Aslan İsmayılov
| Aslan İsmayılov | |
|---|---|
| Aslan Ziyəddin oğlu İsmayılov | |
| Aslan İsmayılov 2020-ci ildə. Aslan İsmayılov 2020-ci ildə. | |
| Doğum tarixi | |
| Doğum yeri | Qardabani, Gürcüstan SSR, SSRİ |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Təhsili | Kuban Dövlət Universiteti |
| Fəaliyyəti | hüquqşünas |
 |
|
| aslanismayilov.com | |
 Vikianbarda əlaqəli mediafayllar | |
Aslan Ziyəddin oğlu İsmayılov (Qardabani, Gürcüstan SSR, SSRİ) — azərbaycanlı hüquqşünas.
Həyatı və fəaliyyəti
Aslan İsmayılov 1958-ci ildə Qardabanidə anadan olub.[1] 1975-1977-ci illərdə Krasnodar şəhərinin kompressor zavodunda tornaçı (tokar) işləyib.
1983-cü ildə Rusiya Federasiyasının Kuban Dövlət Universitetinin hüquq fakültəsini fərqlənmə ilə bitirib.
1983-1986-cı illərdə RF-ın Stavropol diyarının Neftekumsk şəhərində xalq hakimi əvəzi, Andropov rayon xalq məhkəməsinin hakimi vəzifələrində işləyib.
1986-1989-cu illərdə Stavropol diyarının Zelençuk rayon xalq məhkəməsinin sədri olub. 1989-1993-cü illərdə Azərbaycan Respublikası Prokurorluğunda məhkəmələrə nəzarət şöbəsinin prokuroru, 1993-1994-cü illərdə isə AR Prezidenti Aparatının dövlət-hüquq şöbəsinin baş məsləhətçisi vəzifəsində çalışıb.
1996-2002-ci illərdə Budapeşt, Varşava, Haaqa, Strasburq və digər şəhərlərdə insan haqları ilə bağlı təşkil olunmuş tədris kurslarında təhsil alıb. 1996-cı ildə Viza hüquq firmasını, 2006-cı ildə Aslan İsmayılov və Partnyorları vəkil bürosunu təsis edib.
1996-cı ildən BMT-nın Nyu-York, Cenevrə, ATƏT-in Vyana, Varşava, Avropa Şurasının Strasburq ofislərində çoxsaylı tədbirlərdə iştirak edib. ABŞ-ın Kolumbiya, Pitsburq, Fordom universitetlərində, Korneqi fondu, Sülh və Demokratiya institutunda, Azadlıq radiosunun Vaşinqton ofisində və digər çoxsaylı tədbirlərdə çıxış edib və mətbuat konfransları keçirib. Sumqayıt — SSRİ-nin süqutunun başlanğıcı kitabının müəllifidir.
Azərbaycan SSR Ali Məhkəməsinin 1989-cu ildə Bakıda keçirilmiş iclasında dövlət ittihamını müdafiə edən prokuror olarkən məhkəmə prosesində şahidi olduğu prosesləri "Sumqayıt — SSRİ-nin süqutunun başlanğıcı" kitabında əks etdirib. Kitabda bu hadisələrlə bağlı bir sıra qaranlıq məsələlərə aydınlıq gətirilir.
4 may 2010-cu ildən fəlsəfə üzrə fəlsəfə doktorudur. Ailəlidir, 3 övladı var.
Kitabları
- Sumqayıt-SSRİ-nin süqutunun başlanğıcı, Bakı, Çaşıoğlu, 2010.
İstinadlar
Xarici keçidlər
