Səidə Quliyeva
| Səidə Quliyeva | |
|---|---|
| Səidə Əbülfəz qızı Quliyeva | |
| Fayl:Səidə Quliyeva.jpg | |
| Doğum tarixi | |
| Doğum yeri | Bakı, Azərbaycan SSR, SSRİ |
| Milliyyəti | azərbaycanlı |
| Vətəndaşlığı |
 SSRİ→ Azərbaycan |
| Fəaliyyəti | aktrisa |
| Təhsili | |
| Mükafatları |
  |
| IMDb | ID1665720 |
Səidə Əbülfəz qızı Quliyeva — Azərbaycan teatr və kino aktrisası,[1] Azərbaycan Respublikasının xalq artisti (2012), Prezident təqaüdçüsü (2019).
Həyatı
Səidə Quliyeva 5 mart 1957-ci ildə Bakıda anadan olub. 1978-ci ildə Azərbaycan Dövlət İncəsənət İnstitutunun "dram və kino aktyoru" fakültəsini bitirib. Həmin ildən təyinatla Akademik Milli Dram Teatrında fəaliyyətə başlayıb.
Böyük səhnədə debütü 1979-cu ildə rejissor Ə.Quliyevin hazırladığı Vilyam Şekspirin "Heç nədən hay-küy" komediyasında Hero rolu olmuşdur. Bundan sonra, aktrisa teatrda müxtəlif rejissorların səhnə quruluşlarında maraqlı obrazlar yaratmışdır. S.Quliyeva Akademik Milli Dram Teatrının səhnəsində İlyas Əfəndiyevin "Xurşidbanu Natəvan" tarixi dramında Bəyim, Ş.Qurbanovun "Sənsiz" dramında Sevinc, Maksim Qorkinin "Həyatın dibində" əsərində Nastya, Əli Əmirlinin "Ağqoyunlular və Qaraqoyunlular"ında Qaraqoyunlu ana, Elçinin "Ah Paris! Paris!" komediyasında Firəngiz, Süleyman Sani Axundovun "Eşq və intiqam" pyesində Həcər xanım, Nazim Hikmətin "Kəllə" dramında Qadın, Bəxtiyar Vahabzadənin "Dar ağacı"nda Ana, Elçinin "Qatil" əsərində Qonşu, Mir Cəlalın "Dirilən adam"ında Çəpəl Suralı, Cəlil Məmmədquluzadənin "Ölülər"ində Kərbəlayi Fatma, Abdulla Şaiqin "Eloğlu"nda Ana Torpaq kimi müxtəlif janrlı obrazlar qalereyası yaratmışdır.
Aktrisa Azərbaycan Dövlət Televiziyasının hazırladığı İlyas Əfəndiyevin "Atayevlər ailəsində" əsərində Reyhan, "Sarıköynəklə Valehin nağılı"nda Reyhan, Ruhəngiz Qasımovanın "Yollar görüşəndə" dramında Çiçək, "Qonşu qonşu olsa" əsərində Balacaxanım, Mövlud Süleymanlının "Kökdən düşmüş piano"sunda Gülər, Əli Əmirlinin "Bala-başa bəla"sında İzzət Nəfisli, Aqşin Babayevin "Nekroloq"unda Elmira, "Dəvətnamə"də Məleykə və s. kimi maraqlı obrazlar oynamışdır.
