Konça Buyka

Vikipediya, açıq ensiklopediya
Keçid et: naviqasiya, axtar
Konça Buyka
Concha Buika
Concha Buika2.JPG
Ümumi məlumatlar
Doğum adı María Concepción Balboa Buika
Doğum tarixi 11 may 1972(1972-05-11)
Palma-de-Mayorka,
Balear adaları,
Flag of Spain.svg İspaniya
Üslublar flamenko, kopla, caz, soul
Peşələri müğənni, bəstəkar
Fəaliyyət illəri 2000-bu günə kimi
Albom şirkəti Warner Music Group
Veb saytı conchabuikamusic.com

Konça Buyka (isp. Concha Buika, Palma-de-Mayorka, İspaniya, 11 may 1972) — ispan müğənnisi, yaradıcılığı flamenko, caz, soul, tanqo, rumba kimin müxtəlif janrları əhatə edən ən parlaq və orijinal ifaçılardan biridir. Onun “Niña de Fuego” albomu 2008-ci ildə İlin Ən Yaxşı Alvomu nominasiyasında Latın Qremmi Mükafatını qazanmış, “La Noche Mas Larga” albomu isə 56-cı Qremmi Mükafatlarının təqdim edilməsi məqasimində Ən Yaxşı Latın Caz Albomu nominasiyasında mükafata namizəd göstərilmişdir. Pedro Almodovarın İçində yaşadığım dəri filmində ifa edilmiş iki mahnının müəllifi və ifaçısıdır.

Bioqrafiyası[redaktə]

Konça Buyka 11 may 1972-ci ildə İspaniyanın Balear adalarının paytaxtı olan Palma şəhərində dünyaya gəlmişdir. O, yazıçı Xuan Balboa və Honorina Buykanın övladıdır və valideyinləri hazırda Mayami, Florida, ABŞ-da yaşayır. Buyka şair, bəstəkar, musiqi prodüsseri olmaqla yanaşı, “analıq” vəzifəsini də yerinə yetirir.

O, ispan, katalan, ingilis, fransız və portuqal musiqiçiləri ilə iş birliyində olub. Onun əməkdaşlıq elədiyi şəxslər arasında Anuşka Şankar, Çik Korea, Nina Jozel, Mariza, Bebo Çuço Valdes, Luz Kasal, İvan Lyuis, Daniel Murihed, Cus Lui Perales, Seal, Armando Manzanero, Nelli Furtado və Xavier Limon kimi musiqiçilər var.

Buyka bir neçə filmin musiqisini ifa etmişdir. 2011-ci ildə rejissor Pedro Almodovar Buykanın iki mahnısını özünün "İçində yaşadığım dəri" filmində istifadə etmişdir. Buikanın "Por el amor de amar" (Sevgi naminə) və "Se me hizo facil" (Onu asan tapdım) mahnıları ilk dəfə böyük ekrana çıxarılmışdı.

Buyka iyirmi iki ölkə konsert verib. 2010-cu ildə Fransa, Türkiyə, ArgentinaMeksika da daxil olmaqla 95 konserti olub.

2000-ci ildə fortepianonun müşayəti ilə Mestizuo (2000, Producciones Blau S.L.) adlı albomunun təqdim edilməsi ilə Buyka professional yaradıcılığına başlamışdır. Bunun ardınca Buika (2005, DRO), daha sonra isə Xavier Limonun prodüsserliyi ilə üç albom - Mi niña Lola (Balaca qızım Lola - 2006, DRO), Niña de Fuego (Yanan qız - 2008, Warner) və El ultimo Trago (Son içki - 2009, Warner) təqdim edilmişdir.

2010-cu ildə Elis Vinkler tərəfindən NPR üçün yazılmış məqalədə Buyka 50 ən yaxşı vokalist siyahısında göstərilmişdi. Məqalədə, müğənni “azadlığın səsi” adandırılır.[1]

2013-cü ildə təqdim edilmiş yeni albomu Buykanın yaradıcılığında yeni mərhələ açmışdır. Prodüsserliyi müğənninin özü tərəfindən edilmiş “La Noche Mas Larga” albomu 2013-cü ildə Nyu-YorkMadriddə yazılmışdır.[2][3] Alboma müğənninn özü tərəfindən yazılmış beş mahnı ilə yanaşı "La Nave del Olvido", "Don't Explain", "Ne Me Quitte Pas" və "Siboney" kimi klassik felamenqo mahnıları da daxildir.

Diskoqrafiyası[redaktə]

Mükafat və nominasiyaları[redaktə]

Buykanın albomları aşağıdakı mükafatlara layiq görülmüşdür:

  • Disco de Oro – “Mi niña Lola” albomu qızıl sertifikata layiq görülmüşdür.
  • Ən Yaxşı İspan Mahnı Albommu – “Mi niña Lola” (Premios de la Musica, 2007 )
  • Ən Yaxşı Prodüsser İşi – “Mi niña Lola”, Xavier Limon (Premios de la Musica, 2007 )
  • Almaniya Vizual Tənqidçilər Mükafatı 2007: “Mi niña Lola”
  • Disco de Oro – “El Ultimo Trago” (Colombia, 2010 ) albomu qızıl sertifikata layiq görülmüşdür.
  • Latın Qremmi Mükafatı 2010: “El Ultimo Trago “ albomu - Ən Yaxşı Ənənəvi Tropikal Albom.

Buykanın albom və mahnıları aşağıdakı nominasiyaları almışdır:

  • Latın Qremmi Mükafatı 2008: İlin Ən Yaxşı Albomu: Niña de Fuego (2008, Warner/Casa Limon ).
  • Latın Qremmi Mükafatı 2010: İlin Ən Yaxşı Səsyazması: Se Me Hizo Facil
  • Latın Qremmi Mükafatı 2013: İlin Ən Yaxşı Səsyazması: La Nave del Olvido
  • Qremmi mükafatı 2013: Ən Yaxşı Latın Caz Albomu: La Noche Mas Larga (2013, Warner Music Spain S.L.).

İstinadlar[redaktə]

  1. Alice Winkler, "Buika: The Voice Of Freedom", NPR, November 2, 2010.
  2. Carlos Olivares Baró, "La noche más larga de Buika", La Razón, June 29, 2013.
  3. Neil Spencer, "Buika: La Noche Más Larga – review", The Observer, June 23, 2013.

Xarici keçidlər[redaktə]