Vahid Əhmədov

Vikipediya, azad ensiklopediya
Naviqasiyaya keç Axtarışa keç
Vahid Əhmədov
azərb. Vahid Qazməmməd oğlu Əhmədov‎
Fayl:Vahid Əhmədov.jpg
Şəxsi məlumatlar
Doğum adı Vahid Qazməmməd oğlu Əhmədov
Doğum tarixi 2 aprel 1947 (1947-04-02) (77 yaş)
Doğum yeri SSRİ, Azərbaycan SSR, Quba, Qonaqkənd
Partiya bitərəf
Təhsili 1965-1971: Azərbaycan Politexnik İnstitutu
1989-1992: Bonn Menecment İnstitutu
Fəaliyyəti siyasətçi
Atası Qazməmməd Əhmədov
Uşaqları 1 oğlu və 1 qızı var
Təltifləri "Şöhrət" ordeni
Vikianbarın loqosu Vikianbarda əlaqəli mediafayllar

Vahid Qazməmməd oğlu Əhmədov (2 aprel 1947, Qonaqkənd, Qonaqkənd rayonu) — Azərbaycanın ictimai-siyasi xadimi; Azərbaycan Ali Sovetinin deputatı (1990-1995); Azərbaycan Respublikası Milli Məclisinə 52 saylı Quba seçki dairəsindən seçilmiş III[1] və IV çağırış millət vəkili. Azərbaycan SSR-in əməkdar mühəndisi[2]; texnika elmləri doktoru.

Həyatı

Vahid Əhmədov 2 aprel 1947-ci ildə Quba rayonunun Qonaqkənd qəsəbəsində anadan olmuşdur.

Karyerası

Təhsili

1965-ci ildə Qonaqkənd orta məktəbini qızıl medalla bitirmişdir. 1965-1971-ci illərdə Azərbaycan Politexnik İnstitutunda təhsil almış, mühəndis-energetik ixtisasına yiyələnmişdir.

1989-1992-ci illərdə Almaniyada Bonn Menecment İnstitutunu bitirərək, menecment-iqtisadçı beynəlxalq diplomuna layiq görülmüşdür.

Əmək fəaliyyəti

1967-1971-ci illərdə Şmidt (indiki Səttərxan adına) maşınqayırma zavodunda fəhlə, sex ustası, sex rəisi vəzifələrində çalışmışdır.

1971-1972-ci illərdə Sovet ordusu sıralarında xidmət etmişdir. Hərbi xidmətini başa vurduqdan sonra, yenidən maşınqayırma zavoduna qayıdaraq orada 1972-1977-ci illərdə sex rəisi vəzifəsində işləmişdir. 1977-ci ildə Bakı Radio zavoduna keçərək orada sex rəisi, istehsalat şöbəsinin rəisi vəzifələrində əmək fəaliyyətini davam etdirmişdir.

1981-1983-cü illərdə Bakı Dəzgahqayırma İstehsalat Birliyində baş mühəndis vəzifəsində çalışmışdır.

1983-1986-cı illərdə "Bakı fəhləsi" adına maşınqayırma zavodunun, 1986-cı ildə Keşlə maşınqayırma zavodunun, 1989-cu ildə "Bakneftmaş" İstehsalat Birliyinin baş direktoru olmuşdur.

İctimai-siyasi fəaliyyəti

1980-ci illərin sonlarında Azərbaycan Kommunist Partiyası Nizami rayon təşkilatnın büro üzvü olmuşdur[3].

1991-ci ildə Azərbaycanın Müstəqillik Aktının hazıqlanmasında iştirak etmiş, Azərbaycanın müstəqilliyinin lehinə səs vermişdir. 1991-ci ildə SSRİ-nin saxlanmasının əleyhinə səs vermiş 43 istiqlalçı deputatdan biri olmuşdur.

