Elton Quliyev

Elton Quliyev
Doğum tarixi	28 fevral 1956(1956-02-28)
Doğum yeri	Ağdam, Ağdam rayonu, Azərbaycan SSR, SSRİ
Vəfat tarixi	16 dekabr 2015(2015-12-16) (59 yaşında)
Vəfat yeri	Bakı, Azərbaycan
Təhsili	Bakı Dövlət Universiteti
Fəaliyyəti	hüquqşünas, vəkil

Elton Quliyev (28 fevral 1956, Ağdam – 16 dekabr 2015, Bakı) — Azərbaycanlı vəkil.

Həyatı

Quliyev Elton Rasim oğlu 1956-cı il fevralın 28-də Ağdam şəhərində qulluqçu ailəsində anadan olub.

1962-63-cü illərdə Ağdam şəhər 1 saylı orta məktəbdə, 1963-1972-ci illərdə Bakı şəhərinin 190 saylı orta məktəbində təhsil alıb.

1972-ci ildə S.M.Kirov adına Azərbaycan Dövlət Universiteti]]nin hüquq fakültəsinin əyani şöbəsinə daxil olub və 1977-ci ildə həmin fakültəni bitirdikdən sonra təyinatla daxili işlər orqanlarına işə götürülmüşdür.

1977-1991-ci illərdə Bakı şəhər Daxili işlər idarəsində və Azərbaycan SSR Daxili İşlər Nazirliyində müstəntiq, baş müstəntiq, İstintaq bölməsinin rəisi, istintaq idarəsinin rəis müavini vəzifələrində çalışmışdır.

1991-ci ildə öz istəyilə daxili işlər orqanlarından çıxıb öz ixtisası üzrə işləmişdir.

1996-cı ildən Azərbaycan Respublikası Vəkillər Kollegiyasının üzvüdür.

E.Quliyev ölkənin bir çox qalmaqallı siyasi proseslərdə vəkil kimi çıxış edərək müdafiə etdiyi şəxslərin hüquqlarını qorumuşdu.

2015-ci ildə uzun sürən xəstəlikdən sonra səhər saatlarında yaşadığı evdə vəfat etmişdi.