Yusif Haqverdiyev

Vikipediya, azad ensiklopediya
Naviqasiyaya keçin Axtarışa keçin
Yusif Haqverdiyev
Doğum tarixi 17 iyul 1916(1916-07-17)
Doğum yeri
Vəfat tarixi 18 iyul 1984(1984-07-18) (68 yaşında)
Vəfat yeri

Haqverdiyev Yusif Məmmədəli oğlu (17 iyul 1916, Naxçıvan18 iyul 1984, Naxçıvan) — Naxçıvan Muxtar Respublikasının əməkdar artisti (1961).

Filmoqrafiya:

  1. Nəsimi (film, 1973) - rol: Mövlanə Əli

Həyatı[redaktə | mənbəni redaktə et]

Yusif Haverdiyev Qatır Məmməd rolunda

Yusif Haqverdiyev 1916-cı il iyul ayının 17-də Naxçıvan şəhərində andan olub.

1932–33-cü illərdə Naxçıvan Pedaqoji Texnikumunda oxuduğu zaman səhnəyə olan həvəsi onu dram teatra gətirib. Naxçıvan teatrının səhnəsində yaratdığı Xacə Məsud ("Lənkəran xanının vəziri", M.F. Axundov), Rodriko, Məzarçı ("Otello", "Hamlet", V. Şekspir), Şeyx Hadi , Piran ("Şeyx Sənan", "Səyavuş", H. Cavid), Əmirqulu, Mirzə Cavad, Yanardağ, Xaspolad, Qurban, Əbdüləli bəy, Nəsrəddin şah ("Yaşar", "Aydın", "Od gəlini", "Oqtay Eloğlu", "Solğun çiçəklər", "Sevil", "Nəsrəddin şah", C. Cabbarlı), Piri baba ("Eşq və intiqam", S. S. Axundov), Şeyx Cəfər ("Odlu diyar", H. Razi), Əmir ("Göz həkimi" İ. Səfərli), Hacı Qəmbər ("Yağışdan çıxdıq, yağmura düşdük", Nəcəf bəy Vəzirov) və başqa obrazları əlvan boyalarla yaratmaqla xarakter ustası kimi tanınıb. O Naxçıvan teatrının unudulmaz sənəkarlarındandır.

Y. Haqverdiyev "Nəsimi" filmində də çəkilib.

Tanınmış aktyor 1961-ci ildə Naxçıvan Muxtar Respublikasının əməkdar artisti fəxri adına layiq görülüb.

Xalq artisti Əyyub Haqverdiyevin qardaşıdır.

Yusif Haqverdiyev 1984-cü il iyunun 18-də Naxçıvan şəhərində vəfat edib.

Y. Haqverdiyev Qatır Məmməd rolunda

İstinadlar[redaktə | mənbəni redaktə et]