Levina

Levina
Ümumi məlumatlar
Doğum adı	İzabella Levina Luen alm. Isabella Levina Lueen‎
Ləqəbi	Levina
Doğum tarixi	1 may 1991(1991-05-01) (33 yaş)
Doğum yeri	Bonn, Köln[d], Şimali Reyn-Vestfaliya, Almaniya Federativ Respublikası
Vətəndaşlığı	Almaniya Federativ Respublikası
Musiqiçi məlumatları
Fəaliyyəti	müğənni, bəstəkar
Fəaliyyət illəri	2017-ci ildən
Janr	Pop
Musiqi aləti	vokal
Albom şirkəti	Sony Music
Təhsili	London Kral Kolleci
Vikianbarda əlaqəli mediafayllar

İzabella Levina Luen (alm. Isabella Levina Lueen‎; 1 may 1991, Bonn, Şimali Reyn-Vestfaliya) və ya sadəcə Levina — Almaniya müğənnisi və bəstəkarı. O, Almaniyanı 2017 Avroviziya Mahnı Müsabiqəsində təmsil etmişdir.

Həyatı və musiqi karyerası

İzabella Levina Luen 1 may 1991-ci ildə Almaniyanın Bonn şəhərində anadan olmuş və Kemnits şəhərində böyümüşdür. O Kemnitsdə Dr. Vilhelm Andre gimnaziyasına daxil olmuş və 2009-cu ildə Böyük Britaniyanın Kembric şəhərində Beynəlxalq Bakalavriat dərəcəsi ilə təhsilini başa vurmuşdur. Daha sonra Levina Londona köçərək, London Kral Kollecindən bakalavr dərəcəsini qazanmışdır. Hal-hazırda London Musiqi Kollecində təhsil alır.

2017 Avroviziya Mahnı Müsabiqəsi

2016-cı ildə Levina Almaniyanın NDR telekanalının Avroviziya üçün təşkil etdiyi Unser Song 2017 milli seçim turunda iştirak etmişdir. Yarışmanın finalına yüksəlməyə nail olan müğənni nəticədə "Perfect Life" mahnısı ilə Almaniyanı Ukraynanın paytaxtı Kiyevdə keçirilən Avroviziya 2017-də təmsil etmək hüququ qazanmışdır. Almaniyanın "Böyük Beşlik" ölkələrindən biri olması səbəbi ilə Levina birbaşa olaraq müsabiqənin final mərhələsindən mübarizəyə qoşulmuşdur. Finalda 21-ci səhnə alan ifaçı müsabiqədə 25-ci yeri tutmuşdur.

Diskoqrafiya

Albomlar

• Unexpected (2017)

Sinqllar

• "Divided" (2016)
• "Perfect Life" (2017)
• "Stop Right There" (2017)

İstinadlar

Əvvəlki: Ceymi-Li "Ghost"

Almaniya Avroviziya Mahnı Müsabiqəsində 2017

Sonrakı: Mixael Şulte "You Let Me Walk Alone"