Gülşən Qurbanova

Vikipediya, azad ensiklopediya
Jump to navigation Jump to search
Gülşən Qurbanova
Gülşən Qurbanova.JPG
Doğum tarixi 19 dekabr 1950(1950-12-19)
Doğum yeri
Vəfat tarixi 17 noyabr 2006 (55 yaşında)
Vəfat yeri
Vəfat səbəbi İnfakt
Dəfn yeri
Vətəndaşlığı SSRİ SSRİ
Azərbaycan Azərbaycan
Peşəsi Aktrisa
Təhsili
Mükafatları "Azərbaycan Respublikasının xalq artisti" fəxri adı — 1998 "Azərbaycan SSR əməkdar artisti" fəxri adı — 1989

Gülşən Ağadadaş qızı Qurbanova (19 dekabr 1950, Bakı17 noyabr 2006, Bakı) — Azərbaycan aktrisası, Azərbaycan Respublikasının xalq artisti (1998).

Həyatı[redaktə | əsas redaktə]

Gülşən Qurbanova 19 dekabr 1950-ci ildə Bakıda anadan olmuşdur.[1] Ə.Hüseynzadə adına Azərbaycan Mədəniyyət və İncəsənət İnstitutunu bitirmişdir (1974). 16 fevral 1979-cu ildən – 17 noyabr 2006-cı ilə qədər Azərbaycan Dövlət Gənc Tamaşaçılar Teatrında fəaliyyət göstərmişdir.

Rolları: Mərcan ("Mənim nəğməkar bibim", Ə.Əylisli), Eyzəngül ("Şirinbala bal yığır", S.Qədirzadə), Çiçək ("Ana laylası", İ.Coşqun), Nabat ("Tamahkar", S.S.Axundov), Şahnaz ("Şəhərli oğlan", Q.Rəsulov), Almagül ("Fudzi dağında qonaqlıq", Ç.Aytmatov), Gülarə ("Məhəbbət novellası", Ş.Xurşud və Ə.Hacıyev), Nera ("Zəncirlənmiş Prometey", C.Məmmədov), Gülnaz ("Pul dəlisi", Ə.Orucoğlu), ana ("Bala bəla sözündəndir", Ə.Əmirli) və s. Kinoda, televiziya tamaşalarında çıxış etmişdir.[2]

Teatrdan ayrılandan sonra Gülşən Qurbanova telekanallara dəvət almış və uzun müddət AzTV-nin “Gəlin birlikdə gülək” adlı layihəsində çıxış etmişdir. Bu verilişdə onun tərəf müqabilləri xalq artisti Yasin Qarayev və əməkdar artist Azər Mirzəyev olurlar. AzTV-dəki layihə bitəndən çox sonralar aktrisa ANS-lə uzun müddət əməkdaşlıq elədi. “Qaynar qazan” verilişinin aparıcısı kimi aktrisa və veriliş tamaşaçılar tərəfindən sevildi. Amma Gülşən xanım bu telekanaldan incik ayrıldı, “Lider” telekanalına üz tutdu və “Mikser” verilişini apardı.

Azərbaycanın xalq artisti Gülşən Ağadadaş qızı Qurbanova 17 noyabr 2006-cı ildə televiziya proqramlarının birindən evə gələrkən üçüncü dəfə qəfildən infarkt keçirmiş, 56 yaşında Bakı şəhərində vəfat etmişdir. Köhnə Yasamal qəbiristanlığında torpağa tapşırılıb.

Filmoqrafiya[redaktə | əsas redaktə]

  1. Ad günü (film, 1977)(tammetrajlı bədii film) - rol: Şeyda
  2. Adam ol! 2 (film, 2006)(tammetrajlı bədii film) - özü
  3. Anlamaq istəyirəm (film, 1980)(ikiseriyalı bədii film) - rol: Rəfiqə
  4. Arvadım Mənim, Uşaqlarım Mənim (1978)
  5. Bağdada putyovka var... (film, 2000)
  6. Balıq günü (film, 1983)
  7. Bayquş gələndə... (film, 1978)
  8. Bir axşam... (film, 1985)
  9. Bir dəfə Qafqazda (film, 2007)
  10. Cin mikrorayonda (film, 1985)
  11. Evləri köndələn yar (film, 1982)
  12. Günlərin bir günü... (film, 1981)
  13. İntizam (film, 1983)
  14. İşgüzar adamlar (film, 1977)
  15. Qoca palıdın nağılı (film, 1984)
  16. Mən mahnı qoşuram (film, 1979)
  17. Mənim günahım (film, 1985)
  18. Ordan-burdan (film, 1987)
  19. Ötən ilin son gecəsi (film, 1983)
  20. Pərilərə inanmayın (film, 1979)
  21. Yol əhvalatı (film, 1980)

İstinadlar[redaktə | əsas redaktə]

  1. Gülşən Qurbanovanın doğum günüdür: [Xalq artisti haqqında] //Mövqe.- 2015.- 21 dekabr.- S.7.
  2. Gülşən Qurbanova həyatı

Mənbə[redaktə | əsas redaktə]

  • "Kinoaktyor studiyasının fəaliyyəti (1966-1974)". Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 169.