Alma-Ata Memorandumunun və İcevan Protokolunun həyata keçirilməsini təmin etmək məqsədi ilə 10 sentyabr 1992-ci ildə yaradılmış Alma-Ata Memorandumunu və İcevan Protokolunu həyata keçirən Qərargahın üzvü olmuşdur[4].

Nazirlər Kabinetində

Azərbaycan Respublikası Prezidentinin 23 aprel 1992-ci il tarixli, 694 nömrəli Fərmanı ilə Azərbaycan Respublikası Baş nazirinin müavini təyin edilmişdir[5]. 16 may 1992-ci ildə həmin vəzifədən azad edilərək[6], Azərbaycan Respublikası Baş nazirinin birinci müavini təyin edilmişdir[7][8]. 18 may 1992-ci ildə həmin vəzifəyə yenidən təsdiqlənmişdir[9][10]. 29 aprel 1993-cü ildə də yenə həmin vəzifəyə təsdiqlənmişdir[11][12]. Azərbaycan Respublikası Prezidentinin 9 dekabr 1993-cü il tarixli, 56 nömrəli Fərmanı ilə Azərbaycan Respublikası Baş nazirinin birinci müavini vəzifəsindən azad edilmişdir[13]. Azərbaycan Respublikasının Milli Məclisi 6 yanvar 1994-cü il tarixində Vahid Əhmədovun Azərbaycan Respublikası Baş nazirinin birinci müavini vəzifəsindən azad olunmasına razılıq vermişdir[14].

Parlamentdə

1990-cı ildə Bakı şəhərinin Nizami rayonu 53 nömrəli "Gənclik" seçki dairəsindən Azərbaycan SSR Ali Sovetinə deputat, 2005 və 2010-cu illərdə 2 dəfə 52 saylı Quba seçki dairəsindən Azərbaycan Respublikası Milli Məclisinə millət vəkili seçilmişdir.

1990-1995

26 noyabr 1991-ci ildə təşkil edilən Azərbaycan Respublikası Ali Soveti Milli Şurasının tərkibinə daxil edilmişdir[15]. 30 iyun 1992-ci ildə Milli Məclisində təşkil olunmuş İqtisadi siyasət komissiyasına üzv təsdiq edilmişdir[16].

III çağırış

13 dekabr 2005-ci ildə Milli Məclisin İqtisadi siyasət daimi komissiyasının üzvü seçilmişdir[17]. Milli Məclisin komissiyaları komitələrə çevrildikdən sonra, 14 aprel 2009-cu ildə İqtisadi siyasət komitəsinin üzvü seçilmişdir[18].

13 dekabr 2005-ci ildən[19] Azərbaycan—Almaniya, Azərbaycan—Xorvatiya, Azərbaycan—Rusiya, Azərbaycan—Türkmənistan, 27 fevral 2007-ci ildən[20] Azərbaycan—Ukrayna parlamentlərarası əlaqələr üzrə işçi qruplarının tərkibində fəaliyyət göstərmişdir.

IV çağırış

7 dekabr 2010-cu ildə Milli Məclisin İqtisadi siyasət komitəsinin üzvü seçilmişdir[21].

Elmi fəaliyyəti

Vahid Əhmədov texnika doktorudur. 300-ə yaxın elmi məqalənin müəllifidir. Müəllifi olduğu 72 səhifəlik "Sahibkar-menecment" kitabı 2000-ci ildə Bakıdakı "Qanun" nəşriyyatında Azərbaycan dilində nəşr olunmuşdur[22].

Ailəsi

Ailədə 9 uşaq olublar[3].

33 yaşında ailə həyatı qurmuşdur. İki övladı - 1 oğlu və 1 qızı var. Övladlarının hər ikisi hüquqşünasdır[3].

