Əminə Dilbazi

ƏMİNƏ DİLBAZİ
Əminə Paşa qızı Dilbazi
Doğum tarixi:	26 dekabr 1919-cu il(1919-12-26)
Doğum yeri:	Qazax
Vəfatı:	30 aprel 2010-cu il (90 yaşında)
Vəfat yeri:	Bakı
Peşəsi:	Aktrisa

Əminə Paşa qızı Dilbazi – rəqqasə, Azərbaycanın xalq artisti (1959).

Həyatı

Əminə Dilbazi 26 dekabr 1919-ci ildə Qazaxda anadan olub. 1935-ci ildə ilk dəfə səhnəyə çıxaraq Üzeyir Hacıbəyovun bəstələdiyi "Kolxoz çölləri" mahnısını ifa edib. Azərbaycan Dövlət Filarmoniyası Mahnı və Dövlət Rəqs ansamblının solisti (1936-1939), sonralar isə rəqs qrupunun rəhbəri olub. 1959-cu ildə Azərbaycan Tibb İnstitutunun yaratdığı "Çinar" tələbə rəqs kollektivinə rəhbərlik edib. 1967-ci ildə "Sevinc" qızlar ansamblını yaradıb. 1949-cu ildən Xoreoqrafiya Məktəbində pedaqoji fəaliyyət göstərib. 1957-ci ildə Moskvada tələbə və gənclərin 6-cı ümumdünya festivalında qızıl medala layiq görülüb.

Əminə Dilbazi bir çox filmlərdə rəqslərə quruluş verib. Onun oynadığı "İnnabı", "Tərəkəmə", "Vağzalı", "Turacı", "Naz eləmə" rəqsləri xüsusilə məşhurdur. Repertuarına rus rəqsləri, ukrayna rəqsləri, özbək rəqsləri, ərəb rəqsləri də daxil olan Əminə Dilbazi "Leyli və Məcnun" operasında, "Arşın Mal Alan" və "O olmasın bu olsun" komediyaları və sair əsərlərdə də rəqslərə quruluş verib.

2010-cu il aprelin 30-da Bakı şəhərində vəfat edib.

• Bəstəkar Cövdət Hacıyevin həyat yoldaşıdır.

Filmoqrafiya

1. Axşam konserti (film, 1948)
2. Arşın mal alan (film, 1965)
3. Beş dəqiqəlik konsert (film, 1941)
4. Əminə Dilbazinin rəqsləri (film, 1961)
5. Əzablı yollar (film, 1982)
6. Hər şey olduğu kimi. Əminə Dilbazi (film, 2000)
7. Tənha bülbülün rəqsi (2003)
8. Xalq Yaradıcılığı Festivalı (film, 1937)
9. Qəzəlxan (film, 1991)
10. Mən mahnı qoşuram (film, 1979)
11. O olmasın, bu olsun (film, 1956)
12. Payız konserti (film, 1962)
13. Prima (film, 1992)
14. Sevinc (film, 1968)
15. Suvenir (film, 1972)
16. Ulduz (film, 1964)
17. Zəlimxan dastanı (film, 2007)

Həmçinin bax

	Azərbaycan kino sənəti portalı

• Azərbaycan rəqsləri
• Rəqs