Çöl pişiyi

Çöl pişiyi(Felis silvestris), (Carnivora) dəstəsindan bir məməli növü.

Status. Azərbaycanda nəsli kəsilmək təhlükəsi altındadır.
Yayılması. Keçmişdə (keçən əsrin 50-ci illərinə qədər) çöl pişiyinə Naxçıvan MR-in Araz çayı vadisində, Muğan və Salyan düzənliklərində daha tez-tez təsadüf edilirdi. Burada ildə 3-4 çöl pişiyi əldə edilirdi. Hazırda buralarda çöl pişiyinə təsadüf edilmir. Çox az hallarda Hacınohur çöllərində təsadüf edilir. Burada 1965-ci ildə 4 çöl pişiyi əldə edilmişdir.
Yaşayış yeri. Düzənliklərdə,cavan kolluqlarda, qamışlıqlarda və subasar meşəliklərdə yaşayırlar.
Təbiətdə sayı. Azsaylıdır, dəqiq məlumat yoxdur.
Çoxalması. Yanvar - fevral aylarında cütləşir. Boğazlıq dövrü 2 aya qədər davam edir. 3-5 bala doğurlar.
Rəqibi, düşməni, xəstəliyi. Rəqibi tülkü, çaqqal, həmçinin sahibsiz itlərdir.
Sayının azalması səbəbləri. Bu növün sayının dəyişilməsinin əsas səbəbi onların yaşadığı yerlərdə kənd təsərrüfatı bitkilərinin becərilməsidir.
Qorunması üçün zəruri tədbirlər. Sıxlığı daha yüksək olan yerləri yasaqlıq elan etmək.