Yaşar Əliyev (yazıçı)

Vikipediya, azad ensiklopediya
Jump to navigation Jump to search
Yaşar Əliyev
Yaşar Məmmədəli oğlu Əliyev
Doğum tarixi (58 yaş)
Doğum yeri Əmircan, Bakı
Fəaliyyəti yazıçı, jurnalist

Əliyev Yaşar Məmmədəli oğlu (3 may 1963, Əmircan) — nasir, tərcüməçi, 1993-cü ildən Azərbaycan Yazıçılar Birliyinin üzvü.

Həyatı[redaktə | mənbəni redaktə et]

Yaşar Əliyev 1963-cü il may ayının 3-də Bakının Əmircan kəndində anadan olub. Burada 226 №-li orta məktəbi bitirdikdən sonra ordu sıralarında xidmət edib (1981-1983). Azərbaycan Dövlət Universitetinin Jurnalistika fakültəsində təhsil alıb (1983-1989). Eyni zamanda Bakının Nizami rayonunda Yeyinti ticarəti idarəsində komsomol katibi olub. Sonra "Azərbaycanfilm" kinostudiyasında rejissor assistenti (1986-1989), Azərbaycan Bədii Tərcümə və Ədəbi Əlaqələr Mərkəzi "Xəzər" jurnalında şöbə müdiri (1989-1991), Azərbaycan Dövlət Teleradio Yayımı Komitəsində redaktor (1991-1992), Suraxanı rayon İcra hakimiyyətində şöbə müdiri (1992-1993), Əzizbəyov rayon İcra hakimiyyəti başçısının müavini (1993-1995) vəzifələrində işləyib. 1995-ci ildən "525-ci qəzet"in, 2005-ci ildən isə "Xəzər" jurnalının redaktorudur.

Bütün bu illər ərzində dövri mətbuatda hekayə və məqalələrlə çıxış edib. İlk mətbu hekayələri -"Canavar" və "Oğul" 1987-ci ildə "Ulduz" jurnalında çıxıb. Xuan Rulfonun "Pedro Paramo" romanını, Matilda Urrutianın "Pablo Neruda ilə birlikdə yaşanan ömür" adlı xatiratlar toplusunu Azərbaycan dilinə çevirib. Hekayələri bir sıra xarici dillərə tərcümə olunub. Ssenarisi əsasında "Divar" - eyniadlı film çəkilib.

Əsərləri[redaktə | mənbəni redaktə et]

  • Yeddi (hekayələr). Bakı: Yeni Nəşrlər Evi, 1998, 104 səh.

Tərcümələri[redaktə | mənbəni redaktə et]

  1. Xuan Rulfo. Pedro Paramo (roman). "Xəzər", N4, 2004, səh 30-75.
  2. Matilde Urrutia. Pablo Nerudayla yaşanan ömür. "Xəzər", N1, N2, N3, N4, 2006.

Filmoqrafiya[redaktə | mənbəni redaktə et]

  1. Divar (film, 1991) (ssenari müəllifi)

İstinadlar[redaktə | mənbəni redaktə et]

Həmçinin bax[redaktə | mənbəni redaktə et]

Xarici keçidlər[redaktə | mənbəni redaktə et]