Yaşar Abdulov
| Yaşar Abdulov | |
|---|---|
| 15 fevral 2001 – 13 may 2005 | |
| Əvvəlki | Əli Quliyev |
| Sonrakı | Süleyman Mikayılov |
| Şəxsi məlumatlar | |
| Doğum tarixi | 1 iyul 1946 |
| Doğum yeri | |
| Vəfat tarixi | 30 noyabr 2012 (66 yaşında) |
| Təhsili |
|
|
|
|
| Təltifləri |
  |
Yaşar Qaraxan oğlu Abdulov (1 iyul 1946, Yardımlı – 30 noyabr 2012) — Azərbaycan pedaqoqu və dövlət xadimi, Yardımlı Rayon İcra Hakimiyyətinin başçısı (2001–2005).
Həyatı[redaktə | mənbəni redaktə et]
Yaşar Qaraxan oğlu Abdulov 1 iyul 1946-cı ildə Yardımlıda anadan olmuşdur. 1968-ci ildə Azərbaycan Pedaqoji İnstitutunun Fizika-riyaziyyat fakültəsini bitirmişdir.[1]
Əmək fəaliyyətinə 1968-ci ildə riyaziyyat müəllimi kimi başlamış, 1971-ci ilədək Əsədabad kənd səkkizillik və 2 saylı Yardımlı qəsəbə məktəblərində müəllim işləmişdir. 1971–1972-ci illərdə Azərbaycan LKGİ Yardımlı Rayon Komitəsində şöbə müdiri vəzifəsində çalışmışdır. 1972–1973-cü illərdə Sovet Ordusu sıralarında hərbi xidmət keçmiş, ordudan tərxis olunduqdan sonra yenidən pedaqoji fəaliyyətə qayıdaraq 1973-cü ildən 1982-ci ilədək Yardımlı qəsəbə 2 saylı orta məktəbində müəllim işləmişdir. 1982-ci ilin iyun ayından 1990-cı ilin oktyabr ayınadək Yardımlı Qəsəbə Xalq Deputatları Soveti İcraiyyə Komitəsinin sədri işləmiş, 1990-cı ilin oktyabr ayından 1994-cü ilin aprel ayınadək Yardımlı Rayon XDS sədrinin müavini vəzifəsində çalışmışdır. Paralel olaraq 1991–1994-cü illərdə Bakı Dövlət Sosial İdarəetmə və Politologiya İnstitutunda ikinci ali təhsil almışdır.[2]
Yaşar Abdulov 1994-cü ilin may ayından 2001-ci ilin fevral ayınadək Yardımlı Rayon İcra Hakimiyyəti başçısının müavini, birinci müavini, 2001-ci ilin fevral ayından 2005-ci ilin may ayınadək isə Yardımlı Rayon İcra Hakimiyyətinin başçısı vəzifələrində işləmişdir.[2]
"Əməkdə fərqlənməyə görə" medalı və "Qabaqcıl maarif xadimi" döş nişanı ilə təltif edilmişdir.[1]
Yaşar Abdulov 30 noyabr 2012-ci ildə vəfat etmişdir.
İstinadlar[redaktə | mənbəni redaktə et]
- ↑ 1 2 Abdulov Yaşar Qaraxan oğlu // Azərbaycanda kim kimdir? (Ensiklopedik sorğu kitabı). Müəllif və tərtibçi: Tariyel Cahangir. Bakı: "Çıraq" nəşriyyatı. 2004. S. 135.
- ↑ 1 2 Əli Mirzəlioğlu. Yaşar Qaraxan oğlu Abdulov – 75 // djb.az. 1 iyul 2021. 2024-02-15 tarixində arxivləşdirilib. İstifadə tarixi: 2024-02-15.
Xarici keçidlər[redaktə | mənbəni redaktə et]
- Yardımlıda ictimai xadim Yaşar Abdulov haqda sənədli film. I hissə — YouTube
- Yardımlıda ictimai xadim Yaşar Abdulov haqda sənədli film. II hissə — YouTube
- Yardımlıda ictimai xadim Yaşar Abdulov haqda sənədli film. III hissə — YouTube
 Yardımlı rayonunun rəhbərləri | |||||||
|---|---|---|---|---|---|---|---|
| Azərbaycan SSR |
| ||||||
| Azərbaycan Respublikası |
| ||||||
Qeyd 2: Yardımlı rayonu 8 avqust 1930-cu ildə Vərgədüz rayonu adı ilə təşkil olunmuşdur. 19 iyul 1938-ci ildə Vərgədüz rayonunun adı Yardımlı rayonu olaraq dəyişdirilmişdir. Qeyd 2: Xalq Deputatları Soveti 1977-ci ilədək Zəhmətkeş Deputatları Soveti adlanmışdır. | |||||||
- 1 iyulda doğulanlar
- 1946-cı ildə doğulanlar
- Yardımlıda doğulanlar
- 30 noyabrda vəfat edənlər
- 2012-ci ildə vəfat edənlər
- 66 yaşında vəfat edənlər
- Azərbaycan Dövlət Pedaqoji Universitetinin məzunları
- Azərbaycan Respublikasının Prezidenti yanında Dövlət İdarəçilik Akademiyasının məzunları
- "Əməkdə fərqlənməyə görə" medalı ilə təltif edilənlər
- Azərbaycan SSR qabaqcıl maarif xadimləri
- Əlifba sırasına görə vəzifəli şəxslər
- Yardımlı Rayon İcra Hakimiyyətinin başçıları
- Məktəb müəllimləri