Zzzaks

Vikipediya, azad ensiklopediya
Jump to navigation Jump to search
Zzzaks
Zzzax.gif
Nəşriyyat ABŞ Marvel Comics
Yayım tarixi "İnanılmaz Halk" #166 (avqust, 1973)
Yaradıcı(lar) Stiv Enqlhart
Herb Trimp
Xüsusiyyətlər
Əsl adı yoxdur
Doğum yeri Edison AES, Nyu York
Boyu sabit deyil
Çəkisi sabit deyil
Göz rəngi
Növü humanoid
Komiks bioqrafiyası
Düşmənləri Halk
Ləqəbləri Yaşayan dinamo
Gücləri Elektriki idarə etmək
Enerji udmaq
Dayanıqlıq və güc

Zzzaks (ing. Zzzax) — Marvel Comics tərəfindən 1973-cü ildə yaradılan anti-qəhrəman personaj. Əzəli və əbədi düşməni Halkdır.

Nəşr olunma tarixi[redaktə | əsas redaktə]

Zzzaks Stiv Enqlhart və Herb Trimp tərəfindən yaradılmışdır. İlk dəfə "İnanılmaz Halk" (ing. "Incredible Hulk")[1] komiksinin 166-cı buraxılışında görünmüşdür.

Bioqrafiya[redaktə | əsas redaktə]

Zzzaks ilk dəfə komiksdə: "İnanılmaz Halk"ın 1973-cü ilin avqustunda nəşr olunan 166-cı buraxılışı.

Zzzaks insan deyildir. Nyu York şəhərində yerləşən Edison Atom Elektrik Stansiyasında baş verən təxribat zamanı elektrikdən yaranmışdır. Terroristlərin dinamonu dağıtması zəncirvari nüvə reaksiyası başlatmış, yaranan vəziyyətdə enerji gözlənilmədən hərəkətə keçərək terroristlərin və bir neçə işçinin zehnini əmərək özünə çəkmişdir. Onların zehinlərindən və elektrik enerjisindən istifadə etməklə bu varlıq humanoid olmuş və şüura sahib olmuşdur. Özünü Zzzaks adlandıraraq HalkŞahingözlə döyüşmüşdür, amma məğlub olmuşdur.[1]

Zzzaks daha sonra qayıdaraq Çikaqodakı tədqiqat mərkəzinə hücum etmişdir. Halk Zzzaks qarşısında dayanmağa çalışaraq alimlərin Zzzaksı yenidən bərpa edən prosesi dayandırmasına imkan yaratmışdır.[2] "Güc-adam" komiksində yenidən peyda olaraq onun son məğlubiyyətinə səbəb olan insanların dalınca düşmüşdür. Güc-adam Zzzaksı məğlub etsə də, bir neçə alimin ölümünə mane ola bilməmişdir.[3] "Halk" komiksində Brüs Bennerin şüuruna sahib[4] olmaq üçün yenə qayıtmışdır, amma tez məğlub etmişdir. Mefisto tərəfindən "Gizli müharibələr II" komiksində yenidən formalaşdırılmışdır, amma Şey ona qalib gəlmişdir.[5] Zzzaks Kvant, Qraviton və Halflayf ilə birlikdə Qərb Sahili Qisasçılarına qarşı döyüşmüş, amma Şahingöz tərəfindən dayandırılmışdır.[6]

"Halk" komiksində Zzzaks SHIELD tərəfindən ələ keçirilmiş və Qama bazasına aparılmışdır. General Tunderbolts Roz öz şüurnu Zzzaksın bədəninə köçürərək Halkın yeni versiyasına (Rikki Cons) qarşı döyüşmüşdür.[7] Roz qızı Betini xilas etdikdən sonra Zzzaksın bədənini tərk etmişdir.[8] Zzzaks "Marvel Comics Presents"[9] komiksində Dəmir adama, öz adındakı komiksdə isə Kabelə qarşı mübarizə aparmışdır.[10]

