Yustin Canelidze

Yustin Canelidze
Yustin Canelidze
	rus. Иустин Джанелидзе ; gürc. იუსტი ჯანელიძე
Doğum tarixi	20 iyul (1 avqust) 1883 və ya 1 avqust 1883
Doğum yeri	Samtredia, Samtredia bələdiyyəsi[d], İmereti, Gürcüstan;
Vəfat tarixi	14 yanvar 1950 (66 yaşında)
Vəfat yeri	Leninqrad, RSFSR, SSRİ;
Dəfn yeri	Literatorski mostki[d];
Elmi dərəcəsi	tibb elmləri doktoru;
Təhsili	Cenevrə Universiteti,; Moskva Dövlət Universiteti;
Mükafatları	; ;

Yustin Yulianoviç Canelidze (rus. Иустин Ивлианович Джанелидзе, gürc. იუსტი ივლიანე ჯანელიძე; 20 iyul (1 avqust) 1883^[1] və ya 1 avqust 1883^[2], Samtredia, İmereti^[1] – 14 yanvar 1950^[1]^[2], Leninqrad^[1]) — Gürcüstan-sovet cərrahı, SSRİ Tibb Elmlər Akademiyasının akademiki (1944), SSRİ Tibb EA-nın Rəyasət Heyətinin üzvü (1944–46), RSFSR əməkdar elm xadimi (1936), Sosialist Əməyi Qəhrəmanı (1945), SSRİ Dövlət mükafatı laureatı (1949), tibb xidməti general-leytenantı.^[3]

Həyatı

Tibb təhsilinə Xarkov Universitetində başlamış İsveçrədə başa çatdırmışdır. Moskva universitetində həkim diplomu alaraq (1910), Peterburq Qadın Tibb İnstitutunun hospital cərrahlıq kafedrasında (1911–14), hərbi-sanitar qatarında (1914–18) işləmişdir. Petroqrad Tibb İnstitutunda ümumi cərrahlıq kafedrasında ordinator (1918-ci ildən), 1921-ci ildən professor, ümumi cərrahlıq kafedrasının müdiri, 1927–43-cü illərdə hospital cərrahlıq kafedrasının müdiri, eyni zamanda (1932-ci ildən) Leninqrad Təcili Yardım İnstitutunun rəhbəri olmuşdur.^[3]

Fəaliyyəti

1939-cu ildən Hərbi Dəniz Donanmasının baş cərrahı və eyni zamanda 1943-cü ildən Hərbi Dəniz Tibb Akademiyasının hospital cərrahlıq kafedrasının rəisi işlə mişdir. Ümumi və bərpaedici cərrahlıq travmatologiya və ürək cərrahlığı məsələlərinə dair 100-dən artıq elmi əsərin müəllifidir. Yaralanmış ürək üzərində müvəffəqiyyətlə əməliyyat aparmış (1911) və dünyada ilk dəfə olaraq, qalxan aorta yarasına tikiş qoymuşdur (1913). Bir sıra əsərləri dərinin köçürülməsi və plastik əməliyyat məsələlərinə həsr edilmişdir. İki dəfə Lenin ordeni, Qırmızı Əmək Bayrağı ordeni ilə təltif edilmişdir.^[3]

İstinadlar

↑ ¹ ² ³ ⁴ ⁵ ⁶ ⁷ ⁸ Джанелидзе Иустин Ивлианович // Большая советская энциклопедия (rus.): [в 30 т.]. 3-е изд. Москва: Советская энциклопедия, 1969.
↑ ¹ ² ³ ⁴ საქართველოს ბიოგრაფიული ლექსიკონი (gürc.). 2001.
↑ ¹ ² ³ Azərbaycan Milli Ensiklopediyası (25 cilddə). 5-ci cild: Brüssel – Çimli-podzol torpaqlar (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2014. səh. 186. ISBN 978-9952-441-10-9.

Xarici keçidlər

http://www.emergency.spb.ru/

[_9726a5dddda95834-1] ¹ ² ³ ⁴ ⁵ ⁶ ⁷ ⁸ Джанелидзе Иустин Ивлианович // Большая советская энциклопедия (rus.): [в 30 т.]. 3-е изд. Москва: Советская энциклопедия, 1969.

[_6bc3b0927023a965-2] ¹ ² ³ ⁴ საქართველოს ბიოგრაფიული ლექსიკონი (gürc.). 2001.

[:0-3] ¹ ² ³ Azərbaycan Milli Ensiklopediyası (25 cilddə). 5-ci cild: Brüssel – Çimli-podzol torpaqlar (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2014. səh. 186. ISBN 978-9952-441-10-9.

[1]

[2]

[3]