqs ansamblının solisti olub.

Həmin illərdə Dövlət Televiziyası və İncəsənət Gimnaziyasının təşkilatçılığı ilə səhnələşdirilmiş Üzeyir Hacıbəyovun ”Arşın mal alan” operettasında Telli (rej. Tofiq Tağızadə), Nizami Gəncəvinin “Xeyir və Şər” operasında Şahzadə (bəstəkar Oqtay Rəcəbov), S.Vurğunun “Fərhad və Şirin” (poeması əsasında) tamaşasında “Şirin” (rej. Məmmədkamal Kazımov), Üzeyir Hacıbəyovun “Ər və arvad” operettasında “Minnət xanım”, S.Rüstəmin “Qaçaq Nəbi” poemasında “Həcər” və s. tamaşalarda müxtəlif obrazlar yaratmışdır. Nizami Gəncəvinin “Xeyir və Şər” operasında oynadığı Şahzadə, “Arşın mal alan” operettasında ifa etdiyi Telli (rej. Tofiq Tağızadə) obrazları Dövlət Televiziyasının qızıl fonduna daxil edilib. 1998, 1999, 2000-ci illərdə UNİCEF və Dövlət televiziyasının birgə təşkil etdiyi 1 iyun Uşaqların Beynəlxalq Müdafiəsi Gününə həsr olunmuş kosert proqramlarında Ulu Öndər Heydər Əliyevin qarşısında “Heydər Babamız” mahnısı ilə çıxış etmişdir.

1997-ci ildə Azərbaycan Televiziya və Radio Verilişləri Qapalı Səhmdar Cəmiyyətinin Ümummillli lideri Heydər Əliyevə həsr olunmuş musiqi musabiqəsində “Heydər Babamız” mahısı ilə 1-ci yerə layiq görülüb. 2000-2004–cü illərdə Azərbaycan Milli Konservatoriyasının Xanəndəlik ixtisasını bitirib. Təhsil illərində Tükəzban İsmayılova, Mələkxanım Əyyubova, İslam Rzayev, Teymur Əmrah kimi tanınmış sənətkarlardan dərs alıb.

2004-2008-ci illərdə Niyazi adına Şuşa şəhər Uşaq İncəsənət Məktəbində xanəndəlik ixtisası üzrə müəllim işləyib.

2002-2004-ci illərdə bəstəkar Vaqif Gərayzadənin yaratdığı “W-Trio” qrupunda fəaliyyət göstərib. 2004-cü ildən solo fəaliyyətə başlayıb. 2005-ci ildə “Səbuhi” studiyasında “Ola bilməz” adlı albomu işıq üzü görüb. Albomda 11 mahnı yer alıb.

“Farsi”, “İnnabı”, “Ola bilməz” “Daha yoxsan” (bəstəkar Gövhər Həsənzadə”) “Yenə mən” mahnıları ilə böyük tamaşaçı auditoriyası toplaya bilib. 2006-2013-cü illərdə “İnnabı” (xalq mahnısı), “Sənsiz nəyimə gərək” (söz: Baba Vəziroğlu, mus: Kamal) “Bezmişəm”, “Мне пора” , “Farsi”, Yenə mən” adlı mahnılarına çəkilən kliplərini təqdim edib. 2012-ci ildə “Norkamaniyaya yox deyək” aksiyasına dəstək olaraq solo konserti baş tutub. Həmin illərdə mətbuat şurasının təşkilatçılığı ilə Tərtər, Yevlax, Ağdam, Füzuli və digər döyüş bölgələrində yerləşən hərbi hissələrdə konsert proqramları ilə çıxış edib.

2012 ci ildə Yeni Azərbaycan Partiyasının dəstəyi ilə “Azərbaycan” adlı mahnıya klip çəkilib və təqdimatı keçirilib. Həmçinin bir çox islah-əmək müəssisələrində və uşaq evlərində təşkil olunan konsertlərdə çıxış edib. 2009-cu ildə ”X-Stra prodakşn” Məhdud Məsuliyyətli Cəmiyyətini təsis etmişdir. 2013-cü ildən “Xuraman Şuşalı” xına evinin təsisçisidir.

2000-ci ildən Yeni Azərbaycan Partiyasının Xətai rayon təşkilatının üzvüdür.

Ailəlidir 2 oğlu 2 qızı var.

Filmoqrafiya[redaktə | mənbəni redaktə et]

“Hind yuxusu” bədii film. Komediya. (aktrisa, Hind qızı, Baş rol)(rej: Mirsadiq Ağazadə)

Xarici keçidlər[redaktə | mənbəni redaktə et]