Zakir Sərdarov

Vikipediya, azad ensiklopediya
Jump to navigation Jump to search
Zakir Sərdarov
Zakir Həsən oğlu Sərdarov
Zakir Sərdarov.jpg
Doğum tarixi
Doğum yeri Qaraqoyunlu mahalının Yanıqpəyə kəndi, Qərbi Azərbaycan
Vəfat tarixi (57 yaşında)
Vəfat yeri Bakı şəhəri
Dəfn yeri II Fəxri Xiyaban
Həyat yoldaşı Leyla Əliyeva
Atası Həsən
Anası Züleyxa
Milliyyəti Azərbaycan
Dini İslam
İxtisası Tarixçi
Təhsili Ali
Fəaliyyəti Siyasətçi

Zakir Həsən oğlu Sərdarov (31 dekabr 1943-14 dekabr 1999) — Azərbaycanlı ictimai-siyasi və dövlət xadimi; tarix elmləri doktoru. Azərbaycan Respublikası Milli Məclisinin I çağırış[1] deputatı.

Həyatı[redaktə | mənbəni redaktə et]

Zakir Həsən oğlu Sərdarov 1943-cü il dekabrın 31-də Qərbi Azərbaycanın Qaraqoyunlu mahalının Yanıqpəyə kəndində qulluqçu ailəsində anadan olub. O, 1962-ci ildə Azərbaycan Pedaqoji İnstitutunun (indiki Azərbaycan Dövlət Pedaqoji Universiteti) Tarix-filologiya fakultəsinə daxil olub. Yaradıcılıq həvəsi olduğundan gənc yaşlarında "Xəzər dənizçisi" qəzetində əmək fəaliyyətinə başlayıb.

Azərbaycan Pedaqoji İnstitutunu fərqlənmə diplomu ilə bitirmiş Zakir Sərdarov bir il Salyan rayonunda müəllim işləyib. Yazıb-yaratmaq həvəsi günü-gündən artan Zakir Sərdarov tezliklə əyalətdən Bakıya gəlib.

Zakir Sərdarov 1999-cu il dekabrın 14-də vəfat edib. Mərhum II Fəxri Xiyabanda dəfn olunub.

Elmi fəaliyyəti[redaktə | mənbəni redaktə et]

1969-1971-ci illərdə Azərbaycan Jurnalistlər İttifaqında ədəbi işçi, eyni zamanda, Bakı Bədən Tərbiyəsi Texnikumunda müəllim işləyib. Jurnalistlər Birliyinin "Qızıl Qələm" mükafatına layiq görülüb.

1971-1984-cü illərdə "Gənc müəllim" qəzetinin redaktoru vəzifəsində çalışıb, daim ictimai problemləri vicdanlı sözlə qələmə alıb, haqqı əzilənin tərəfini verməyib. Daha sonra məzunu olduğu İnsititutda işləməyə başlayıb.

1982-ci ildə "SSRİ-nin Bolqarıstan Xalq Respublikası ilə iqtisadi, elmi-texniki və mədəni əməkdaşlığına Azərbaycan SSR-in töhfəsi" mövzusunda dissertasiya işini müdafiə edərək, tarix elmləri namizədi alimlik dərəcəsini alıb.

Müxtəlif arxivlərdə milli tariximiz üçün son dərəcə dəyərli fatkları, sənədləri üzə çıxarıb. Elmi araşdırmalarının əsasında 5 kitab, 300-dən artıq elmi məqalə qələmə alıb, 4 monoqrafiyanın müəllifi olub. SSRİ və Azərbaycan Jurnalistləri İttifaqının üzvü olmuşdur. Zakir Sərdarovun elmi kadrların hazırlanmasında böyük xidmətləri olub. Ölümündən sonra haqqında 5 kitab, 1 poema yazılıb.

Siyasi fəaliyyəti[redaktə | mənbəni redaktə et]

Zakir Sərdarov hələ ötən əsrin 80-cı illərindən məkrli erməni yalanlarına qarşı çıxan, elmi əsərləri ilə onları cəsarətlə ifşa edən alimlərdən idi. Vətənpərvər alim ermənilərin qədim türk yurdu İrəvanaQarabağa köçürülmə xalq olduğunu yazır, sovet imperiyası ideoloqlarının siyasətini ifşa edirdi. 1990-cı illərdə imperıya rəhbərliyinin işğalçılıq siyasətinə qarşı çıxdıqlarına görə Bakı şəhərinin hərbi komendantı, polkovnik Valeri Bünyadov Səfyar Musayev və Fərəməz Maqsudovla birgə Zakir Sərdarovu da iki günlük həbs etdirmişdi.

Zakir Sərdarov Yeni Azərbaycan Partiyasının yaradılmasında fəal iştirak edib. Zakir Sərdarov həmçinin, 1992-ci ilin dekabr ayının 7-də yaradılan Heydər Əliyevin müdafiə komitəsinin üzvü olub. O, Heydər Əliyevə müraciət imzalamış “91-lər”dəndir. Həyat fəaliyyətindən də məlum olur ki, Zakir Sərdarov Ulu Öndər Heydər Əliyevin dövlətçilik ideyalarına daim sadiq olub. Heydər Əliyev Naxçıvanda olduğu dövrdə dəfələrlə onunla görüşüb, dəyərli məsləhətlər alıb. O, vaxtilə Milli Məclisin qarşısında yaş senzinin aradan qaldırılması üçün keçirilən mitinqlərdə fəal iştirak edib. 1998-ci ildə keçirilən prezident seçkilərində Heydər Əliyevin səlahiyyətli nümayəndəsi olub.

1995-ci ildə Heydər Əliyevin siyasi iradəsi ilə ölkənin Konstitusiyası qəbul edildi, müstəqillik dövründə ümumxalq səsverməsi ilə seçilmiş Milli Məclisin ilk tərkibi bəlli oldu. Zakir Sərdarov da birinci cağırış Parlamentə 24 saylı Nəsimi dairəsindən üzv seçildi. Milli Məclisinin İnsan hüquqları komissiyasının, Azərbaycan-Almaniya Parlamentlərarası Dostluq Qrupunun, SSRİ və Azərbaycan Jurnalistləri İttifaqının üzvü olub.

Ailəsi[redaktə | mənbəni redaktə et]

Mərhumun Vüsal və Vüqar adlı iki oğlu, Xatirə və Züleyxa adlı iki qızı, on nəvəsi var. Oğlanlarının hər ikisi polis orqanlarında çalışır. Böyük qızı atasının məzunu olduğu Azərbaycan Dövlət Pedaqoji Universitetində müəllim işləyir, kiçik qızı həkimdir.

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]