Zzzaks "Yeni Qisasçılar" komiksində digərləri ilə birlikdə Sal[11] adlı həbsxanadan qaçmışdır. "Şi-Halk" komiksində yenə SHIELD tərəfindən ələ keçirilir. Qısa müddətli qaçışdan sonra Zzzaks Şi-Halk tərəfindən dayandırılmışdır.[12]

Dehli hücum edən Zzzaks Qüdrətli Qisasçılar tərəfindən həbs olunmuşdur.[13]

Daha sonra Zzzaks MODOK-a qoşularaq Qırmızı Halkla döyüşmüşdür.[14]

Media[redaktə | əsas redaktə]

"İnanılmaz Halk" komiksinin 1975-ci ilin yanvarında çıxan 183-cü sayının üz qabığında Zzzaks

Televiziya[redaktə | əsas redaktə]

  • Zzzaks 1996-cı ildə "İnanılmaz Halk" animasiya serialının "Xam güc" bölümündə peyda olmuş, Maykl Bell, Liza Miller Makqi və Kevin Şon tərəfindən səsləndirilmişdir. Tədqiqatçı Miç Makkuçeon Brüs Benneri sağaltmaq istəyərkən göy rəngli Zzzaksa çevrilmişdir. Halkla döyüşdən sonra yenidən normal hala qayıtmışdır.
  • Zzzaks "The Super Hero Squad Show" animasiya serialında da görsənmiş və Conatan Mankuta tərəfindən səsləndirilmişdir. "Yumurcaq aramızda gəzir" adlı seriyada Zzzaks Piro və Doktor Dumla birləşərək super qəhrəmanlarla döyüşmüşdür. Lakin onlar Muzdlu Qəhrəmanlar komandası tərəfindən dayandırılaraq Kassa adlı həbsxanaya salınmışdırlar. "Buz gəlir əridir" adlı seriyada Zzzaks Trapster və Piro ilə birlikdə Toksik komandasını yaradır.
  • "Qisasçılar: Yerin qüdrətli qəhrəmanları" animasiya serialının "Həbsxanadan qaçış. Birinci hissə" adlı bölümündə Zzzaks həbsxanadan qaçan 75 super cinayətkardan biridir. O, Kub adlı həbsxanadan qaçarkən Halkla döyüşmüşdür və məğlub olmuşdur. "Qamma Dünyası. Birinci hissə" adlı bölümdə isə U-Foes və Yıxım heyəti komandasına kömək etməkdədir.
  • "İnanılmaz Hörümçək-adam" animasiya serialının "Xüsusi" bölümündə və "Qisasçılar, birləşin!" animasiya serialının "Bütün ataların günü" adlı bölümündə də peyda olmuşdur.

Film[redaktə | əsas redaktə]

Zzzaks 2014-cü il istehsalı "Qəhrəmanlar birliyi: Dəmir adam və Halk" animasiyasında HalkDəmir adamın əsas düşməni olmuşdur.

İstinadlar[redaktə | əsas redaktə]

  1. 1 2 Hulk #166 (August 1973)
  2. Hulk #183 (Jan. 1975)
  3. Luke Cage, Power Man #47 (Oct. 1977)
  4. Hulk #285 (July 1983)
  5. Secret Wars II #7 (Jan. 1986)
  6. West Coast Avengers #12 - 13 (Sep. - Oct. 1986)
  7. Hulk #325 - 327 (Nov. 1985 - Feb. 1986)
  8. Hulk #330 (May. 1986)
  9. Marvel Comics Presents #8 (Apr. 1989)
  10. Cable #59 (October 1998)
  11. New Avengers #1 - 3 (Jan. - Mar. 2006); New Avengers: Most Wanted Files #1 (July 2006)
  12. She-Hulk vol. 2, #17 (April 2007)
  13. Mighty Avengers #32
  14. Hulk Vol. 2 #36

Xarici keçidlər[redaktə | əsas redaktə]