Yevgeni Kasperski

Vikipediya, açıq ensiklopediya
Jump to navigation Jump to search
Picto infobox character.png
Yevgeni Kasperski
rus. Евге́ний Валенти́нович Каспе́рский
Yevgeni Kasperski
Yevgeni Kasperski

Doğum tarixi 4 oktyabr 1965 (1965-10-04) (52 yaş)
Doğum yeri Flag of the Soviet Union.svg SSRİ, RSFSR, Novorossiysk
Vətəndaşlıq Flag of the Soviet Union.svg SSRİFlag of Russia.svg Rusiya
VikiAnbarda Commons-logo.svg audio, foto və videofayllar

Yevgeni Kasperski (rus. Евге́ний Валенти́нович Каспе́рский; d. 4 oktyabr 1965, Novorossiysk, RSFSR, SSRİ) — Rusiya proqramçısı, informasiya təhlükəsizliyi üzrə mütəxəssis, "Kasperski Laboratoriyası" şirkətinin yaradıcısı və baş direktorudur. Mətbuatda onu "Kompüter cinayətkarlığının tufanı" kimi xarakterizə edirlər.

Həyatı[redaktə | əsas redaktə]

Yevgeni Kasperski 4 oktyabr 1965-ci ildə Novorossiysk şəhərində dünyaya gəlib.

1982-ci ildə Moskva Dövlət Universiteti nəzdində A.N. Kolmoqorov adına 18 saylı fizika-riyaziyyat internat məktəbini bitirib.[1] Daha sonra təhsilini Kriptoqrafiya, Rabitə və İnformatika İnstitutunda davam etdirmiş və 1987-ci ildə oranı bitirmişdir.[2]

Kasperski hələ tələbə ikən kompüter viruslarının öyrənilməsi işi ilə məşğul olmağa başlayıb. Onun ilk kompüteri virusa yoluxur, Kasperski necə işlədiyini aydınlaşdırmaqdan ötrü onlardan birini disketdə saxlamağa qərar verir. Beləliklə, 1989-cu ilin oktyabrında Yevgeni Kasperskinin kompyuterində aşkar olunan "Cascade" virusu onun böyük karyerasının başlanğıcına səbəb olub.[2] O zaman mövcud olan antivirus proqramları primitiv idi. Kasperski virusu öyrənir və onun aradan qaldırılması üçün öz şəxsi proqramını yazır. Beləcə, o, antivirus proqramlarını hazırlamağa başlayır.

1991-ci ilə qədər Kasperski keçmiş SSRİ Müdafiə Nazirliyinin çox profilli elmi-tədqiqat institutunda işləyib. 1991-1997-ci illərdə "KAMİ" elmi texniki mərkəzində antivirus layihəsini inkişaf etdirirdi. Onun hazırladığı "-v" proqramı adlandırılan məhsul 1994-cü ildən "AVP" (AntiViral Toolkit Pro) adını alır. 1997-ci ildə Kasperski və onun komandasından olan 5 nəfər "KAMİ"-dən ayrılır və öz şirkətlərini – "Laboratoriya Kasperskoqo" - "Kasperski Laboratoriyası"nı təsis edirlər. Həmin vaxta qədər Rusiyada informasiya təhlükəsizliyinin sistemlərinin hazırlaması sahəsində lider olan məhsul beynəlxalq bazara çıxır. Ancaq ABŞ-da onların partnyoru ticarət markası kimi "AVP" adını qeydiyyatdan keçirir və özünü onun sahibi kimi təqdim edir. Nəticədə "Kasperski Laboratoriyası" "AVP" ticarət markasını itirir. 2000-ci ilin noyabrında laboratoriya rəsmən məhsulun adının və loqotipinin dəyişdirildiyini elan edir. Məhsul "Antivirus Kasperskoqo" – “Kasperski Antivirusu” adlandırılır.

Ailəsi[redaktə | əsas redaktə]

Yevgeni Kasperski iki dəfə ailə həyatı qurub, birinci nikahdan iki oğlan övladı var.

Şəxsi həyatı[redaktə | əsas redaktə]

O, idmanla məşğul olmağa çox önəm verir. Xüsusilə qayıqla səyahət, xizək və alpinizm idman növlərinə maraq göstərir.

Aktyor[redaktə | əsas redaktə]

Kasperski 2007-ci ildə rus hakerlərindən bəhs edən "Şəbəkə" serialında ilk dəfə aktyor kimi çıxış edib. Həmçinin o, şirkətin 10-cu yubiley qlobal əməkdaşlıq konfransı üçün hazırlanmış video çarxda çəkilib.

Mükafatları[redaktə | əsas redaktə]

2009-cu ilin sentyabrında Rusiya prezidentinin fərmanı ilə Y.Kasperski Rusiya Federasiyası İctimai Palatasının üzvü təyin edilib. Həmin ildə kompüter virusları ilə mübarizədə, həmçinin kompüter informasiyasının müasir mühafizə sistemləri sahəsində nailiyyətlərinə görə Kasperski elm və texnologiyalar sahəsində Rusiya Federasiyasının Dövlət mükafatına layiq görülüb.

Elmi fəaliyyəti[redaktə | əsas redaktə]

Kasperski ən görkəmli ekspertlərin birləşdiyi Kompüter Virusları Tədqiqatçılar Təşkilatının (CARO) üzvüdür. O, kompüter virusologiyası problemi üzrə çox sayda məqalələrin və icmalların müəllifidir. O, Rusiyada və xaricdə ixtisaslaşdırılmış seminarlarda və konfranslarda daim çıxış edir.

Onun rəhbərliyi ilə "Kasperski laboratoriyası" tərəfindən ildə 1 dəfə "Virus Bulletin" adlı konfrans keçirilir.[2] Bu konfrans hazırda dünyada antivirus sənayesi üzrə qeydə alınan əsas hadisə hesab olunur.[2]

Mənbə[redaktə | əsas redaktə]

İstinadlar[redaktə | əsas redaktə]

  1. "Interview: Eugene Kaspersky". United Kingdom: Infosecurity Magazine. 2010-10-17. http://www.infosecurity-magazine.com/view/8115/interview-eugene-kaspersky-/.
  2. 2,0 2,1 2,2 2,3 Yevgeni Kasperski – internatdan biznesmenliyə gedən zəngin yol. ictnews.az, 07.07.2011  (azərb.)

Xarici keçidlər[redaktə | əsas redaktə]

Vikianbarda Yevgeni Kasperski ilə əlaqəli mediafayllar var.