Yaqut Abdullayeva

Vikipediya, azad ensiklopediya
Jump to navigation Jump to search
Yaqut Abdullayeva
Yaqut Abdullayeva.jpg
Yaqut Babakişi qızı Abdullayeva
Sənətçi məlumatları
Doğum tarixi 1963(1963-Şablondakı doğum və ya ölüm tarixində texniki yanlışlıq var!-00)
Doğum yeri Cəbrayıl şəhəri, Cəbrayıl rayonu, Azərbaycan SSR
Peşəsi musiqiçi

Üslub muğam və xalq mahnıları
Fəaliyyət illəri 1978-ci ildən günümüzə
Mükafatları Əməkdar Artist

Yaqut Babakişi qızı Abdullayevamuğam və Azərbaycan xalq mahnılarının ifaçısı, Azərbaycan Respublikasının əməkdar artisti (2006)[1], Azərbaycan Dövlət Mədəniyyət və İncəsənət Universitetinin dosenti.[2]

Həyatı[redaktə | əsas redaktə]

Yaqut Abdullayeva 1963-cü ildə Cəbrayıl şəhərinin Yarəhmədli məhəlləsində anadan olmuşdur.[3]

Fəaliyyəti[redaktə | əsas redaktə]

Yaqut Abdullayeva 1978-ci ildən, yəni Azərbaycan Dövlət İncəsənət İnstitutunu bitirən vaxtdan həmin təhsil müəssisəinin Vokal kafedrasında çalışır. Tələbələrə muğam və xalq mahnıları fənnindən dərs deyir.

Yaqut Abdullayevanın televiziyadakı ilk çıxışından sonra Azərbaycan Dövlət Akademik Opera və Balet Teatrı onu dəvət etmiş və 1982-ci ildə o Opera və Balet Teatrında fəaliyyətə başlamışdır. Burada o uğurlu fəaliyyət göstərmiş, "Leyli və Məcnun"da Leyli obrazını yaratmış, "Şah İsmayıl"da Ərəbzənginin, "Gəlin qayası"nda Sənəmin partiyalarını böyük məharətlə ifa etmişdir.

Azərbaycan Televiziyasının "Qızıl fondu"nda bir neçə solo-konsertinin, radio fondunda isə yüzlərlə xalq mahnısının, təsnif və muğamın lent yazıları var.

Yaqut Abdullayeva bir sıra xarici ölkələrdə — Almaniya, Polşa, Macarıstan, Bolqarıstan, Türkiyədə çıxışlar edib.

Yaqut Abdullayeva haqqında fikirlər[redaktə | əsas redaktə]

"Yaqut xanımın "Qaragilə"sini dinlədikcə mən bir tərəfdən Təbrizi, böyük Şəhriyarı xatırıma gətirirəm, Təbrizin dolanbac küçələrini yadıma salıram, bir tərəfdən də sovet dövründə Araz boyu uzanıb bizi cənubumuzdan ayıran tikanlı məftillər, bu gün cəhənnəm uçurumuna düşmüş Xudafərin yadıma düşür. Axı Cəbrayıldan Təbrizə gedən yol Xudafərindən, Diridağından, Aşıq Qurbaninin məzarına baxa-baxa keçir."

"Gözəl müğənnimiz Yaqutun səsində, nəfəsində, zənguləsində Azərbaycan yanğıları alovlanır. Mən bu pak, ülvi, hər iki mənada ucaboy müğənni gözəlimizi dinləyəndə kövrəlirəm. Bəzən göz yaşımı güclə saxlayıram. Məncə, yalnız dərdli, qüdrətli sənətkar bu cür yanıqlı, bunca təsirli oxuya bilər".

İstinadlar[redaktə | əsas redaktə]