Həzrəti Yusif (teleserial, 2008)

Vikipediya, açıq ensiklopediya
Keçid et: naviqasiya, axtar
Həzrəti Yusif
fars. یوسف پیامبر
Həzrəti Yusif (teleserial, 2008).jpg
"Həzrəti Yusif" serialının kaver afişası
Rejissor Fərəcullah Sələhşur
Operator Nasir Kavusi
Prodüser Fərəcullah Sələhşur
Yaradıcısı Fərəcullah Sələhşur
Ssenarist Fərəcullah Sələhşur
Rollarda Mahmud Pakniyyət
Mustafa Zamani
Elham Həmidi
Ketayun Riahi
Cəfər Dehqan
Bəstəkar Peyman Yəzdani
Rəssam Fərhad Əlizadə Adi
İstehsalçı ölkə Flag of Iran.svg İran
İl 2008
Studiya CIMAFilm center
Dil Fars dili
İlk çıxış tarixi 27 dekabr 2008
Janr Dini film
Növü Dram
Rəng Rəngli
Mövsüm sayı 3
Seriya sayı 45
Seriya vaxtı Hər seriyanın davam etmə müddəti 50 dəqiqə

Həzrəti Yusif (fars. یوسف پیامبر‎, ing. Joseph, the Prophet, ing. Yousuf-e Payambar) - 2008-ci ildə çəkilən İran televiziya serialıdır. Serialda Yusifin atasından ayrı düşməsindən, qul olaraq satılmasından, Züleyxanın ona qarşı məhəbbətindən, kahinlərə qarşı mübarizə aparmasından, firon ilə görüşməindən və sonda atası ilə görüşməsindən danışılır. [1] Bu film Yusif pеyğəmbərin qissəsinə tarixi-dini yanaşmaları əks еtdirməklə, qədim Misirin Amarna tarixi dönəmində, IV Amеnhotеpin (Еxnaton, yaxud Axnatun) hakimiyyəti zamanı baş vеrən hadisələri canlandırır. Bu filmdən sonra[2] Yusifin Fələstinin Əl-xəlil şəhərində olan məzarı ifratçı yəhudilər tərəfindən dağıdılaraq yеrlə yеksan еdilib və ona hörmətsizlik olunub. Bu isə İranda əks-sədaya səbəb olmuşdur.[3] Filmin çəkilib başa çatmasından sonra Həzrəti Yusif rolunu canlandıran Mahmud Zəmani TV kanalların mükafatlarını qazanmışdır.[4][5] "Həzrəti Yusif" teleserialı Türkiyədə "Star TV"[6] və "Kanal 7"[7], Azərbaycanda isə Space TV[8] və "İnterAz TV"[9] kanallarında yayımlanmışdır. "Həzrəti Yusif" serialının istehsal müdiri Mühəmməd Sadiq Azildir. Serialın səs operatoru Əhməd Əmiri, səs rejissoru isə Rza Nərmizadədir. "Həzrəti Yusif" televiziya serialının büdcəsi təxminən 2 milyon ABŞ dolları həcmindədir.[10][11][12]

Məzmun[redaktə]

Uzun illərdən sonra Həzrəti Yusif atası ilə görüşərkən

Mesopotamiyadakı şəhərlərdən birində dünyaya gələn Yusif gözəlliyiylə qısa zamanda hər kəsin marağına səbəb olur. Ancaq onun bu xüsusiyyətləri qardaşlarının qısqanclığına səbəb olur. Yusifdə zaman içində dillərə dastan gözəlliyi xaricində xariqüladə hallarda da görülməyə başlayır. Bir gün Yusif gecə vaxtı bir yuxu görür. Yusif həmin yuxunu atasına danışır. Yusif yuxusunda on bir ulduzun, Günəş və ayın özünə səcdə etdiklərini görər. Yusifin atası Həzrəti Yaqub ona bu yuxunu əsla qardaşlarına danışmamasını deyir. Atası Həzrəti Yaqub yuxudan başa düşür ki, Allah taala Yusifin məqamını ucaldıb və onu ülvi bir məqama çatdıracaqdır. Əgər bu yuxu qardaşlarının qulağına çatsa, onda onun yozmasından xəbərdar olub Yusifin üstün olmasından narahat olacaqlarını və bu onları Yusifə qarşı əvvəlki həsədlərini daha da artıracağını, onu həlak etmək, əzab-əziyyət vermək üçün qəti qərara gələcəklərini hiss edir. Odur ki, onu yuxunu onlara danışmaqdan çəkindirib qadağan edir.

