Arif Mansurov
Arif Mansurov | |
---|---|
Doğum tarixi | 1939 |
Doğum yeri | |
Vəfat tarixi | 2002 |
Vəfat yeri | |
arifmansurov.org |
Arif Mansurov (tam adı: Arif Ənvər oğlu Mansurov) — Azərbaycanlı ictimai-siyasi xadim, yazıçı; SSRİ Jurnalistlər və Yazıçılar İttifaqlarının üzvü.
Bakıda, Mərdəkan qəsəbəsində xeyriyyəçi Hacı Zeynalabdin Tağıyevə, Səbail rayonunda qəzəlxan Əliağa Vahidə qoyulan abidələr Arif Mənsurovun adı ilə bağlıdır.[1][2]
Moskvada çıxan "Nedelya" qəzetində vaxtaşırı ekoloji problemlərlə bağlı məqalələri, esseləri çap olunub.[1]
A. Mansurov həmçinin ictimai-siyasi fəaliyyətlə də məşğul olub. Belə ki, o 1989-cu ildə Azərbaycanda Yaşıllar Hərəkatı kimi fəaliyyətə başlamış və 1993-cü ildə siyasi partiyaya çevrilmiş Yaşıllar Partiyasının sədri olub.[3]
Azərbaycan Respublikasının Dövlət Ekologiya və Təbiətdən İstifadəyə Nəzarət Komitəsinin sədri olub.[4]
2002-ci ildə qəfildən, 61 yaşında dünyasını dəyişib.[1]
A. Mansurov indi Vaşinqtonda yaşayan, XX əsrin sonlarında Azərbaycanda onlarca hekayə, povestlər və roman çap etdirmiş, ədəbi aləmdə - xüsusən rusdilli oxucular arasında kifayət qədər tanınmış yazıçı Cəmilə Mənsurova (M.Fira) ilə ailəli idi.[1]
Həyat yoldaşı C. Mənsurova A. Mansurovun yazılarının bir qismini 2010-cu ildə çap etdirdiyi "Çetki staroqo Mirzı" (azərb. Qoca Mirzənin təsbehi) kitabına daxil edib.[1]
Həyatı
1989-cu ildə Azərbaycanda Yaşıllar Hərəkatı fəaliyyətə başlayıb, 1993-cü ildə siyasi partiyaya çevrilib və sədri Arif Mansurov olub. O, vəfat etdikdən sonra 2002-ci ildən həmin partiyaya Elmar Qafarov və mərhum sədrin həyat yoldaşı Cəmilə Mansurova rəhbərlik ediblər.[5]
Mükafatları
1995-ci ildə yarım milyon tirajla çap olunan "Avr-Asiya" qəzetinin sorğusuna əsasən, Arif Ənvər oğlu Mənsurov Azərbaycanda ilin adamı seçilib.[1]
Əsərləri
- 1990: Белые Пятна Истории и Перестройка (azərb. Tarixin ağ ləkələri və Yenidənqurma)
- 1994: Гены гиен (azərb. Goreşən xisləti)
Kitabları
- Мансуров А. Белые пятна истории и перестройка. Б.: Язычы, 1990.— 224 с. ISBN 5—560—00784—6
- Mansurov Arif. Blank Spaces of History and Perestroika. Baku. Sharg-Garb. 1991. ISBN 5-565-00008-4
- Мансуров А.Э. «Гены гиен». Б.«Шарг-Гарб», 1994, М23, стр. 56. ISBN 5-565-00118-8
- Arif Mansourov. "Genes of Hyenas". B. Sharg-Garb, 1994, 80 p. ISBN 5-565-00135-8
- Arif Mansurov, "Goreşən xisləti": /; tərc. C.Xəlilov; red. R.Nağıyev.- Tamamlanmış ikinci nəşr.- Bakı: Şərq-Qərb, 1994.- 72 s., portr.: ill., fotoşək.; 20 sm.- 25000 nüs.- ISBN 5-5650-0121-8.
Mənbə
İstinadlar
- ↑ 1 2 3 4 5 6 Qələbə gününün qarı
- ↑ Рустам Гасымов. "Бакинская городская скульптура: История создания памятника Газельхану - ФОТО" ( (rus.)). yenicag.ru. 2018-08-29. 2020-03-21 tarixində arxivləşdirilib. İstifadə tarixi: 2020-03-21.
- ↑ "Sabah alternativ Yaşıllar Partiyasının təsis qurultayı keçiriləcək" ( (az.)). trend.az. 2006-12-15. 2020-03-18 tarixində arxivləşdirilib. İstifadə tarixi: 2020-03-21.
- ↑ Heydər Əliyev. "Azərbaycan Respublikası Prezidentinin bəzi sərəncamlarına dəyişikliklər edilməsi barədə" ( (az.)). e-qanun.az. 2003-09-27. 2020-01-16 tarixində arxivləşdirilib. İstifadə tarixi: 2020-03-21.
- ↑ Aysel Aslan. "Azərbaycanda siyasi partiya buraxılıb - Eks-sədr: "Qurumun fəaliyyəti yoxdur"" ( (az.)). modern.az. 2019-09-03. 2019-12-03 tarixində arxivləşdirilib. İstifadə tarixi: 2020-03-21.
Həmçinin bax
- Mirzə Mansur Mansurovun nəvəsidir.
- Tarzən Ənvər Mansurovun oğludur.
- Aktyor Ənvər Mansurovun atasıdır.