Mükafatları və fəxri adları

  • SSRİ 1965-ci ildə Qonaqkənd orta məktəbini qızıl medalla bitirmişdir.
  • Azərbaycan SSR Prezidentinin 29 yanvar 1991-ci il tarixli, 150 nömrəli Fərmanı ilə ona "Azərbaycan SSR əməkdar mühəndisi" fəxri adı verilmişdir[2].
  • Azərbaycan Azərbaycan Ali Sovetinin Fəxri Fərmanı ilə təltif olunmuşdur.
  • Azərbaycan Azərbaycan Respublikasının Şöhrət ordeni[23]

Haqqında

İmaməddin Zəkiyev onun barəsində 2001-ci ildə "Qonaqkənddən başlanan yol" adlı sənədli povest yazmışdır[24].

İstinadlar

  1. ↑ Üçüncü çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR. meclis.gov.az  (az.)
  2. ↑ 1 2 "Sənaye işçilərinə Azərbaycan SSR fəxri adlarının verilməsi haqqında" Azərbaycan Sovet Sosialist Respublikası Prezidentinin 29 yanvar 1991-ci il tarixli, 150 nömrəli Fərmanı. e-qanun.az  (az.)
  3. ↑ 1 2 3 Vahid Əhmədov: “Mənə dedilər ki, ya ora getməlisən, ya da türməyə...” modern.az  (az.)
  4. ↑ "Alma-Ata Memorandumunu və İcevan Protokolunu həyata keçirən Qərargahın təsis edilməsi haqqında" Azərbaycan Respublikası Prezidentinin 10 sentyabr 1992-ci il tarixli, 119 nömrəli Sərəncamı. e-qanun.az  (az.)
  5. ↑ "V. Q. Əhmədovun Azərbaycan Respublikası Baş nazirinin müavini təyin edilməsi haqqında" Azərbaycan Respublikası Prezidentinin 23 aprel 1992-ci il tarixli, 694 nömrəli Fərmanı. e-qanun.az  (az.)
  6. ↑ "V. Q. Əhmədovun Azərbaycan Respublikası Baş nazirinin müavini vəzifəsindən azad edilməsi haqqında" Azərbaycan Respublikası Prezidentinin 16 may 1992-ci il tarixli, 738 nömrəli Fərmanı. e-qanun.az  (az.)
  7. ↑ "V. Q. Əhmədovun Azərbaycan Respublikası Baş nazirinin birinci müavini təyin edilməsi haqqında" Azərbaycan Respublikası Prezidentinin 16 may 1992-ci il tarixli, 737 nömrəli Fərmanı. e-qanun.az  (az.)
  8. ↑ "V. Q. Əhmədovun Azərbaycan Respublikası Baş nazirinin birinci müavini təyinolunması haqqında Azərbaycan Respublikası Prezidentinin Fərmanının təsdiq olunması barədə" Azərbaycan Respublikası Ali Soveti Milli Şurasının 16 may 1992-ci il tarixli, 123 nömrəli Qərarı. e-qanun.az  (az.)
  9. ↑ "V.Q. Əhmədovun Azərbaycan Respublikası Baş nazirinin birinci müavini təyin edilməsi haqqında" Azərbaycan Respublikası Prezidentinin 18 may 1992-ci il tarixli, 747 nömrəli Fərmanı. e-qanun.az  (az.)
  10. ↑ "Azərbaycan Respublikası Baş nazirinin birinci müavinlərinin və müavinlərinin təyin edilməsinə razılıq verilməsi haqqında" Azərbaycan Respublikası Ali Sovetinin 18 may 1992-ci il tarixli, 360—XII nömrəli Qərarı. e-qanun.az  (az.)
  11. ↑ "Azərbaycan Respublikası Baş nazirinin müavinlərinin təyin edilməsinə razılıq verilməsi haqqında" Azərbaycan Respublikası Milli Məclisinin 28 aprel 1993-cü il tarixli, 587 nömrəli Qərarı. e-qanun.az  (az.)
