1984 (roman)

Vikipediya, açıq ensiklopediya
Keçid et: naviqasiya, axtar
Disambig.svg Bu məqalə 1984 roman haqqındadır. 1984 ili haqqında oxumaq üçün 1984 səhifəsinə baxın.
1984 (Min doqquz yüz səksən dörd)
ing. Nineteen Eighty-Four'
1984first.jpg
birinci nəşrin üz qabağı
Müəllif: Corc Oruell
Janr: Roman
Orijinalın dili: İngiliscə
Ölkə: Flag of the United Kingdom.svg Böyük Britaniya
Orijinalın nəşr ili: 1949
Tərcüməçi: Flag of Azerbaijan.svg Vilayət Quliyev
Nəşriyyat: Flag of the United Kingdom.svg Secker and Warburg
Flag of Azerbaijan.svg Qanun
Cild: Nazik
Səhifə: 383
Tiraj: 500
ISBN 978-9952-26-459-3

1984 (ing. Nineteen Eighty-Four) — Corc Oruellin 1948-ci ildə yazılmış, 1949-cu ildə isə çap olunmuş romanıdır. Yevgeni Zamyatinin "Biz", Oldos Hakslinin "Möcüzəli yeni dünya" və Rey Bredberinin "451° farenheyt" əsərləri ilə bərabər antiutopiya janrında yazılmış ən məşhur ədəbi əsərlərdən biri sayılır.

2009-cu ildə "The Times" qəzeti "1984"-ü son 60 il ərzində yaradılmış 60 ən yaxşı kitab siyahısına daxil etmiş, "Newsweek" jurnalı isə romanı bəşəriyyət tarixində ikinci ən yaxşı kitab adlandırmışdır.

Romanın adı və terminologiyası geniş yayılmışdır və kitabda təsvir olunmuş totalitar rejimi təsvir etmək üçün istifadə olunur. Əsər dəfələrlə sosialist ölkələrində qadağan olunmuş, qərb ölkələrinin solçuları tərəfindən tənqid obyektinə çevrilmişdir.

Tərcümə və nəşri[redaktə]

Kitabın azərbaycanca ilk nəşrinin üz qabığı

Kitab ilk dəfə Vilayət Quliyev tərəfindən azərbaycan dilinə tərcümə edilmiş və 2011-ci ildə Qanun nəşriyyatı tərəfindən nəşr olunmuşdur. 2013-cü ildə kitab təkrar nəşr olunmuşdur.

Qəhrəmanlar[redaktə]

Baş qəhrəmanlar[redaktə]

Uinston Smit (ing. Winston Smith) - baş qəhrəman, 39 yaşı var. Gənc yaşlarından bəri Həqiqət Nazirliyinin Sənədləşmə Bölməsində çalışır. Vəzifəsi sənədlərə dəyişiklik etməklə partiya təbliğatına zidd olan faktları gizlətməkdir. Partiyanın ideyalarına sadiq olduğunu nümayiş etdirsə də, əslində onlara nifrət edir.
Culiya (ing. Julia) - baş qəhrəmana aşiq olan qadın, 26 yaşı var. Həqiqət Nazirliyinin Ədəbiyyat Bölməsində çalışır. Özünü partiyanın tərəfdaşı kimi qələmə versə də, partiya qanunlarını tez-tez pozur.
O'Brayen (ing. O'Brien) - Daxili Partiyanın yüksək vəzifəli üzvü. Uinston O'Brayenin inqilabçı olduğunu düşündüyü halda o, əslində Fikir Polisinin əməkdaşıdır.

Epizodik qəhrəmanlar[redaktə]

Mister Çarrinqton (ing. Charrington) - antikvariat dükanında satıcı, Fikir Polisinin agenti. Uinston və Culiyaya otaq icarəyə verir, sonradan onların həbsinə rəhbərlik edir.
Saym (ing. Syme) - Uinstonun savadlı iş yoldaşı, Uinstonun ən çox rəğbət bəslədiyi qəhrəmanlardandır. İxtisasca filoloqdur, Yenidil lüğətinin yaradılmasında iştirak edir. Sonradan Fikir Polisi tərəfindən həbs olunur.
Parsons (ing. Parsons) - Uinstonun qonşusu və iş yoldaşı. Uinstonda və Saymda böyük antipatiya doğurur. İdeal partiya üzvüdür: zəhmətkeşdir, müzakirə etməyə meyl göstərmir, partiyanın öyrətdiyi hər şeyə tərəddüd etmədən inanır. Çox axmaqdır. Sonradan qızının verdiyi məlumat əsasında Fikir Polisi tərəfindən həbs olunur.
Amplfort (ing. Ampleforth) - Uinstonun iş yoldaşı, Həqiqət Nazirliyinin əməkdaşı. Şairdir, "kanonik mətnlər" (klassik şeyriyyət əsərlərinin ingilis dilindən Nyuspikə tərcüməsi) üzrə ən yaxşı mütəxəssislərdən sayılır. Romanın üçüncü hissəsində Uinstonla eyni kameraya düşür, sonradan "101-ci otaqda" yoxa çıxır.
Martin (ing. Martin) - O'Brayenin qulluqçusu.

Həmçinin bax[redaktə]

Xarici keçidlər[redaktə]