Səidə Quliyeva 2000-ci ildə respublikanın Əməkdar Artisti, 9 may 2012-ci ildə Xalq artisti fəxri adına layiq görülmüşdür. 30 aprel 2014-cü ildə,[2] 6 may 2015-ci ildə[3], 6 may 2016-cı ildə[4], 1 may 2017-ci ildə[5] və 9 may 2018-ci ildə[6] Prezident Mükafatına layiq görülmüşdür. 10 may 2019-cu ildə Azərbaycan Respublikası Prezidentinin fərdi təqaüdünə layiq görülmüşdür.[7]
Filmoqrafiya
- Adam ol! (film, 2005) (tammetrajlı bədii film)-rol: Səidə
- Afaqın məhəbbəti (film)
- Ağ atlı oğlan (film, 1995)(tammetrajlı bədii film)-filmi səsləndirən: Şəhla (Laləzar Mustafayeva)
- Aramızda qalsın (film, 2011-2013)(bədii serial)
- Atayevlər ailəsi (film, 1978)
- Ayrılıq imiş (film, 2008)
- Azarkeş (film, 2008)
- Bala-başa bəla! (film, 1995)
- Bəyaz həyat (film, 2003)
- Bizi bağışlayın (film, 1979)
- Bizim qəribə taleyimiz (film, 2005)
- Böyük ömrün davamı (film, 2007)
- Cəza (film, 1996)
- Dəvətnamə (film, 2003)
- Fədakar (film, 2015)
- "Fransız" (film, 1995)
- Gülüş sanatoriyası (film, 1989)
- Günahsız Abdulla (film, 1984)
- Günaydın, mələyim! (film, 2008)
- Hansı peşə yaxşıdır (film, 1982)
- Haray (film, 1993)
- Heydər Əliyev (film)
- İtkin gəlin (film, 1994)
- Kökdən düşmüş piano (film, 1982)
- Ordan-burdan (film, 1987)
- "Qayınana" əməliyyatı (film, 1999)
- Qeybdən gələn səs (film, 2002)
- Qəzəlxan (film, 1991)
- Qonşu qonşu olsa... (film, 1989)
- Məhəbbətin familiyası (film, 1977)
- Mən mahnı qoşuram (film, 1979)
- Milli bomba (film, 2004)
- Min birinci söz (film, 1997)
- Nekroloq (film, 2001)
- Sabiqlər (film, 1999)
- Sabiqlərin yeni sərgüzəştləri (film, 2000)
- Sarıköynəklə Valehin nağılı (film, 1980)
- Susmuş vicdan (film, 2010)
- Sürəyya (film, 1987)
- Şahid qız (film, 1990)
- Təxribat (film, 1990)
- Tənha durna uçuşu (film, 2003)
- Topal Teymur (film, 1983)
- Ultionis
- Vəkil hanı? (film, 2011)
- Yaramaz (film, 1988)
- Yerlə göy arasında (film, 1999)
- Yoxlama (film, 2006)
- Yollar görüşəndə... (film, 1979)
- Yük (film, 1995)
İstinadlar
- ↑ Quliyeva, S. “Xəmirdən yalnız çörək bişirilmir”: Səidə Quliyeva sənət potensialının çox az hissəsini xərcləyib: [Aktrisa ilə söhbət] //Mövqe.- 2011.- 12 fevral.- S. 13.
- ↑ İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
- ↑ İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
- ↑ İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 01.05.2017. İstifadə tarixi: 2017-05-02.
- ↑ President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 09.05.2018. İstifadə tarixi: 2018-05-10.
- ↑ President.Az. "Azərbaycan mədəniyyət və incəsənət xadimlərinə Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). President.az. 10.05.2019. İstifadə tarixi: 2019-05-10.
8. https://news.milli.az/culture/695542.html 9. https://news.milli.az/culture/611288.html 10.https://news.milli.az/culture/18540.html
- Yaşayan insanlar
- 5 martda doğulanlar
- 1957-ci ildə doğulanlar
- Azərbaycan Dövlət Mədəniyyət və İncəsənət Universitetinin məzunları
- Azərbaycan Respublikasının xalq artistləri
- Azərbaycan Respublikasının əməkdar artistləri
- Əlifba sırasına görə film sənətçiləri
- Azərbaycan aktrisaları
- Bakıda doğulanlar
- Cəfər Cabbarlı mükafatı laureatları
- Azərbaycan Respublikası Prezidentinin fərdi təqaüdçüləri