Khan Academy
| Khan Academy | |
|---|---|
.svg){kind=logo} | |
 | |
| URL | Khan Academy |
| Kommersiya | Xeyr |
| Tipi | Qeyri-kommersiya təşkilatı[1] |
| Qeydiyyat | İcbari |
| Dilləri | Azərbaycanca, ingiliscə, rusca, gürcücə, türkcə, portuqalca, qazaxca, bolqarca, ispanca |
| İstifadəçi sayı | 2 500 000[2] |
| Proqramlaşdırma dili | Java[3] |
| Sahibi | Salman Xan[4] |
| Açılma tarixi | 2008 |
| Hazırkı statusu | Aktiv |
| Gəlir |
|
| Şüar | Hər kəs üçün, hər yerdə ödənişsiz |
| Alexa reytinqi | ▼ 359 (2020) |
 Vikianbarda əlaqəli mediafayllar | |
Khan Academy — 2008-ci ildə Salman Xan tərəfindən yaradılan sinif daxilində və xaricində öyrənmək istəyənlərin özlərinə ən uyğun şəkildə öyrənə bilmələri üçün çalışma tapşırıqları, öyrədici videolar, interaktiv çalışmalar vasitəsilə şəxsiləşdirilmiş öyrənmə təcrübəsi vəd edən amerikan qeyri-kommersiya təşkilatı[6]. Riyaziyyat, fizika, proqramlaşdırma, tarix, incəsənət, iqtisadiyyat və daha bir çox bunlar kimi mövzulara toxunur.[7] Boşluqları və güclü cəhətləri aydınlaşdırıb uyğun olaraq tapşırıq vermə alqoritmamızdan istifadə edərək riyaziyyat üzrə ibtidai sinifdən universitet səviyyəsinə qədər bütün şagirdlərə bələdçilik edir. Sayt həmçinin daha mütəxəssisləşdirilmiş məzmun vəd etmək üçün NASA, Modern Sənət Muzeyi, Kaliforniya Elmlər Akademiyası və MIT kimi qurumlarla əməkdaşlıq edir.[8]
Veb-sayt və onun məzmunu əsasən ingilis dilində verilir, bununla yanaşı, eyni zamanda, azərbaycan, benqal, bolqar, çin, çex, danimarka, ərəb, holland, fransız, gürcü, alman, ivrit, hindi, indoneziya, italyan, yapon, koreya, norveç, polyak, portuqal, serb, ispan, isveç, tamil, teluqu, türk, urdu və özbək dillərində də fəaliyyət göstərir.[9]
Tarixçə
Qurumun qurucusu Salman Xan, ABŞ-ın Nyu-Orlean şəhərində bir benqallı ata və bir hind anasının övladı olaraq doğulub böyüdü. Massaçusets Texnologiya İnstitutunda üç fərqli sahə üzrə təhsil aldıqdan sonra dörd il ərzində Harvardda biznes idarəetməsi fakültəsi üzrə magistratura pilləsini qazandı.[10]
2004-cü ilin sonlarına yaxın əmisi oğlu Nadiaya riyaziyyat tədris edərkən, bənzər kurs istəkləri tələbi ilə Youtube videolarını hazırlamağa başlayan Salman Xan, hazırladığı dərsləri yüksək qiymətləndirənlərin sıx marağına görə 2009-cu ildə işini tərk etmiş və 2010-cu ildən bəri "Khan Academy" adlı qeyri-kommersiya təşkilatı yaratmış və dərslər hazırlamağa başlamışdır.[11] Məlumatın ehtiyacı olan hər kəs üçün sərbəst olacağına inanan Xan, maliyyə sektorunda uğurlu bir karyeradan imtina edərək, ən dəyərli bir şey olduğuna inandığı biliklərini paylaşmağı seçir. Khan Academy, qazanc üçün deyil, ianə ilə dəstəklənən və təhsil sahəsindəki sosial sahibkarlığın nümunəsidir.[12] Bill & Melinda Qeys vəqfi, Ann və John Doerr, Lemann Vəqfi və Google kimi böyük təşkilatlardan ianələr alaraq, texnologiyaya əsaslanan və insanlara yönümlü təhsil anlayışının yayılmasına və dünyada təhsildə bərabər imkanlara töhfə verməyi hədəfləyir. 2010-cu ildə Google, dərsləri artırmaq və bütün əsas ifadələri fərqli ortaq dillərə tərcümə etmək üçün, 10^100 Layihəsi çərçivəsində Khan Academy təşkilatına 2 milyon dollar verdiyini açıqladı. 2020-ci ildə saytın azərbaycanca versiyası açılmışdır.[13]
İstinadlar
- ↑ Bansal, Varsha. "Khan academy gets its math right, adds content in local languages". The Economic Times. 24 sentyabr 2018.
- ↑ "Khan Academy". Skoll. İstifadə tarixi: 15 aprel 2020.
- ↑ "Interesting Khan Academy Statistics and Facts". expandedramblings.com. İstifadə tarixi: 15 aprel 2020.
- ↑ "Khan Academy's Competitors, Revenue, Number of Employees, Funding and Acquisitions". Owlers. İstifadə tarixi: 15 aprel 2020.
- ↑ https://www.charitynavigator.org/ein/261544963.
- ↑ "Khan Academy Inc - Nonprofit Explorer". ProPublica (ingilis). İstifadə tarixi: 15 aprel 2020.
- ↑ Sampson, Demetrios G.; Ifenthaler, Dirk; Spector, J. Michael; Isaias, Pedro. Digital Systems for Open Access to Formal and Informal Learning (ingilis). Kaliforniya, ABŞ: Springer. 2014. səh. 19. ISBN 978-3-319-02264-2. İstifadə tarixi: 15 aprel 2020.
- ↑ "Haqqımızda". Khan Academy (az.). İstifadə tarixi: 15 aprel 2020.
- ↑ Noer, Michael. "One Man, One Computer, 10 Million Students: How Khan Academy Is Reinventing Education". Forbes (ingilis). İstifadə tarixi: 15 aprel 2020.
- ↑ Dreifus, Claudia. "It All Started With a 12-Year-Old Cousin". The New York Times. 27 yanvar 2014. İstifadə tarixi: 15 aprel 2020.
- ↑ Bertodano, Helena de. "Khan Academy: The man who wants to teach the world". Telegraph. 28 sentyabr 2012. İstifadə tarixi: 15 aprel 2020.
- ↑ Temple, James. "Salman Khan, math master of the Internet". SFGate. 14 dekabr 2009. İstifadə tarixi: 15 aprel 2020.
- ↑ "'A Bit Of A Montessori 2.0': Khan Academy Opens A Lab School". NPR.org (ingilis). İstifadə tarixi: 15 aprel 2020.
Həmçinin bax
