Gülxar Həsənova
Gülxar Həsənova | |
---|---|
Ümumi məlumatlar | |
Doğum tarixi | 10 dekabr 1918 |
Doğum yeri | |
Vəfat tarixi | 30 mart 2005 (86 yaşında) |
Vəfat yeri | |
Dəfn yeri | |
Vətəndaşlığı | |
Həyat yoldaşı | |
Uşağı | |
Musiqiçi məlumatları | |
Fəaliyyəti | opera müğənnisi, aktrisa, müğənni |
Mükafatları |
|
Gülxar İbrahim qızı Həsənova (10 dekabr 1918, Bayramlı, Gəncə quberniyası – 30 mart 2005, Bakı) — Azərbaycanın görkəmli opera müğənnisi (soprano), Azərbaycan SSR xalq artisti (1982).
Həyatı
Gülxar Həsənova 10 dekabr 1918-ci ildə Şəmkir rayonunun Bayramlı kəndində anadan olmuşdur.
Bakı Teatr Texnikumunda oxumuş (1935-1937), ADU-nu bitirmişdir (1959).
G.Həsənova səhnə fəaliyyətinə Azərbaycan Gənc Tamaşaçılar Teatrında başlamışdır (1936-1942). O, Üzeyir Hacıbəyovun məsləhəti və köməkliyi ilə 1942-ci ildə Azərbaycan Dövlət Opera və Balet teatrına işə qəbul olunmuşdur. Melodik səsə malik istedadlı aktrisanın sonrakı taleyi Azərbaycan Dövlət Opera və Balet Teatrının səhnəsi ilə bağlı olmuşdur. O, burada parlaq, koloritli qadın obrazları yaratmışdır. 1980-cı ildən teatrın məşqçi pedaqoqu olmuşdur.
Onun ifasında Əsli, Xanəndə qız ("Əsli və Kərəm", "Koroğlu", Ü.Hacıbəyov), Şahsənəm ("Aşıq Qərib" Z.Hacıbəyov), Təravət xanım ("Bahadır və Sona", S.Ələsgərov), Anna ("Gəlin qayası", Ş.Axundova) və digər partiyalar böyük professionallığı, özünəməxsusluğu ilə seçilir. Onun yaradıcılığının zirvəsi Müslüm Maqomayevin "Şah İsmayıl" operasında yaratdığı güclü, cəsarətli Ərəbzəngi və Ü.Hacıbəyovun "Leyli və Məcnun" operasında Leyli, Leylinin anası partiyalarıdır. Səhnə fəaliyyətini bitirən G.Həsənova milli muğam operasında gənc xanəndələrə ifaçılıq sənətinin sirlərini öyrədirdi. G.Həsənova Azərbaycan Respublikasının "Şöhrət ordeni" ilə təltif edilmişdir.
Gülxar Həsənova 2005-ci ildə vəfat etmişdir.
Ailəsi
- Aktyor Ağadadaş Qurbanovun həyat yoldaşıdır.
- Aktyor Hamlet Qurbanovun anasıdır.
- Aktrisa Gülşən Qurbanovanın ögey anasıdır
Filmoqrafiya
- Böyük ömrün anları (film, 2006)
- Gecə qatarında qətl (film, 1990)
- Xoşbəxtlik qayğıları (film, 1976)
- Məkanın melodiyası (film, 2004)
- Min birinci söz (film, 1997)
- Son tamaşa (film, 1989)
- Yollar görüşəndə... (film, 1979)
- Zirzəmi (film, 1990)
Xatirəsi
15 avqust 2018-ci ildə Azərbaycan Respublikasının Prezidenti Gülxar Həsənovanın 100 illik yubileyinin qeyd edilməsi haqqında sərəncam imzalamışdır[1]. 2018-ci ilin dekabrında Şəmkirdə Gülxar Həsənovanın 100 illik yubileyi qeyd edilmişdir.[2]
Mənbə
İstinadlar
- ↑ president.az. ""Gülxar Həsənovanın 100 illik yubileyinin qeyd edilməsi haqqında" [[Azərbaycan Respublikası Prezidenti]]nin [[15 avqust]] [[2018-ci il]] tarixli, 412 nömrəli [[Sərəncam]]ı" (az.). e-qanun.az. 15.08.2018. İstifadə tarixi: 2018-09-30.
- ↑ ARB Kəpəz. "Şəmkirdə küçələrdən birinə xalq artisti Gülxar Həsənovanın adı veriləcək" (az.). Youtube.com. 08.12.2018. İstifadə tarixi: 2018-12-08.
Həmçinin bax
- 10 dekabrda doğulanlar
- 1918-ci ildə doğulanlar
- Yelizavetpol qəzasında doğulanlar
- 30 martda vəfat edənlər
- 2005-ci ildə vəfat edənlər
- 86 yaşında vəfat edənlər
- Bakıda vəfat edənlər
- II Fəxri Xiyabanda dəfn olunanlar
- "Şərəf nişanı" ordeni ilə təltif edilənlər
- "Şöhrət" ordeni ilə təltif edilənlər
- Azərbaycan SSR xalq artistləri
- Azərbaycan SSR əməkdar artistləri
- Əlifba sırasına görə musiqiçilər
- Aktyor qaralamaları
- Azərbaycan aktrisaları
- Azərbaycan müğənniləri
- Opera müğənniləri