Georgi Şaroyev
Bu səhifədə iş davam etməkdədir. |
Georgi Şaroyev | |
---|---|
rus. Георгий Георгиевич Шароев | |
Ümumi məlumatlar | |
Digər adı | Qriqori Şaroyev |
Doğum tarixi | |
Doğum yeri | Moskva, Moskva quberniyası, Rusiya imperiyası |
Vəfat tarixi | (78 yaşında) |
Vəfat yeri | Bakı, Azərbaycan SSR, SSRİ |
Dəfn yeri | |
Vətəndaşlığı |
Rusiya imperiyası→ AXC→ SSRİ |
Uşaqları | |
Musiqiçi məlumatları | |
Fəaliyyəti | pianoçu, musiqi pedaqoqu |
Musiqi aləti | piano |
Təhsili |
|
Mükafatları |
|
Georgi (Qriqori) Georgiyeviç Şaroyev (rus. Георгий Георгиевич Шароев; 13 iyun 1890, Moskva – 23 may 1969, Bakı) — Azərbaycan-sovet pianoçusu və pedaqoqu, professor (1930), Azərbaycan SSR əməkdar incəsənət xadimi (1936).
Həyatı
Georgi Şaroyev 13 iyun 1890-cı ildə Moskva şəhərində anadan olmuşdur. Pianoda ifa etməyi səkkiz yaşında öyrənməyə başlamış, tanınmış müğənni Kamillo Evererardidən[ru] müğənnilik dərsləri almış anası Dariya Qriqoryevna Şaroyeva ilə birlikdə mahnıları ifa etmişdir. 1900-cü ildə Moskva konservatoriyasının birinci kursuna qəbul edilmiş, burada Henrix Paxulski[ru], Vasili Safonov[ru], Konstantin İqumnov[ru] kimi pedaqoqlardan dərslər almışdır.[1]
Georgi Şaroyev Anna Yesipovanın[ru] tələbəsi olmuşdur. 1941-ci ildən Sov.İKP üzvü olmuşdur. 1919-cı ildən Rus İmperator Musiqi Cəmiyyəti tərkibindəki musiqi məktəbində[a] müəllimlik edən Georgi Şaroyev Azərbaycan Dövlət Konservatoriyası yarandığı tarixdən, 1921-ci ildən burada dərs demiş, 1930-cu ildə professor adını almış, 1934–1952-ci illərdə kafedra müdiri olmuş, 1948–1950-ci illərdə burada prorektor işləmişdir. 1933-cü ildə təsis etdiyi musiqi məktəbi onun adını daşıyır.[2]
Georgi Şaroyev Üzeyir Hacıbəyovun ən yaxın əməkdaşlarından olmuş, onun haqda dəfələrlə mətbuatda xatirələrlə çıxış etmişdir.[3][4]
Azərbaycan pianoçularından Kövkəb Səfərəliyeva, Elmira Nəzirova, Qara Qarayev, Vaqif Mustafazadə, Çingiz Sadıqov, Fəridə Quliyeva və başqaları Qriqori Şaroyevin tələbələri olmuşlar.[5]
Təltif və mükafatları
- "Azərbaycan SSR əməkdar incəsənət xadimi" fəxri adı — 1 fevral 1936
- "Qırmızı Əmək Bayrağı" ordeni — 9 iyun 1959
Qeydlər
- ↑ Həmin dövrdə Bakı Musiqi Texnikumu Rus İmperator Musiqi Cəmiyyəti nəzdində fəaliyyət göstərir və Bakı şöbəsi adlanırdı
İstinadlar
- ↑ К. Сафар-Алиева. Георгий Георгиевич Шароев // Видные деятели фортепианной культуры Азербайджана. (Составитель Т. А. Сеидов) (rus). Баку: Ишыг. 1988. С. 14–31. ISBN 5-89650-001-7.
- ↑ ШАРО́ЕВ Георгий Георгиевич // Музыкальный энциклопедический словарь / гл. ред.: Г. В. Келдыш. М.: Советская энциклопедия. 1990. С. 632. ISBN 5-85270-033-9. 150 000 экз.
- ↑ Шаројев Ҝеорҝи Ҝеорҝијевич // Үзејир Һаҹыбәјов енсиклопедијасы. Бакы: «Азәрбајҹан» нәшријјаты. Елми-редаксија шурасынын сәдри: Н. С. Ибраһимов. 1996. сәһ. 220.
- ↑ ŞAROYEV Georgi Georgiyeviç // Üzeyir Hacıbəyov ensiklopediyası. Bakı: Şərq-Qərb. 2007. səh. 196. ISBN 978-9952-34-075-4.
- ↑ "Şaroyev Georgi Georgiyeviç". musicacademy.edu.az. Bakı Musiqi Akademiyası. İstifadə tarixi: 15 sentyabr 2021.
- 13 iyunda doğulanlar
- 1890-cı ildə doğulanlar
- 78 yaşında vəfat edənlər
- 23 mayda vəfat edənlər
- 1969-cu ildə vəfat edənlər
- II Fəxri Xiyabanda dəfn olunanlar
- Moskva Dövlət Konservatoriyasının məzunları
- Sankt-Peterburq Konservatoriyasının məzunları
- Azərbaycan SSR əməkdar incəsənət xadimləri
- SSRİ-nin "Qırmızı əmək bayrağı" ordeni ilə təltif edilənlər
- Əlifba sırasına görə musiqiçilər
- Moskvada doğulanlar
- Bakıda vəfat edənlər
- Azərbaycan pianoçuları
- Bakı Musiqi Akademiyasının müəllimləri