Amma qardaşlar həm yuxunu, həm də yuxunun şərhini eşidikdə qısqanclıq atəşiylə yanmağa başlayırlar. Hətta onu öldürmək fikrinə düşürlər. Yusif qardaşlarıyla çıxdığı bir səfərdə özünü qısqanan qardaşları tərəfindən səhrada bir quyuya atılır. Qardaşları evə döndükdə atalarının onlara inanmaları üçün qoyunlardan birini kəsərək qanını Yusifin köynəyinə bulayırlar. Qardaşlar evə qayıtdıqda Yusifin qana bulaşmış köynəyini atalarına göstərərək Yusifi qurdların yediyini söyləyirlər. Həzrəti Yaqub qana bulaşmış və parçalanmamış halda saxlanılmış köynəyi görərək həmin hekayəyə inanmır. Həzrəti Yaqub bu hadisədən sonra qurdun yanına gedir ki, Yusifin həqiqətən də qurd tərəfindən yediyini öyrənsin. Lakin Həzrəti Yaqub qurda baxaraq Yusifi qurd yemədiyini başa düşür. Bir müddət sonra Əzrail ancaq ölülər dünyasından xəbəri olduğu üçün Həzrəti Yaquba Yusifin sağ olduğunu söyləyir. Ancaq Yusifin həsrəti gün-gündən Həzrəti Yaqubun ürəyini dağlamaqdadır. Bu vaxt səhrada quyunun yaxınından keçən bir karvan sahibi Yusifi quyudan çıxarıb, Misirə aparır və qul olaraq satılığa çıxarır. Yusif Putifar adında sahibə satılr. Karvan sahibi əməlindən hər nə qədər peşman olsa da, onu geri qaytara bilmir. Putifar Yusifi Züleyxaya hədiyyə olaraq verir. Züleyxa isə onu oğlu kimi qəbul edir.

Yusif yavaş-yavaş Putifarın evində böyüməyə başlayır. Böyüdükcə isə başqalarının heyrətinə səbəb olur. Putifarın həyat yoldaşı olan Züleyxa ona aşiq olmağa başlayır. Züleyxa onu öz otağına çağırtdırır. Yusif otağa daxil olan zaman Züleyxa qapını bağlatdıraraq, ona eşqini bildirir. Yusif isə bundan imtina edib, otağı tərk edir.Yusif otağı tərk edən zaman Putifar onu görür. Züleyxa yalandan deyir ki, guya Yusif zorla otağına girmişdi. Birdən-birə yaxında olan bir xidmətçinin qucağındakı körpə, dil açaraq Yusifin haqlı olduğunu söyləyib, hamını heyrətləndirir. Lakin Züleyxaya Yusifi zindana saldırmaq, qismət olur. Yusif burada 7 il qalır. Bu illərdə artıq IV Amenhotep vəfat etmiş, onun yerinə isə Exnaton keçmişdir. Bir gün Exnaton gecə vaxtı bir yuxu görür. Xidmətçilərindən həmin yuxunu yozmalarını istəyir. Onlar yuxunu yoza bilmirlər. Xidmətçilərdən biri zindandan Yusifi çıxartdıraraq bura gətirir. Yusif fironun yuxusunu yozur. Bundan sonra Yusif Exnatonun yaxın köməkçilərindən biri olur.

