İvan Ayvazovski

Vikipediya, açıq ensiklopediya
Keçid et: naviqasiya, axtar
İvan Ayvazovski
Հովհաննես Այվազովսկի
Иван Константинович Айвазовский
Fotoqrafiya
Doğum tarixi: 29 iyul 1817(1817-07-29)
Doğum yeri: Feodosiya, Krım
Vəfatı: 5 may 1900 (82 yaşında)
Vəfat yeri: Feodosiya, Krım
Janr: Romantizm

İvan Ayvazovski (rus. Иван Константинович Айвазовский, erm. Հովհաննես Այվազովսկի) - erməni əsilli rus rəssamı.[1][2][3][4] Ayvazovskinin əsərlərinin yarıdan çoxunu dəniz mənzərələri təşkil edir. İvan Ayvazovski ümumdünya rəssamların arasında ən yaxşı dəniz mənzərələri yaradan rəssam hesab olunur.[5][6][7]

Həyatı[redaktə]

İvan Ayvazovski Krımda Qaradənizin sahilində yerləşən kiçik Feodosiya şəhərində kasıb erməni ailəsində dünyaya gəlmişdi. Simferopolda təhsil aldığı zaman, rəssamlıq qabiliyyətinə görə I Nikolay tərəfindən Sankt-Peterburq şəhərinə rəssamlıq təhsili almağa göndərilmişdir. 1836-cı ildə rəssamlıq təhsililini bitirdikdən sonra dövlət tərəfindən Avropaya göndərilmişdi. İllərlə davam edən səyahətlər zamanı müxtəlif ölkələrdə sərgiləri açılmışdı. Həmin dövrdə İvan Ayvazovski Avropada ən məşhur rus rəssamı hesab olunurdu. Ayvazovskinin 1844-cü ildə Rusiya İmperiyasına geri qayıtmasından sonra bu ölkənin hərbi donamasında işləməyə başladı. İşi ilə əlaqədər, olaraq Ayvazovskinin bir çox əsərləri dəniz mənzərələri təşkil etmişdir.

Fırtınaya düşmüş Meri. 1892. Yağlıboya. Ayvazovski Sənət Qalereyası, Feodosiya, Krım

1845-ci ildə Ayvazovski Osmanlı İmperiyasının paytaxtı İstanbul şəhərinə gəlmişdir. Burada sultan I Əbdülməcid tərəfindən Bəylərbəyi sarayında qarşılanmışdır. 1845 - 1890-cı illər ərzində Ayvazovski İstanbul şəhərinə dörd dəfə gəlmişdir. 1874-cü ildə ki, səfəri zamanı erməni əsilli memar Sarkis Balyanın Quruçeşmə adasında yerləşən malikanəsində bir aya yaxın qalmışdır. Burada qonağ olduğu bir ay ərzində I Əbdülməcid tərəfindən Dolmabağça sarayı üçün sifariş olunan tabloların hazırlanması ilə məşğul olmuşdur. 1890-cı ildə İstanbulla son səfəri zamanı sultan II Əbdülhəmidlə görüşündə Ayvazovski sultana iki əsərini hədiyyə etmişdir. 5 mindən çox tablo müəllifi olan Ayvazovskinin əsərləri dünyanın müxtəlif muzeylərində saxlanılır. Dolmabağça sarayı, Dəniz muzeyi, Hərb muzeyi, İrəvan dövlət muzeyi və Rum Ortodoks Patrikxanasında Ayvazovskinin əsərlərinin bir hissəsi saxlanmaqdadır. Bir qrup əsərləri isə şəxsi arivlərdə qorunur.

Qalereya[redaktə]

İstinadlar[redaktə]

  1. Aivazovsky, Ivan — The Oxford Dictionary of Art, 2004.
  2. Айвазовский, Константин Константинович — Krugosvet Encyclopedia
  3. Айвазовский, Гайвазовский, Иван КонстантиновичGreat Soviet Encyclopedia
  4. (2002) Энциклопедия пейзажа, ОЛМА-ПРЕСС, 9.
  5. World's 10 greatest Seascapes - The Sea in paintings, theartwolf.com
  6. Russian Paintings Gallery - Aivazovskiy Ivan (1817-1900) - brief biography, russianpaintings.net
  7. Ivan Aivazovsky. About creativity of Ivan Aivazovsky | Русские художники. Russian Artists, tanais.info

Xarici keçidlər[redaktə]