Neftçi PFK muzeyi

Vikipediya, azad ensiklopediya
Naviqasiyaya keç Axtarışa keç
Neftçi PFK muzeyi
Açılış tarixi 22 aprel 2017
Mövzu İdman muzeyi
Yerləşir Bakcell Arena
Ünvan Bakı, Azərbaycan
Kolleksiyası 40-dan çox
İş rejimi Bazar ertəsi – Cümə 10:00 – 18:00,
Şənbə 10:00 – 15:00
40°24′01″ şm. e. 49°56′38″ ş. u.

Neftçi PFK muzeyi — Azərbaycan təmsilçisi "Neftçi" klubunun titullarını və tarixini özündə əks etdirən idman muzeyi.

Tarixi[redaktə | mənbəni redaktə et]

Klubun 80 illik yubiley tədbiri çərçivəsində 2017-ci ilin aprelin 22-də muzey və fanşopun açılış mərasimi keçirilmiş və mayın 1-dən etibarən ictimaiyyətin ixtiyarına verilmişdir. Muzey "Neftçi" klubunun ev oyunlarını keçirdiyi Bakcell Arena stadionun birinci mərtəbəsində yerləşir. Muzeydə sərgilənən eksponatların sayı 40-dan çoxdur. Muzeyin açılışında klubun prezidenti Çingiz Abdullayev, rəhbərliyi, veteranlar, AFFA-nın prezidenti Rövnəq Abdullayev, AFFA-nın baş katibi Elxan Məmmədov, Peşəkar Futbol Liqasının prezidenti Ramin Musayev və futbol ictimaiyyətinin nümayəndələri iştirak ediblər.[1]

Ekspozisiya[redaktə | mənbəni redaktə et]

Muzey 2 otaqdan ibarətdir. Muzeyi ziyarət edənlər ilk otaqda komandanın yaranma tarixi ilə tanış ola bilərlər. Bundan savayı müxtəlif dövrlər haqda məlumatlar, klubun prezidentləri, 16 ən yaxşı futbolçu haqda məlumat, klubun tarixində rekord vurmuş futbolçuların adları, statistik göstəricilər və klubun müxtəlif dövrlərə aid loqoları əks edilmişdir.[2] Bundan başqa, Azərbaycan futbol tarixində ilk dəfə Avropa miqyaslı turnirin qrup mərhələsinə vəsiqə qazanmış klubun Avropa Liqasındakı rəqiblərinin rəmzləri sərgilənir. [3]

İkinci otaqda isə klubun SSRİ çempionatlarında geyindiyi formalar, müstəqillik dövründə qazanılmış kuboklar sərgilənir.[4] Sərgilənən kubokların arasında "Neftçi"nin 2006-cı ildə MDB və Baltikyani ölkələr arasında keçirilən Birlik Kuboku yarışında qazandığı kubok da nümayiş edilir. 1966-cı ilə aid stenddə isə komandanın SSRİ çempionatında qazandığı bürünc medal, 1966-cı il futbol üzrə SSRİ çempionatında klubun istifadə etdiyi top, yekun turnir cədvəli həmçinin həmin mövsüm mükafatlara layiq görülmüş əfsanəvi heyət haqqında məlumatlar sərgilənir. Bundan əlavə burada klubun yarandığı ilk dövrlərdə istifadə etdiyi dəri top və butslarda sərgilənir.

Həmçinin muzeyin tərkibində klubun fan-şopu fəaliyyət göstərir.[5]

  • Eksponatların bir qismi
  • Klubun futbolçularının müxtəlif illərdə geyindiyi formalar
    Klubun futbolçularının müxtəlif illərdə geyindiyi formalar
  • XX əsrin əvvəllərində futbolçuların geyindiyi buts və 1930–1940-cı illərdə istifadə olunmuş top
    XX əsrin əvvəllərində futbolçuların geyindiyi buts və 1930–1940-cı illərdə istifadə olunmuş top
  • 2011/2012 Azərbaycan Premyer Liqasının kuboku
    2011/2012 Azərbaycan Premyer Liqasının kuboku
  • Azərbaycan Kuboku
    Azərbaycan Kuboku
  • Birlik Kuboku 2006
    Birlik Kuboku 2006

İstinadlar[redaktə | mənbəni redaktə et]

  1. ↑ Neftçi" PFK-nın muzey və fanşopunun təntənəli açılış mərasimi keçirilib (FOTOLAR)// “neftchipfk.com”
  2. ↑ "Forza "Neftçi": Qocaman klubun muzeyinə virtual səyahət// "sputnik.az"". 2023-08-04 tarixində arxivləşdirilib. İstifadə tarixi: 2019-03-09.
  3. ↑ ""Neftçi" klubunun muzeyi və azarkeş mağazası açılıb// "allsport.az"". 2023-08-04 tarixində arxivləşdirilib. İstifadə tarixi: 2019-03-10.
  4. ↑ ""Neftçi"nin muzeyinin və fanşopunun açılışı oldu - FOTOLAR// "goal.az"". 2023-08-04 tarixində arxivləşdirilib. İstifadə tarixi: 2019-03-09.
  5. ↑ ""Neftçi" futbol klubunun muzey və fanşopunun açılış mərasimi keçirilib - FOTO// "report.az"". 2023-08-04 tarixində arxivləşdirilib. İstifadə tarixi: 2019-03-09.
Mənbə — "https://az.wikipedia.org/w/index.php?title=Neftçi_PFK_muzeyi&oldid=7389017"