İllər keçdikdən sonra Züleyxa artıq qocalmışdır. Bir gün ona bir qadın rast gəlir. Həmin qadın Yusifin həyat yoldaşı olur. Qadın onun gözlərinin görə bilmədiyini və ağır xəstələndiyini görərək, onu saraya aparır. Fironun yanına gətirdikdə, Yusif onu tanıyır. Yusif bir sehr nəticəsində onu cavanlaşdırır. Bir neçə müddət sonra isə onunla ailə həyatı qurur. Sonda Yusifin atası ilə görüşmə arzusu həyata keçir. Səhrada Yusif atasını bir ordu ilə qarşılayır. Atası isə Yusifin necə dəyişildiyini görərək heyrətlənir. Buna baxmayaraq qardaşları hələ də dəyişilməmişdi. Onların görüşməsindən bir müddət keçdikdən sonra onlar öz vətənlərinə geri dönürlər.

Rollarda[redaktə]

Aktyor/aktrisa Rol Qeydlər
Mahmud Pakniyyət Həzrəti Yaqub Peyğəmbər
Mustafa Zamani Həzrəti Yusif Peyğəmbər
Elham Həmidi Əsnad Yusifin ilk həyat yoldaşı
Ketayun Riahi Züleyxa Putifarın həyat yoldaşı
Cəfər Dehqan Potifar Əzizə şəhərinin başçısı, Putifar
Cahanbəxş Soltani Amenhotep III Firon, Exnatonun atası
Hüseyn Cəfəri Cavan Yusif Yusifin uşaqlığı
Zehir Yari Bin Yamin Yusif kiçik qardaşı
Zəhra Səidi Fayiqə Yaqubun bacısı, Yusifin bibisi
Cavad Taheri Malik Yusifi Firona satan karvan başçısı
Rəhim Novruzi Exnaton Firon, Amonhotep IV, Axnatun, Amenhotep III oğlu
Feərəhşteh Sarabandi Ləya Yaqubun ilk həyat yoldaşı, Yusifin analığı
Nəsrin Nakisə Dina Yaqubun yeganə qız övladı
Davud Şeyx Yəhuda Yusifin böyük qardaşı

Maraqlı faktlar[redaktə]

  • Yusifin zindanda qalması 7 il keçir. Yusif zindandan çıxarkən deyir ki, 7 il aclıq olacaqdır. Film də 7 ilə çəkilmişdir. Film tərcüməsi isə Azərbaycan dilində 7 aya bitmişdir.
  • Yusif rolunu ifa edən Mustafa Zəmaninin gözləri əslində mavi rəngdədir.[13]
  • Filmin hər seriyasının əvvəlində səslənən mahnıda Quranda verilən Yusif surəsindən 4 ayə deyilir.

Film heyəti[redaktə]

Filmin aktyor heyəti də diqqəti cəlb edir: Cəfər Dehqan (Putifar), Katayun Riyahi (Züleyxa), Mahmud Pakniyyət (Yəqub), Fərəhşteh Sarabandi (Ləya), Davud Şeyx (Yəhuda), Nəsrin Nəkisa (Dinə), Rəhim Novruzi (Exnaton), Elham Həmidi (Əsnad) və b. Lakin bu filmin ən tanınmış və sevilən siması təbii olaraq baş rolun ifaçısı, "Yusif peyğəmbər" obrazını canlandıran gənc aktyor Mustafa Zamanidir. Onun istedadlı ifası, təsiredici oyunu filmin izləyiciləri tərəfindən rəğbətlə qarşılanmışdır. "Həzrət Yusif" filmi 7 il ərzində çəkilib. Film Latın Amerikası, Avropa ölkələrində, Türkiyədə və ərəb ölkələrində dünyanın müxtəlif dillərinə tərcümə edilərək yayımlanıb, yayımlandığı bütün ölkələrdə müsbət qarşılanıb. Filmin rejissoru Fərəcullah Sələhşur əslən azərbaycanlıdır. Rejissorun etirafına görə Yusif və Züleyxa obrazları üçün aktyor seçimində çətinliklərlə qarşılaşıb. Mustafa Zamanini il yarımlıq axtarışlardan sonra bir dostunun onun şəklini göstərəndə Yusif obrazını tapıb. Eləcə də Züleyxa obrazını canlandıran aktrisa Ketayun Riyahini də çətinliklə tapa bilib.[14] [15][16]

"Həzrət Yusif" serialında baş rol ifası üçün sınaq çəkilişində 3000 adamın içindən Yusif roluna seçilmişdir. İran televiziyası ilə bağlanmış müqaviləyə əsasən siması daima tərtəmiz və qüsursuz görünməliydi. Çəkilişlər ərzində hər gün ona 3 saat makiyaj-qrim edilirdi və rola hazırlanırdı.

