Aslan İsmayılov

Vikipediya, açıq ensiklopediya
Jump to navigation Jump to search
Aslan İsmayılov
Sumqayıt hadisələri haqqında kitabın yeni nəşrinin təqdimatı (2).jpg
Doğum tarixi 20 fevral 1958 (1958-02-20) (61 yaş)
Doğum yeri Qazax rayonu
Milliyyəti Eymur (Ayrım) türkü
Fəaliyyəti hüquqşünas
İmza
aslanismayilov.com
Commons-logo.svg Vikianbarda əlaqəli mediafayllar

Aslan Ziyəddin oğlu İsmayılov (d. 20 fevral 1958, Qazax, Azərbaycan) — hüquqşünas.

Həyatı və fəaliyyəti[redaktə | əsas redaktə]

İsmayılov Aslan Ziyəddin oğlu 1958-ci ildə Qazax rayonunda anadan olub.Milliyyətcə eymur(ayrım)türküdür. 1975-1977-ci illərdə Krasnodar şəhərinin kompressor zavodunda tornaçı (tokar) işləyib.

1983-cü ildə Rusiya Federasiyasının Kuban Dövlət Universitetinin hüquq fakültəsini fərqlənmə ilə bitirib.

1983-1986-cı illərdə RF-ın Stavropol diyarının Neftekumsk şəhərində xalq hakimi əvəzi, Andropov rayon xalq məhkəməsinin hakimi vəzifələrində işləyib.

1986-1989-cu illərdə Stavropol diyarının Zelençuk rayon xalq məhkəməsinin sədri olub. 1989-1993-cü illərdə Azərbaycan Respublikası Prokurorluğunda məhkəmələrə nəzarət şöbəsinin prokuroru, 1993-1994-cü illərdə isə AR Prezidenti Aparatının dövlət-hüquq şöbəsinin baş məsləhətçisi vəzifəsində çalışıb.

1996-2002-ci illərdə Budapeşt, Varşava, Haaqa, Strasburq və digər şəhərlərdə insan haqları ilə bağlı təşkil olunmuş tədris kurslarında təhsil alıb. 1996-cı ildən Viza hüquq firmasının, 2006-cı ildən Aslan İsmayılov və Partnyorları vəkil bürosunun təsis edib.

1996-cı ildən BMT-nın Nyu-York, Cenevrə, ATƏT-in Vyana, Varşava, Avropa Şurasının Strasburq ofislərində çoxsaylı tədbirlərdə iştirak edib. ABŞ-ın Kolumbiya, Pitsburq, Fordom universitetlərində, Korneqi fondu, Sülh və Demokratiya institutunda, Azadlıq radiosunun Vaşinqton ofisində və digər çoxsaylı tədbirlərdə çıxış edib və mətbuat konfransları keçirib. Sumqayıt — SSRİ-nin süqutunun başlanğıcı kitabının müəllifidir.

Azərbaycan SSR Ali Məhkəməsinin 1989-cu ildə Bakıda keçirilmiş iclasında dövlət ittihamını müdafiə edən prokuror olarkən məhkəmə prosesində şahidi olduğu prosesləri "Sumqayıt — SSRİ-nin süqutunun başlanğıcı" kitabında əks etdirib. Kitabda bu hadisələrlə bağlı bir sıra qaranlıq məsələlərə aydınlıq gətirilir.

4 may 2010-cu ildən fəlsəfə üzrə fəlsəfə doktorudur. Ailəlidir, 3 övladı var.

Kitabları[redaktə | əsas redaktə]

Mənbə[redaktə | əsas redaktə]

Xarici keçidlər[redaktə | əsas redaktə]

Vikianbarda Aslan İsmayılov ilə əlaqəli mediafayllar var.