Yaqut Paşazadə

Yaqut Paşazadə
Digər adı	Yaqut Paşayeva
Doğum tarixi	29 sentyabr 1973
Doğum yeri	Tərtər, Azərbaycan SSR
Həyat yoldaşı	Tərlan Rəsulov
Uşağı	1
Vətəndaşlığı	Azərbaycan
Peşəsi	aktrisa
Fəaliyyət illəri	1993-cü ildən
İstiqamət	teatr-kino
Mükafatları

Yaqut Nəriman qızı Paşazadə — Azərbaycan aktrisası, Azərbaycan Respublikasının əməkdar artisti,DOM müstəqil teatrının aktrisası,ADMİU-nun «Dram teatrı və kino aktyoru» fakultəsində aktyor sənəti üzrə baş müəllimi

Həyatı

Yaqut Paşazadə 29 sentyabr 1973-cü ildə Tərtər şəhərində anadan olub. 1990-cı ildə Tərtər rayon 6 saylı orta məktəbi bitirmişdir. 1991-1996-cı illərdə ADMİU-nun "Dram Teatrı və Kino aktyoru" fakültəsinin məzunu olmuşdur. Kursun rəhbərləri Həsənağa Turabov və Vaqif İbrahimoğlu olmuşdur.

1993-cü ildən 2018-ci ilə kimi YUĞ Dövlət Teatrında ali dərəcəli aktrisa kimi çalışıb.Hazırda DOM müstəqil teatrında fəaliyyət göstərib.Türkiyə, Qazaxıstan, Misir, Norveç, Başqırdıstan,Türkiyə Rusiya, İran, Finlandiya və digər ölkələrdə keçirilən teatr festivallarında olmuşdur.

2013-cü ildə Azərbaycan teatrının inkişafındakı xidmətlərinə görə Azərbaycan Respublikasının Əməkdar artisti fəxri adına layiq görülüb.

1999-cu ildə ailə həyatı qurmuşdur.

İş təcrübəsi

• 2006-сı ildə Türkiyə, Gürcüstan, Azərbaycan teatrları araısnda «Açıq Сəmiyyət İnstitutu-Azərbaycan» təşkilatının keçirdiyi «Mən, Sən, Biz…» teatr layihəsində koordinator (aktyor sənəti üzrə) və aktrisa;
• 2007-ci ildə Norveç Krallığının Kirkenes şəhərində keçirilən SAMOVAAR teatrının beynəlxalq teatr layihəsində Azərbaycanı yeganə təmsil edən aktrisa;
• 2007-ci ilin fevralında «Yeni Dalğa» Yazarlar Birliyinin keçirdiyi «Terrorizmə qarşı» layihəsində koordinator;
• 2007-ci ilin fevral-iyul aylarında «Çətin tərbiyə olunun uşaqlar» koloniyasında teatr məşğələlri-treninqlər keçirmiş və tamaşalar hazırlamışdır;
• 2007-ci ilin mart ayında Britaniya Şurasının dəstəyi ilə keçirilən «Forum Teatr» layihəsində aktyor sənəti üzrə keçirilən məşğələlərin aparıcısı və tamaşa quruluşunda məsləhətçi;
• 2007-ci ildə ATƏT və Azərbaycan DİN ilə birgə keçirilən «İnsan alverinə qarşı» layihəsində treninqlərin aparıcısı olumşdur.
• 2011-ci ildən Azərbaycan Dövlət Mədəniyyət və İncəsənət Universitetinin «Dram teatrı və kino aktyoru» fakultəsində aktyor sənəti üzrə baş müəllimi çalışır.
• dOM Teatrı “Culture and Management Lab” (Gürcüstan), Cənubi Qafqaz Əməkdaşlıq Təşkilatı (İsveçrə) dəstəyi ilə “Əlilliyi olan insanlar üçün İcma Teatrı” layihəsində treninq üzrə müəllim kimi çalışıb

Teatrda işləri

Aktrisa çılğın səhnə tembrinə malikdir. Aparıcı səhnə ustasıdır.

Azərbaycan Dövlət Yuğ Teatrında ifa etdiyi tamaşalar

1. Eşq ilahəsi, «Dad» – M.Füzuli (1994)
2. Varya, «Sentimental vals» – A.P.Çexov (1995)
3. Pəri, «Solğun çiçəklər» – C.Cabbarlı (1996)
4. Qu-Qu, «Adam uşağı» – U.Minnur (1997)
5. Qadın, “At.Daş.Qadın” – T.Daimi (1997)
6. Mademuazel, «Also sie sind qe kommen» – V.İbrahimoğlu (1998)
7. İzabel, “İtmiş saat” – V.İbrahimoğlu (1998)
8. Sakin, «Modus Vivendi» – V.İbrahimoğlu (1998)
9. Sarıköynək, «Sarıköynək» – K.Aslanov (1998)
10. Polis rəisi, «Stop» – V.İbrahimoğlu (1998)
11. Ruh, «Сanımda сan» – İ.İbrahimli (2001)
12. Dezdemona, «Otello» – U.Şekspir (2002)
13. Məhbus, «Zindan guşəsi» – H.Сavid (2003)
14. İdeal qadın, «Сar» – R.İbrahimbəyov (2004)
15. Səidə, «Can üstə» – A.Məsud (2005)
16. Marqarita, «Əlkimya» – Y.V.Göte (2005)
17. Marta, «İlan dərisi» – S.Şnayder (2005)
18. Hakim, «Axırdan sonra» – K.Abdulla (2006)
19. Ana, «Civilti» – F.Kafka (2007)
20. Cadugər, «Vəsl» – M.Füzuli (2007)
21. Kor Qız, «Rəhm» – M.Füzuli (2008)
22. Dilənçi qadın, «Yar» – M.Füzuli (2008)
23. Dunyaşa, «Birinci akt» – A.P.Çexov (2009)
24. Davakar qız, «Kafkadan salam» – F.Kafka (2010)
25. Dürlü xəbər gətirən, «Sur» – С.X.Сəbran (2011)
26. Qadın, «Məsəl Ya… Əməl» – M.Ə.Sabir, Ü.Hacıbəyli (2011)
27. Şölə, Xanpəri, «Naməlum Axundzadə» – M.F.Axundzadə (2012)
28. Qatil, «Qəbir qazmaq üsulu» – A.B.Kasares (2012)
29. Müstəntiq, «Sərhəddə» – S.Mrojek (2013)
30. Anya, «Mərc» – A.P.Çexov (2013)
31. Flora Migel, «Mister və Missis Cəsəd» – Q.Q.Markes (2014)
32. Pəri, Sirena, “Boy” – “Kitabi Dədə Qorqud” (2015)
33. Oxşadılan, “Oxşar” – J.İsmayıl (2016)
34. Mələk, “Aşka yolçuluq” – Yunis İmre (2016)
35. Ana, “Quş dili” – T.Vahid (2017)

dOM Teatrında ifa etdiyi tamaşalar

1. Ana, “Limbo” – İ.İman (2018)
2. Direktor, “İclas” – İ.İman (2019)
3. Müttəhim, “Proses” (2020)

Filmoqrafiya

1. «Səs» (televiziya filmi) (1994)
2. Günaydın, mələyim! (film, 2008)
3. Yuxu yaddaşı (film, 2008)
4. Dalan (film, 2012)
5. Çaqqal nəfəsi (serial, 2013)
6. Bakı Mən Səni Sevirəm (film,2015) (qısametrajlı bədii film)-Lotereya bileti

Xarici keçidlər

• “Yuğ” Dövlət Teatrında şair Ramiz Rövşənlə görüş