Yuri Osipov

Vikipediya, açıq ensiklopediya
Keçid et: naviqasiya, axtar
Yuri Osipov
Keçmiş Rusiya Elmlər Akademiyasının prezidenti Yuri Osipov
Keçmiş Rusiya Elmlər Akademiyasının prezidenti Yuri Osipov
Doğum tarixi: 7 iyul 1936 (1936-07-07) (81 yaş)
Doğum yeri: Tobolsk, Rusiya

Yuri Sergeyeviç Osipov (7 iyul 1936, Tobolsk, Rusiya) — Rusiya riyaziyyatçısı və mexaniki, Rusiya Elmlər Akademiyasının akademiki. Keçmiş Rusiya Elmlər Akademiyasının prezidenti (1991-2013). AMEA-nın Fəxri üzvü (2002).

Həyatı[redaktə | əsas redaktə]

Yuriy Sergeyeviç Osipov 1936-cı ildə anadan olmuş, 1959-cu ildə Ural Dövlət Universitetini bitirmişdir.

1965-ci ildə elmlər namizədi alimlik dərəcəsi almaq üçün dissertasiya müdafiə edib. 1969-1993-cü illərdə SSRİ EA Ural bölməsinin Riyaziyyat və Mexanika İnstitutunda işləmişdir. 1986-1993-cü illərdə bu institutun direktoru olmuşdur. 1971-ci ildə fizika-riyaziyyat elmləri doktoru alimlik dərəcəsi almaq üçün dissertasiya müdafiə etmişdir. 1993-cü ilin iyun ayından REA V.A.Steklov adına Riyaziyyat İnstitutuna rəhbərlik etmişdir. Y.S.Osipov tətbiqi riyaziyyat və mexanika üzrə mütəxəssisdir. Onun elmi fəaliyyətinin əsas istiqamətləri: idarəetmə nəzəriyyəsi, dayanıqlıq nəzəriyyəsi, differensial tənliklər nəzəriyyəsi və onların əlavələridir.

Y.S.Osipov 150 elmi işin müəllifidir, elm və texnika sahəsində Lenin mükafatı (1976) və Rusiya Federasiyasının Dövlət mükafatı (1993) laureatıdır, bir sıra hökümət mükafatları vardır.

Bir sıra xarici elmi və təhsil mərkəzlərinin fəxri üzvü və doktoru seçilmişdir. 1984-cü ildə Y.S.Osipov SSRİ Elmlər Akademiyasının müxbir üzvü, 1987-ci ildə həqiqi üzvü seçilmişdir.

Rusiya Elmlər Akademiyasında maşınqayırma, mexanika və idarəetmə prosesləri problemləri bölməsinin büro üzvü, REA-da kosmos üzrə şuranın, sistemli təhlil üzrə komitənin, "Elm və bəşəriyyət" illik jurnalı redaksiya heyətinin sədri, "Hesablama riyaziyyatı və riyazi fizika" jurnalının baş redaktorudur.

Akademik Y.S.Osipov 1991-ci ilin dekabr ayında 5 il müddətinə REA-nın prezidenti seçilmiş, 29 oktyabr 1996-cı ildə REA-nın ümumi yığıncağı onu yeni müddətə REA-nın prezidenti seçmişdir.

Akademik Y.S.Osipov 2002-ci ildə AMEA-nın Fəxri üzvü seçilmişdir.[1]

İstinadlar[redaktə | əsas redaktə]

  1. "Osipov Yuriy Serqeeviç" (az). science.gov.az. 2017. http://science.gov.az/forms/pochetnyie-chlenyi/162. İstifadə tarixi: 2017-03-20.

Xarici keçidlər[redaktə | əsas redaktə]

Vikianbarda Yuri Osipov ilə əlaqəli mediafayllar var.