Herta Müller

Vikipediya, açıq ensiklopediya
Keçid et: naviqasiya, axtar
HERTA MÜLLER
Herta Muller.jpg
Doğum tarixi 17 avqust 1953 (1953-08-17) (61 yaş)
Doğum yeri Rumıniya
Mükafatları Nobel prize medal.svg Ədəbiyyat üzrə Nobel mükafatı (2009)

Herta Müller2009-cu ildə ədəbiyyat üzrə Nobel mükafatına layiq görülmüş yazıçı

Həyatı[redaktə]

Herta Müller 1953-cü ildə Rumıniyada, alman icmasının ailəsində doğulub.

Orta və universitet təhsilini Rumıniyada alıb. Timişoara Universitetini bitirib, Rumıniya və alman ədəbiyyatı üzrə mütəxəssisdir. O, 1976-cı ildə zavodda tərcüməçi işləməyə başlayıb, amma gizli polislə əməkdaşlıqdan imtina etdiyi üçün iş yerini itirib. Uşaq bağçasında işləyib, fərdi şəkildə alman dili dərsi deyib. 1987-ci ildə əri, yazıçı Rixard Vaqnerlə birlikdə Almaniya Fedarativ Respublikasına köçüb. Universitetdə mühazirələr oxuyub. Hazırda Berlində yaşayır.

Xanım Müllerin yaradıcılığı şoxşaxəlidir. Həm şeir, həm də nəsr əsərləri və esselər yazır. Həmçinin tez-tez fotoqraf və rəssam kimi də çıxış edir.

Nobel mükafatından qabaq 1999-cu ildə Frans Kafka adına mükafata layiq görülüb. Rumıniyada senzuraya uğradığı üçün əsas əsərləri Almaniyada çap olunub. "Passport", "Güzgüdə oturan İblis", "Aclıq və ipək" (esselər), "Tələdə" və sair topluların müəllifidir.

Onun 2009-cu ildə işıq üzü görmüş son əsəri "Nəfəs yelləncəyi" ("Atemschaukel") romanıdır. Əsərin qəhrəmanı Lyapold Auberq adlı gəncdir. 1945-ci ildə 17 yaşı olarkən Novo-Qorlovkada sovet düşərgəsinə salınan bu cavan oğlan Stalinin göstərişi ilə Sovet İttifaqına deportasiya olunmuş 80 min Rumıniya almanından biridir. Əsərdə Lyapold Auberqin timsalında o ağır illərin təsviri verilir.

2009-cu ilin ədəbiyyat üzrə Nobel mükafatı laureatı alman yazıçı və şairi Herta Müller olub. İsveç Akademiyasının bununla bağlı açıqlamasında deyilir ki, H.Müller bu mükafata "şeirin gücündən və nəsrin açıqlığından istifadə edərək yoxsulların dünyasını təsvir edə bildiyi üçün" layiq görülüb.

Mənbə[redaktə]

Həmçinin bax[redaktə]