Armen Qaro

Vikipediya, açıq ensiklopediya
Keçid et: naviqasiya, axtar
Armen Qaro
erm. Փաստրմաճյան Գարեգին
Pastermajian-Karekin.JPG
Doğum tarixi: 9 fevral 1872(1872-02-09)
Doğum yeri: Osmanlı imperiyası, Ərzurum
Vəfatı: 23 mart 1923 (51 yaşında)
Vəfat yeri: İsveçrə, Cenevrə
Milliyyəti: Erməni
Fəaliyyəti: Terrorçu

Qareqin Pastermadjyan (erm. Փաստրմաճյան Գարեգին; (9 fevral 187223 mart 1923) — erməni terrorçusu, daşnak liderlərindən biri.

Armen Qaro Ərzurum şəhərində anadan olmuşdur, 1891 ci ildə buradakı erməni məktəbində təhsilini başa vurduqdan sonra, Fransaya yollanır, və Nansi universitetinin nəzdində, kənd təsərrüfatı məktəbində təhsil alır. 1894 cü ildə Daşnaksütunun sıralarına qatılır. 1895 ci ildə Zeytun üsyanına kömək etmək məqsədi ilə Misirə yollanır, buradan üsyançılara silah sursat və canlı güvvə gondərilməsini təşkil edir.

Həmin vaxt o, Armen Qaro təxəllüsü ilə adlanmağa başlayır.

1896-cı ilin avqustun 26-da, daşnakların Osmanlı bankına qarşı təşkil etdiyi terror aksiyasında iştrak edir, Armen Qaro bankı zəbt edən terorçuların içərisində yer alır. Onun vəzifəsi, bank işçilərinin və ziyarətçilərin qaçmasının qarşısını almaq idi. Terrorçular bu adamlardan canlı sipər kimi istifadə etməyi planlaşdırırdılar.

İri dövlətlərin müdaxiləsi nəticəsində, bankı zəbt etmiş erməni terrorçuları Türkiyədən sah salamat Fransaya qedir və orada siyasi sığınacaq alır.

Armen Qaro bir müddət Fransada qaldıqdan sonra oradan deportasiya edilir və İsveçrəyə gəlir.

1898-ci ildə Daşnaktütunun II qurultayında partiyanın Misir komitəsinin nümayəndəsi kimi iştrak edir.

1901-ci ildə Tiflisə köçür, 1905–1906-cı il hadisələri zamanı 500 nəfərlik silahlı erməni dəstəsi yaradır, və bu dəstəyə başçılıq edir.

Türkiyədəki "gənc türklər" inqlabından sonra, Armen Qaro Osmanlı parlamentinə Ərzurumdan deputat seçilir. Birinci dünya müharibəsi zamanı, çar ordusunun tərəfində vuruşan, erməni dəstələrinin təşkilində aktiv iştrak edir.

1917-ci ildən ABŞ da erməni katalikosunun təmsilcisi kimi fəaliyyət göstərir. 1920-ci ildə Ermənistan respublikasının ABŞ da səfiri təyin olunur.

Daşnakların təşkil edib həyata keçirdiyi Nemezis əməliyyatına (Nemezis əməliyyatı, qondarma erməni soyqırımında güya günahkar olan şəxslərin qətlə yetirilməsi) rəhbərlik edir.

Xarici keçidlər[redaktə]

Həmçinin bax[redaktə]