Hətta bu dəyişkənlik o dərəcədə idi ki, insanlar onu küçədə görəndə televiziya filmindəki həzrət Yusif (ə) olduğuna inanmırdıılar. Qeyd edək ki, filmdə gənc Yusif obrazını canlandıran cavan oğlan, real həyatda Mustafa Zamaninin doğma xalası oğlu Hüseyn Cəfəridir. Qısa zaman kəsiyində "Həzrət Yusif" filmi bütün baxış rekordlarını yenilədi və böyük uğur qazandı. Mustafa Zamani Yusif rolu ilə qüsursuz perfomansını hər kəsə göstərərək İran televiziyası tərəfindən mükafatlandırıldı.[17][18]

Filmin çəkilişi[redaktə]

Film İbrahim peyğəmbərin nəslindən olan, Yusifin və onun atası Yəqubun ayrılıq intizarından bəhs edir.[19] 45 seriyadan ibarət olan bu bədii serialın çəkilişləri 7 il davam etmiş və İsrail dövləti tərəfindən birmənalı qarşılanmamışdır. Fərəcullah Sələhşur müsahibəsində deyir:

"

Yusif peyğəmbərin obrazını canlandıran aktyoru isə il yarımlıq axtarışlardan sonra tapdım.[20]

"

"Həzrət Yusif" serialı Latın Amerikası, Avropa ölkələrində, Türkiyədə və ərəb ölkələrində dünyanın müxtəlif dillərinə tərcümə edilərək yayımlanıb. Fərəcullah Sələhşurun məlumatlara görə, film yayımlandığı bütün ölkələrdə müsbət qarşılanıb. Fərəcullah etiraf edir ki, filmin heyət üzvlərini çox çətin tapmışdır:

"

Film "Qurani-Kərim"də "Yusif" surəsi əsasında çəkilib. Yusif və Züleyxa obrazı üçün aktyor seçiminə gəlincə, bunların hamısı Allahın işidir. Yusif peyğəmbərin obrazını canlandıran Mustafa Zamanini il yarımlıq axtarışlardan sonra, bir dostum onun şəklini mənə göstərəndə tapdım. Eləcə də Züleyxa obrazını canlandıran xanım Ketayun Riyahini də çətinliklə tapmışam.[21]

"

Tərcümə[redaktə]

İran kinematoqrafçıları tərəfindən 7 il[22] müddətində istehsal olunan 45 seriyalı "Həzrət Yusif" (ə) filmi peşəkar səviyyədə Azərbaycan dilinə tərcümə olunub. Filmi Azərbaycanın xalq artistləri İlham Əsgərov, Həmidə Ömərova, əməkdar artist Kazım Abdullayev, aktyorlar Elşən Rüstəmov, Məmməd Səfa, Şəfəq Əliyeva, Qədir Mirzə, Natəvan Qeybani, Pərviz Bağırov və digər 20-yə yaxın peşəkar aktyorlar səsləndiriblər. Film "CineSalam Production”da tərcümə və dublyaj olunub və filmin bütün hüquqları bu şirkətə aiddir. Teleserial ilk dəfə 2010-cu ildə dublyaj olunmağa başlamışdır. Dublyajın rejissoru Hacı Emin Abasov, tərcüməçiləri isə Hacı Süleyman Fərzəliyev və Könül xanımdır.[23]

