Hamlet Qurbanov

Hamlet Qurbanov
Hamlet Ağadadaş oğlu Qurbanov
Doğum tarixi	13 oktyabr 1938(1938-10-13)
Doğum yeri	Bakı, Azərbaycan SSR, SSRİ
Vəfat tarixi	16 noyabr 1995(1995-11-16) (57 yaşında)
Vəfat yeri	Bakı, Azərbaycan
Vəfat səbəbi	xərçəng xəstəliyi
Dəfn yeri	Yasamal qəbiristanlığı
Milliyyəti	azərbaycanlı
Vətəndaşlığı	SSRİ→ Azərbaycan
Atası	Ağadadaş Qurbanov
Anası	Gülxar Həsənova
Fəaliyyəti	aktyor
Fəaliyyət illəri	1957–1992
Təhsili	ADMİU
Mükafatları
IMDb	ID 0475618

Hamlet Ağadadaş oğlu Qurbanov (13 oktyabr 1938, Bakı – 16 noyabr 1995, Bakı) — Azərbaycan-sovet kino və teatr aktyoru, Azərbaycan SSR əməkdar artisti (1982).

Həyatı

Hamlet Qurbanov 13 oktyabr 1938-ci ildə teatr və kino aktyoru Ağadadaş Qurbanovun və Opera müğənnisi Gülxar Həsənovanın ailəsində anadan olmuşdur. H.Qurbanov 1961-ci ildə Azərbaycan Dövlət İncəsənət İnstitututunu (indiki Mədəniyyət və İncəsənət Universiteti) böyük rejissor Mehdi Məmmədov kursunu bitirmişdir. O,1957-1992-ci illərdə Azərbaycan Milli Dram Teatrında yaddaqalan obrazlar yaratmışdır. C.Məmmədquluzadənin "Dəli yığıncağı" pyesində (1978) doktor Lalbyüz rolunda müvəffəqiyyətlə çıxış etmişdir. Hamlet Qurbanov Azərbaycan televiziyasının hazırladığı bir sıra tamaşalara və "Azərbaycanfilm"in istehsal etdiyi filmlərə çəkilmişdir. Hamlet Qurbanov 16 noyabr 1995-ci ildə xərçəng xəstəliyindən vəfat etmişdir.

Ailəsi

Hamlet Qurbanov aktyor Ağadadaş Qurbanovun və opera müğənnisi Gülxar Həsənovanın oğludur.

Aktrisa Gülşən Qurbanovanın və rejissor və kino rəssamı Firəngiz Qurbanovanın ögey qardaşıdır (ata bir, ana ayrı).

Xatirəsi

2013-cü ildə 75 illik yubleyi münasibətilə İTV-də "Xatırlananlar" adlı xatirə verilişi hazırlanmışdır.

Teatr səhnəsində yaratdığı obrazlar

Akademik Milli Dram Teatrının səhnəsində

• Doktor ("Şöhrət və ya unudulan adam")
• Səlim bəy ("Qaçaq Nəbi")
• Şəkərlinski ("Kəndçi qızı")
• Doktor Lalbyuz ("Dəli yığıncağı")
• Udriya ("Adsız ulduz")
• Şamxal ("Şəhərin yay günləri")
• Əliqulu ("Əliqulu evlənir")
• Karenin ("Canlı meyit")
• Hacib ("Xəyyam")
• Ferdinand ("Fırtına")
• Əsgər, İbrahim xan ("Vaqif")
• Ağahüseyn ("Büllur sarayda")
• Şükür bəy ("Kimdir haqlı")
• Müəllim ("Nazirin xanımı")
• Cəmil ("Unuda bilmirəm") və s...

Filmoqrafiya

• Axırıncı maqın sonu (film, 1974)
• Anlamaq istəyirəm (film, 1980)
• Atayevlər ailəsi (film, 1978)
• Aygün (film, 1960)
• Babamızın babasının babası (film, 1981)
• Bağ mövsümü (film, 1985)
• Bir ailəlik bağ evi (film, 1978)
• Cazibə qüvvəsi (film, 1964)(film, kinoalmanax)
• Cin mikrorayonda (film, 1985)
• Dədə Qorqud (film, 1975)
• Evləri köndələn yar (film, 1982)
• Fənd (film, 1978)
• Gözbağlıcı (film, 1986)
• Günahsız Abdulla (film, 1984)
• Qapalı orbit (film, 1984)
• Xatırlananlar. Hamlet Qurbanov (film, 2013)
• Mehmanxana sahibəsi (film, 1978)
• Mənim günahım (film, 1985)
• Min birinci söz (film, 1997)
• Müqəddəs oda yanaram (film, 1991)
• Nakəs (film, 1991)
• O dünyadan salam (film, 1991)
• Olumla ölüm arasındakı ömür. Hamlet Qurbanov (film, 2015)
• Ömrün yolları (film, 1982)
• Ötən ilin son gecəsi (film, 1978)
• Sevil (film, 1970)
• Sübut (film, 1982)
• Tənha kralın nağılı. Hamlet Qurbanov (film, 2011)
• Təşəkkür (film, 1978)
• Topal Teymur (film, 1983)
• Ürək... Ürək... (film, 1976)
• Yaramaz (film, 1988)
• Yollar görüşəndə... (film, 1979)

Mənbə

• Cəlil Məmmədquluzadə Ensiklopediyası.Bakı.2008,səh.159

Xarici keçidlər

• İzlə