  12. ↑ "V.Q. Əhmədovun Azərbaycan Respublikası Baş nazirinin - birinci müavini təyin edilməsi haqqında" Azərbaycan Respublikası Prezidentinin 29 aprel 1993-cü il tarixli, 536 nömrəli Fərmanı. e-qanun.az  (az.)
  13. ↑ "V. Q. Əhmədovun Azərbaycan Respublikası Baş nazirinin birinci müavini vəzifəsindən azad edilməsi haqqında" Azərbaycan Respublikası Prezidentinin 9 dekabr 1993-cü il tarixli, 56 nömrəli Fərmanı. e-qanun.az  (az.)
  14. ↑ "V. Q. Əhmədovun Azərbaycan Respublikası Baş nazirinin birinci müavini vəzifəsindən azad olunmasına razılıq verilməsi haqqında" Azərbaycan Respublikası Milli Məclisinin 6 yanvar 1994-cü il tarixli, 774 nömrəli Qərarı. e-qanun.az  (az.)
  15. ↑ "Azərbaycan Respublikası Ali Soveti Milli Şurasının təşkil edilməsi haqqında" Azərbaycan Respublikası Ali Sovetinin 26 noyabr 1991-ci il tarixli, 276-XP nömrəli Qərarı. e-qanun.az  (az.)
  16. ↑ "Azərbaycan Respublikası Milli Məclisinin daimi komissiyaları haqqında" Azərbaycan Respublikası Milli Məclisinin 30 iyun 1992-ci il tarixli, 188 nömrəli Qərarı. e-qanun.az  (az.)
  17. ↑ "Azərbaycan Respublikası Milli Məclisinin İqtisadi siyasət daimi komissiyası üzvlərinin seçilməsi haqqında" Azərbaycan Respublikası Milli Məclisinin 13 dekabr 2005-ci il tarixli, 11-IIIQR nömrəli Qərarı. e-qanun.az  (az.)
  18. ↑ "Azərbaycan Respublikası Milli Məclisi komitələrinin tərkibi haqqında" Azərbaycan Respublikası Milli Məclisinin 14 aprel 2009-cu il tarixli, 787-IIIQR nömrəli Qərarı. e-qanun.az  (az.)
  19. ↑ "Azərbaycan Respublikası Milli Məclisinin parlamentlərarası əlaqələr üzrə işçi qruplarının yaradılması haqqında" Azərbaycan Respublikası Milli Məclisinin 13 dekabr 2005-ci il tarixli, 21-IIIQR nömrəli Qərarı. e-qanun.az  (az.)
  20. ↑ "Azərbaycan Respublikası Milli Məclisinin parlamentlərarası əlaqələr üzrə işçi qruplarının tərkibinə əlavələr edilməsi haqqında" Azərbaycan Respublikası Milli Məclisinin 27 fevral 2007-ci il tarixli, 249-IIIQR nömrəli Qərarı. e-qanun.az  (az.)
  21. ↑ "Azərbaycan Respublikası Milli Məclisinin İqtisadi siyasət komitəsi üzvlərinin seçilməsi haqqında" Azərbaycan Respublikası Milli Məclisinin 7 dekabr 2010-cu il tarixli, 11-IVQR nömrəli Qərarı. e-qanun.az  (az.)
  22. ↑ Azərbaycan Respublikası İqtisadi İnkişaf Nazirliyinin İqtisadi İslahatlar Elmi-Tədqiqat İnstitutunun Elmi-texniki kitabxanasındakı kitabların 2000-2003-cü illər üzrə siyahısı. Səh. 3. ier.az
  23. ↑ V.Q.Əhmədovun “Şöhrət” ordeni ilə təltif edilməsi haqqında Azərbaycan Respublikası Prezidentinin Sərəncamı
  24. ↑ Nizaməddin Şəmsizadə. Kitab mədəniyyətimizin fədakar tədqiqatçısı. "525-ci qəzet", 8 aprel 2010. 525.az  (az.)

Xarici keçidlər

Mənbə — "https://az.wikipedia.org/w/index.php?title=Vahid_Əhmədov&oldid=5107242"