Filmin səsləndirmə prosesi 7 ay davam edib. 45 seriyası film 1 qabda 12 DVD olmaqla film həvəskarlarına təqdim olunur. "Yusif peyğəmbər (ə)" serialı Türk, ərəb, ingilis, fransız, urdu, ispan, və italyan dilində də dublyaj edilərək, dünyanın bir çox telekanalında nümayiş etdirilmişdir. "CIMAFilm sentеr"in istеhsalı olan bu çoxsеriyalı bədii film Azərbaycanın еfir məkanında yayımlandı və Ramazan ayı boyunca tamaşaçılar tərəfindən böyük maraqla izlənildi. Filmin rejissoru Fərəcullah Sələhşurun çəkdiyi "Həzrət Məryəm", "Həzrət Musa" və "Əshabi Kəhf" çoxseriyalı filmləri də dünya xalqlarının rəğbətini qazanıb. Fərəcullah şəxsən filmin ən çox azərbaycan dilində tərcümə variantını bəyənmişdir:

"

Mən filmin Azərbaycan dilində dublyaj edilmiş birinci hissəsinə baxmışam. Bundan əlavə, filmin Azərbaycan dilində olan variantına baxanlar mənə deyiblər ki, yüksək səviyyədə dublyaj edilib. Açığı, film Azərbaycan dilində çox gözəl çıxıb. Bu mənim özümü də çox maraqlandırdı. Elə bilirəm ki, filmi həm tərcümə edənlər, həm də səsləndirənlər peşəkar olublar. Onlar Azərbaycan xalqına, mədəniyyət və film tarixinə yeni bir filmi hədiyyə ediblər. Bu hədiyyə həqiqətən çox qiymətlidir. Qismət olsa, Bakıya gələndə filmin Azərbaycan dilinə tərcümə edənlərlə və səsləndirənlərlə görüşəcəyəm.[24]

"

İstehsal[redaktə]

"Həzrət Yusif" filmi ilk dəfə olaraq 2008-ci ildə istehsal edilmişdir. Satışa çıxdığı ilk gündən başlayaraq Latın Amerikası, Avropa ölkələrində, Türkiyədə, Pakistanda urdu dilində və ərəb ölkələrində dünyanın müxtəlif dillərinə o cümlədən türk, azərbaycan, ingilis, fransız, ərəb, urdu, italyan, ispan və s. dillərə tərcümə edilərək yayımlanıb.[25] Bu film demək olar ki, yayımlandığı bütün ölkələrdə müsbət qarşılanmışdır. Amma İsrail ölkəsində film müsbət qarşılanmamışdır. Ona görə ki, filmdə yəhudilər çox qabarıq şəkildə göstərilmişdir. Bu səbbədən film İsraildə böyük narazılığa səbəb olmuşdur. Film telekanallarda yayımlandıqdan bir müddət sonra Yəhudilərin Həzrəti Yusifin qəbrini dağıtmasını isə Fərəcullah belə izah etmişdir:

"

Çalışmışam ki, tarix filmdə olduğu kimi qalsın. Qeyd etdiyim kimi, film "Qurani-Kərim"də olan Yusif surəsi əsasında çəkilib. Burada tarixə nəsə əlavə etmək və ya əskiltmək qəbuledilməzdir. Filmdə yəhudilərin əcdadlarının necə olduqları dəqiqliklə göstərilib. Hətta onların necə müqəddəs olduqlarını da verə bilmişik. Obyektivlik hər halda qorunub saxlanılıb. Mən bu filmə görə heç bir təzyiqə məruz qalmamışam. Mənim ürəyimi ağrıdan və məni son dərəcə narahat edən məsələ odur ki, bu filmdən sonra Həzrət Yusif peyğəmbərin Fələstinin Əl-Xəlil (Nevron) şəhərində (lakin bütün televiziya verilişlərində məzarın Nablusda dağıdıldığı deyilir) olan məzarı, ifratçı yəhudilər tərəfindən dağıdılaraq yerlə-yeksan edilib və ona hörmətsizlik olunub. Bu, hazırda da məni narahat edən yeganə məsələdir.[26]

"

Seriyalar[redaktə]

Filmin ümumi bölümlərinin sayı 45-dir. Film 15 bölümdən ibarət 3 mövsümdən təşkil olunub:

