Elbay Qasımzadə
Elbay Qasımzadə | |
---|---|
| |
Şəxsi məlumatlar | |
Doğum tarixi | 26 dekabr 1948 |
Doğum yeri | Bakı, Azərbaycan SSR, SSRİ |
Vətəndaşlığı |
SSRİ→ Azərbaycan |
Təhsili | |
Atası | Ənvər Qasımzadə |
İşləri və nailiyyətləri | |
İşlədiyi şəhərlər | Bakı |
Əsas tikililəri | Azadlıq prospekti metrostansiyası |
Şəhərsalma layihələri | 150-dən artıq |
Elmi işləri |
80-dən artıq məqalə 8 kitab |
Üzvlüyü | |
Mükafatları |
|
Vikianbarda əlaqəli mediafayllar |
Elbay Ənvər oğlu Qasımzadə (d. 26 dekabr 1948, Bakı, Azərbaycan SSR, SSRİ) — azərbaycanlı memar, Azərbaycan SSR əməkdar memarı (1990), Bakı şəhərinin baş memarı (1989–2001) "Şöhrət" (2000) və "Şərəf" (2018) ordenləri laureatı, Azərbaycan Memarlar İttifaqının sədri (6 noyabr 2012–ci ildən).
Həyatı
Elbay Qasımzadə 26 dekabr 1948-ci ildə Bakı şəhərində anadan olmuşdur. Ənvər Qasımzadənin oğludur. 1971-ci ildə Azərbaycan Politexnik İnstitutunun memarlıq fakültəsini bitirib.[2]
1971-1975-ci illərdə landşaft memarlığı problemləri üzərində çalışmış, təbii landşaft, Bakı şəhərinin müxtəlif rayonlarında ucaldılan tikililərin harmonizasiyası və s. bu kimi məsələlərlə dərindən məşğul olmuşdur. 1976-cı ildə Azərbaycan Elmlər Akademiyasının Memarlıq və İncəsənət İnstitutunun aspiranturasında şəhərsalma problemləri ilə məşğul olmuşdur.[3]
1975–1989-cu illərdə Respublika Kənd ərazilərində İnşaatın layihələndirilməsi İnstitutunda işləmiş, bir sıra kiçik yaşayış məntəqələrinin baş planlarının müəllifi olmuşdur. Həmin dövrdə "Saman memarlığı" adlı Beynəlxalq proqramın problemləri ilə də sıx məşğul olmuşdur, bu sahədə həyata keçirilən müxtəlif layihələrin müəllifidir.[3]
1989–2001-ci illərdə illərdə Bakı şəhərinin baş memarı, Bakı Şəhər İcra Hakimiyyətinin Memarlıq və Şəhərsalma üzrə Baş İdarəsinin rəisi vəzifələrində çalışıb.[2]
Elbay Qasımzadə Azərbaycan Memarlıq və İnşaat Universitetinin memarlıq fakültəsinin[2] professorudur.[3] Azadlıq prospekti metrostansiyasının memarıdır.[2]
1998-ci ildə "El&En" memarlıq şirkətini təsis etmiş və hal-hazırda da ona başçılıq edir.[3]
150-dən artıq layihənin,[2] 80-dən artıq məqalənin və 8 kitabın müəllifidir.[3]
Elbay Qasımzadə Şərq ölkələri Beynəlxalq Memarlıq Akademiyasının həqiqi üzvü və vitse-prezidenti, Beynəlxalq Memarlıq Akademiyasının (UNESKO) və Beynəlxalq Memarlar İttifaqının (UİA) professorudur. MDB ölkələrinin Memarlar İttifaqları Assosiasiyası tərəfindən keçirilən "İlin ən yaxşı layihəsi (tikilisi)" beynəlxalq baxış-müsabiqələrdə dəfələrlə iştirak etmiş və 34 diplomla təltif edilmişdir. MDB ölkələrinin paytaxtlarının baş memarları Şurasının ilkin sədri seçilmişdir. Çikaqo, Barselona, Lozanna, Pekin, Turin və Tokio şəhərlərində keçirilən Ümumdünya konqreslərin iştirakçısıdır.[3]
Mükafatları
- "Azərbaycan SSR əməkdar memarı" — 1990[3]
- "Şöhrət" ordeni — 19 aprel 2000[4]
- "Şərəf" ordeni — 25 dekabr 2018[5]
- "Humay" Milli mükafatı — 3 dəfə[3]
- "Uğur" Milli mükafatı — 2 dəfə[3]
Həmçinin bax
İstinadlar
- ↑ İlham Əliyev və birinci xanım Mehriban Əliyeva mədəniyyət və incəsənət xadimlərinin bir qrupu ilə görüşüblər. president.az, 01.03.2019 (az.)
- ↑ 1 2 3 4 5 ""AZADLIQ PROSPEKTİ" - PLATFORMASI SÜTUNSUZ OLAN İLK METRO STANSİYASIDIR. STANSİYANIN MEMARI ELBƏY QASIMZADƏDİR". "Media forum" (az.). mediaforum.az. 2009-09-17 - 14:35:00. İstifadə tarixi: 2014-10-04.
- ↑ 1 2 3 4 5 6 7 8 9 "Azərbaycan Memarlar İttifaqı: Haqqımızda: Struktur: Elbay Ənvər oğlu Qasımzadə". Azərbaycan Memarlar İttifaqının saytı (az.). uaa.az. 2014. İstifadə tarixi: 2014-10-04.
- ↑ "Azərbaycan memarlarının "Şöhrət" ordeni ilə təltif edilməsi haqqında Azərbaycan Respublikası Prezidentinin Fərmanı" (az.). e-qanun.az. İstifadə tarixi: 17 noyabr 2018.
- ↑ "E.Ə.Qasımzadənin "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı" (az.). president.az. İstifadə tarixi: 25 dekabr 2018.
Xarici keçidlər
- Azərbaycan Memarlıq və İnşaat Universitetinin məzunları
- Azərbaycan Memarlar İttifaqının üzvləri
- Azərbaycan SSR əməkdar arxitektorları
- "Şöhrət" ordeni ilə təltif edilənlər
- "Şərəf" ordeni ilə təltif edilənlər
- Əlifba sırasına görə memarlar
- Azərbaycanlı memarlar
- Azərbaycan memarları
- Bakıda doğulanlar
- Azərbaycan Memarlıq və İnşaat Universitetinin professorları
- Azərbaycan SSR əməkdar memarları
- Humay mükafatı laureatları