Ağadadaş Qurbanov

Vikipediya, açıq ensiklopediya
Jump to navigation Jump to search
Picto infobox masks.png
Ağadadaş Qurbanov
Fotoqrafiya
Doğum tarixi
8 mart 1911(1911-03-08)
Doğum yeri Bakı, Bakı quberniyası, Rusiya İmperiyası
Vəfat tarixi 25 iyun 1965 (54 yaşında)
Vəfat yeri Salyan, Azərbaycan SSR
Dəfn yeri I Fəxri Xiyaban
Milliyyəti Azərbaycanlı
Vətəndaşlığı Flag of Russia.svg Rusiya İmperiyası
Flag of Azerbaijan 1918.svg AXC
Flag of the Soviet Union.svg SSRİ
Həyat yoldaşı Gülxar Həsənova
Uşaqları Hamlet Qurbanov
Firəngiz Qurbanova
Gülşən Qurbanova
PeşəsiAktyor
Fəaliyyət illəri1927–1965
AmpluaDram
TeatrAzərbaycan Dövlət Gənc Tamaşaçılar Teatrı
(1927–1952);
Azərbaycan Dövlət Akademik Milli Dram Teatrı (1952–1965)
Mükafatları"Azərbaycan SSR xalq artisti" fəxri adı — 1954
IMDb:ID 3482181

Ağadadaş Gülməmməd oğlu Qurbanov (8 mart 1911 – 25 iyun 1965) — Azərbaycan teatr və kino aktyoru, Azərbaycan Dövlət Gənc Tamaşaçılar Teatrının banilərindən biri, həm faciə, həm dram, həm də komediya janrlı tamaşaların ifaçısı.

Həyatı[redaktə | əsas redaktə]

Ağadadaş Qurbanov 8 mart 1911-ci ildə Bakıda doğulub. 1927-ci il 15 martda "Dənizçilər klubu"nda Lətif Kərimlinin "Fırtına" pyesinin tamaşası oynanılmışdı. Bu tamaşanı, başda Ağadadaş Qurbanov olmaqla, talelərini teatra bağlayan məktəblilər hazırlamışdılar. Bununla da Bakıda Fəhlə Uşaqlar Teatrının (sonralar Gənc Tamaşaçılar Teatrı adlandırıldı) bünövrəsi qoyulmuşdu. Ağadadaş Qurbanov həmin vaxtdan 1952-ci ilədək bu teatrda işləmişdi. Aktyor Gənc Tamaşaçılar Teatrında böyüklər üçün nəzərdə tutulan Cəfər Cabbarlının "Aydın" (Aydın), Mirzə Fətəli Axundzadənin "Molla İbrahimxəlil kimyagər" (Molla İbrahimxəlil), Nəcəf bəy Vəzirovun "Hacı Qəmbər" (Hacı Qəmbər), Fridrix Şillerin "Qaçaqlar" (Karl Moor), Nikolay Qoqolun "Müfəttiş" (Xlestakov), Rabindranat Taqorun "Qaneşin yolu" hekayəsi əsasında "Əfilər" (Qaneş) pyeslərinin tamaşalarında iştirak etmişdi. Ağadadaş Qurbanov 1952-ci ildən ömrünün sonunadək Milli Dram Teatrında işləmişdi. O, bu teatrda Mirzə Səməndər, Əbu Übeyd, Ötgün ("Almaz", "Od gəlini" və "Dönüş", Cəfər Cabbarlı), Şeyx Mərvan və Şeyx Sənan, Səyavuş ("Şeyx Sənan" və "Səyavuş", Hüseyn Cavid), Kamillo ("Qış nağılı", Vilyam Şekspir), İbrahim xan və Vaqif ("Vaqif", Səməd Vurğun), Şults ("Uzaq sahillərdə", İmran QasımovHəsən Seyidbəyli), İvanov ("Göz həkimi", İslam Səfərli), Dəmirçi Musa ("Toy", Sabit Rəhman), Yəhudi ("Mariya Tüdor", Viktor Hüqo), Kamal ("Məhəbbətin hökmü", Cabbar Məcnunbəyov), Hacı Qara ("Hacı Qara", Mirzə Fətəli Axundzadə), Tağı Hüseyn ("Köç", Cavad Fəhmi Başqut), Allan ("Ailə namusu", Hüseyn Muxtarov), Gülcamal ("Yaxşı adam", Mirzə İbrahimov), Professor Mudrov ("Şirvan gözəli", Ənvər Məmmədxanlı), Akif ("Həyat", Mirzə İbrahimov), Əşrəf bəy ("Hacı Qəmbər", Nəcəf bəy Vəzirov) kimi parlaq və yaddaqalan rollarda çıxış etmişdi. "Səbuhi", "Koroğlu", "Bir qalanın sirri", "Kölgələr sürünür" filmlərinə çəkilmişdi. "Arşın mal alan" filmində Soltan bəy roluna çəkilən aktyor kinolentinin tamamlandığı ərəfədə Salyanda qastrolda idi. Mehmanxananın eyvanına çıxanda qəfildən eyvan uçub və sənətkar 25 iyun 1965-ci ildə faciəli şəkildə həlak olmuşdu. Bakıda Fəxri xiyabanda dəfn olunmuşdu.

17 iyun 1943-cü ildə Azərbaycan SSR-in əməkdar, 27 fevral 1954-cü ildə xalq artisti fəxri adlarına layiq görülüb.

Müğənni Gülxar Həsənovanın həyat yoldaşı, aktyor Hamlet Qurbanovun və aktrisa Gülşən Qurbanovanın atasıdır.

Filmoqrafiya[redaktə | əsas redaktə]

  1. Səbuhi (film, 1941)
  2. Şamdan bəy (film, 1956)
  3. Qızmar günəş altında (film, 1957)
  4. Bir qalanın sirri (film, 1959)
  5. Koroğlu (film, 1960)
  6. Bizim küçə (film, 1961)
  7. Telefonçu qız (film, 1962)
  8. Zəncirlənmiş adam (film, 1964)
  9. Arşın mal alan (film, 1965)
  10. Yun şal (film, 1965)

İstinadlar[redaktə | əsas redaktə]