  • 1 Mövsüm: Uşaqlıq vaxtı: Bu mövsümdə Yusifin uşaqlıq vaxtından danışılır. Qardaşları onu quyuya atır və Yusifi buradan karvansara çıxararaq saraya satır. Zaman keçdikcə Yusif böyüməyə başlayır.
  • 2 Mövsüm: Zindandan Saraya: Bu mövsümdə Züleyxanın Yusifə eşqə düşməsindən və onun eşqinin qəbul etməsindən ötrü Yusifi zindana atdırmasından söhbət açılır.
  • 3 Mövsüm: Vüslət: Bu mövsümdə Yusif Axnatunun köməyi sayəsində vəzifəsinə geri qayıdır, Züleyxa ilə evlənməsindən və sonra atasına qovuşmasından danışılır.

İstinadlar[redaktə]

  1. Həzrəti Yusif (2008) Yoxlanılıb: 28 avqust 2014
  2. "Həzrət Yusif" gözlədiyildən də artıq sevilməkdədir Yoxlanılıb: 28 avqust 2014
  3. Mustafa Zəmani "Həzrəti Yusif" rolunda Yoxlanılıb: 28 avqust 2014
  4. Həzrəti Yusif serial türkcə məlumat Yoxlanılıb: 28 avqust 2014
  5. Həzrəti Yusif serialının heyətləri haqqında türkcə məlumat Yoxlanılıb: 28 avqust 2014
  6. Həzrəti Yusif "Star Tv" kanalında Yoxlanılıb: 28 avqust 2014
  7. Həzrəti Yusif "Kanal 7" kanalında
  8. Həzrəti Yusif "Lider Tv" kanalında niyə verilmir?
  9. Həzrəti Yusif "İnterAz TV" kanalında Yoxlanılıb: 28 avqust 2014
  10. Salahshur's daughter: "Polygamy promotion is planned in TV." Association of Iranian Women magazine. Revised on May 15, 2009.
  11. "Network of Iran - the Prophet Joseph is not made to advertise Ahmadinejad." Institute of press. Revised on May 15, 2009.
  12. Hamid, Naqib (January 30, 2013). "ANALYSIS: Sanctity and sensitivity". Daily Times (Pakistan). http://www.dailytimes.com.pk/default.asp?page=2013%5C01%5C30%5Cstory_30-1-2013_pg3_4. İstifadə tarixi: 22 fevral 2013. 
  13. Mustafa Zamaninin gözü mavi rəngdədir Yoxlanılıb: 28 avqust 2014
  14. Həzrəti Yusif Alkawthartv.ir saytında Yoxlanılıb: 28 avqust 2014
  15. Həzrəti Yusif Yusufseries.spaces.live.com saytında Yoxlanılıb: 28 avqust 2014
  16. Həzrəti Yusif Forum.arjwan.com saytında Yoxlanılıb: 28 avqust 2014
  17. Həzrəti Yusif filmi necə çəkildi? Yoxlanılıb: 28 avqust 2014
  18. Həzrəti Yusif teleserialının məzmunu Yoxlanılıb: 28 avqust 2014
  19. Həzrəti Yusif Shiavoice.com saytında Yoxlanılıb: 28 avqust 2014
  20. Həzrəti Yusif Big.az.forum Yoxlanılıb: 28 avqust 2014
  21. Həzrəti Yusif Yusufseries.spaces.live.com.blog Yoxlanılıb: 28 avqust 2014
  22. "Həzrət Yusif" serialı haqqqında müsahibə zamanı Yoxlanılıb: 28 avqust 2014
  23. "Həzrət Yusif" serialı 7 ilə çəkilib Yoxlanılıb: 28 avqust 2014
  24. Fərəcullah Sələhşurun müsahibəsi Yoxlanılıb: 28 avqust 2014
  25. Həzrəti Yusif Azərbaycan dilində Yoxlanılıb: 28 avqust 2014
  26. "Həzrəti Yusif" serialı Fərəcullahın müsahibəsi Yoxlanılıb: 28 avqust 2014

Xarici keçidlər[redaktə]